ಸೆಲ್ಫಿ ಫೋಟೊ ತೆಗೆದುಕೊಳ್ಳಲು ರೈಲಿನ ಇಂಜಿನ್ ಬೋಗಿ ಮೇಲೇರಿದ 16 ವರ್ಷದ ಬಾಲಕ ಕರೆಂಟ್‌ ಹೊಡೆದು ಮೃತಪಟ್ಟ ಆಘಾತಕಾರಿ ಘಟನೆ ಮಧ್ಯಪ್ರದೇಶದಲ್ಲಿ ಸಂಭವಿಸಿದೆ.
ADVERTISEMENT
ಮಧ್ಯಪ್ರದೇಶದ ಚತ್ರಾಪುರ ರೈಲ್ವೆ ನಿಲ್ದಾಣದಲ್ಲಿ ಗುರುವಾರ ಈ ಘಟನೆ ಸಂಭವಿಸಿದ್ದು, ರೈಲಿನ ಬೋಗಿಯ ಮೇಲೇರಿದ ಬಾಲಕ ವಿದ್ಯುತ್‌ ಸ್ಪರ್ಶದಿಂದ ಸ್ಥಳದಲ್ಲೇ ಮೃತಪಟ್ಟಿದ್ದಾನೆ.
ಮೃತಪಟ್ಟ ಬಾಲಕ ಸುಹೇಲ್‌ ಮನ್ಸೂರಿ ಎಂದು ಗುರುತಿಸಲಾಗಿದೆ. ರೈಲಿನ ಬೋಗಿಯ ಮೇಲೆ ಏರಿದ ಬಾಲಕ ಸೆಲ್ಫಿ ತೆಗೆದುಕೊಳ್ಳುತ್ತಿದ್ದಾಗ ಈ ದುರ್ಘಟನೆ ಸಂಭವಿಸಿದೆ ಎಂದು ರೈಲ್ವೆ ನಿಲ್ದಾಣದ ಅಧಿಕಾರಿ ತಿಳಿಸಿದ್ದಾರೆ.
ಮನೆಯಿಂದ ಬೆಳಿಗ್ಗೆ ರೈಲ್ವೆ ನಿಲ್ದಾಣಕ್ಕೆ ಬಂದಿದ್ದ ಬಾಲಕ ರೈಲಿನ ಇಂಜಿನ್ ಬೋಗಿ ಮೇಲೇರಿದ ಸುಹೇಲ್‌ ಸೆಲ್ಫಿ ತೆಗೆದುಕೊಳ್ಳುತ್ತಿದ್ದಾಗ ಚಾರ್ಜ್‌ ಆಗಿದ್ದ ವಿದ್ಯುತ್‌ ತಂತಿ ತಲೆಗೆ ತಗುಲಿದೆ. ವಿದ್ಯುತ್‌ ಪ್ರವಹಿಸಿದ ಬೆನ್ನಲ್ಲೇ ಮೃತಪಟ್ಟಿದ್ದಾರೆ.
