ಮಧ್ಯಮ ಕ್ರಮಾಂಕದ ಬ್ಯಾಟ್ಸ್‌ ಮನ್‌ ಶುಭಮನ್‌ ಗಿಲ್ ಸಿಡಿಸಿದ ಚೊಚ್ಚಲ ಶತಕದ ನೆರವಿನಿಂದ ಭಾತತ ತಂಡ ಮೂರನೇ ಹಾಗೂ ಅಂತಿಮ ಏಕದಿನ ಪಂದ್ಯದಲ್ಲಿ ಜಿಂಬಾಬ್ವೆಗೆ 300 ರನ್‌ ಗುರಿ ಒಡ್ಡಿದೆ.
ADVERTISEMENT
ಹರಾರೆಯಲ್ಲಿ ಸೋಮವಾರ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟ್‌ ಮಾಡಿದ ಭಾರತ ತಂಡ 50 ಓವರ್‌ ಗಳಲ್ಲಿ 5 ವಿಕೆಟ್‌ ಕಳೆದುಕೊಂಡು 299 ರನ್‌ ಗಳಿಸಿತು.
ಗಿಲ್ 97 ಎಸೆತಗಳಲ್ಲಿ 15 ಬೌಂಡರಿ ಮತ್ತು 1 ಸಿಕ್ಸರ್‌ ಒಳಗೊಂಡ 130 ರನ್‌ ಸಿಡಿಸಿದರು. ಈ ಮೂಲಕ ಗಿಲ್ ಶತಕದ ಬರ ನೀಗಿಸಿಕೊಂಡರು.
ಭಾರತ ತಂಡಕ್ಕೆ ನಾಯಕ ಕೆಎಲ್‌ ರಾಹುಲ್‌ ಮತ್ತು ಶಿಖರ್‌ ಧವನ್‌ ಮೊದಲ ವಿಕೆಟ್‌ ಗೆ ೬೩ ರನ್‌ ಜೊತೆಯಾಟದ ಮೂಲಕ ಉತ್ತಮ ಆರಂಭ ನೀಡಿದರು. ಧವನ್‌ (40) ಮತ್ತು ರಾಹುಲ್‌ (30) ನೆಲಕಚ್ಚಿ ಆಡುವ ಹಂತದಲ್ಲಿ ವಿಕೆಟ್‌ ಕೈ ಚೆಲ್ಲಿದರು. ನಂತರ ಜೊತೆಯಾದ ಶುಭಮನ್‌ ಗಿಲ್ ಮತ್ತು ಇಶಾನ್‌ ಕಿಶನ್‌ ಮೂರನೇ ವಿಕೆಟ್‌ ಗೆ 140 ಜೊತೆಯಾಟದ ಮೂಲಕ ತಂಡವನ್ನು ಮುನ್ನಡೆಸಿದರು. ಕಿಶನ್‌ 61 ಎಸೆತಗಳಲ್ಲಿ 6 ಬೌಂಡರಿ ಸಹಿತ 50 ರನ್‌ ಸಿಡಿಸಿ ನಿರ್ಗಮಿಸಿದರು.
