ರಷ್ಯಾದ ಆಕ್ರಮಣದ ನಂತರ ಹತ್ತು ಮಿಲಿಯನ್ ಜನರು ಉಕ್ರೇನ್ನಲ್ಲಿ ತಮ್ಮ ಮನೆಗಳನ್ನು ತೊರೆದಿದ್ದಾರೆ ಎಂದು ವಿಶ್ವಸಂಸ್ಥೆಯ ನಿರಾಶ್ರಿತರ ಮುಖ್ಯಸ್ಥರು ಭಾನುವಾರ ಹೇಳಿದ್ದಾರೆ.
ಉಕ್ರೇನ್ ನ ಜನಸಂಖ್ಯೆಯ ಪೈಕಿ ಕಾಲುಭಾಗಕ್ಕಿಂತಲೂ ಹೆಚ್ಚು ಮಂದಿ ಯುದ್ಧದ ಬಳಿಕ ತಮ್ಮ ಮನೆಗಳನ್ನು ತೊರೆದಿದ್ದಾರೆ. UNHCR, UN ನಿರಾಶ್ರಿತರ ಏಜೆನ್ಸಿ ಪ್ರಕಾರ, ಒಟ್ಟು ಜನಸಂಖ್ಯೆಯ ಪೈಕಿ 3.4 ಮಿಲಿಯನ್ ಜನರು ನೆರೆಯ ದೇಶಗಳಿಗೆ, ಹೆಚ್ಚಾಗಿ ಪೋಲ್ಯಾಂಡ್ ಗಡಿಗೆ ಪಲಾಯನ ಮಾಡಿದ್ದಾರೆ ಎಂದು ಹೇಳಿದರು.
“ಜಗತ್ತಿನ ಎಲ್ಲೆಡೆ ಯುದ್ಧ ಮಾಡುವವರ ಜವಾಬ್ದಾರಿಗಳಲ್ಲಿ, ಮನೆಗಳನ್ನು ತೊರೆಯುವಂತೆ ಮಾಡಿದ, ಅನುಭವಿಸಿದ ಸಂಕಟಕ್ಕೂ ಸಹ ಆ ದೇಶದ ಹೊಣೆಯೇ ಆಗಿರುತ್ತದೆ” ಎಂದು UNHCR ಮುಖ್ಯಸ್ಥ ಫಿಲಿಪ್ಪೊ ಗ್ರಾಂಡಿ ರಷ್ಯಾವನ್ನು ದೂರಿದ್ದಾರೆ.
“ಉಕ್ರೇನ್ನಲ್ಲಿನ ಯುದ್ಧವು ಎಷ್ಟು ವಿನಾಶಕಾರಿಯಾಗಿದೆ ಎಂದರೆ 10 ಮಿಲಿಯನ್ ಜನರು ಪಲಾಯನ ಮಾಡಿದ್ದಾರೆ, ದೇಶದೊಳಗೆ ಸ್ಥಳಾಂತರಗೊಂಡಿದ್ದಾರೆ ಅಥವಾ ವಿದೇಶದಲ್ಲಿ ನಿರಾಶ್ರಿತರಾಗಿದ್ದಾರೆ” ಎಂದು ಹೇಳಿದರು.
ಫೆಬ್ರವರಿ 24 ರಂದು ರಷ್ಯಾ ಆಕ್ರಮಣ ಮಾಡಿದ ನಂತರ 3,389,044 ಉಕ್ರೇನಿಯನ್ನರು ದೇಶದ ಗಡಿಯುದ್ದಕ್ಕೂ ಪಲಾಯನ ಮಾಡಿದ್ದಾರೆ ಎಂದು UN ನಿರಾಶ್ರಿತರ ಸಂಸ್ಥೆ UNHCR ಭಾನುವಾರ ಹೇಳಿದೆ. ಶನಿವಾರದಿಂದ 60,352 ಮಂದಿ ವಲಸೆ ಹೋಗಿದ್ದಾರೆ. ವಲಸೆ ಹೋಗಿರುವವರ ಪೈಕಿ ಶೇ.90 ರಷ್ಟು ಮಂದಿ ಮಹಿಳೆಯರು ಹಾಗೂ ಮಕ್ಕಳೇ ಆಗಿದ್ದಾರೆ.
18 ರಿಂದ 60 ವರ್ಷ ವಯಸ್ಸಿನ ಉಕ್ರೇನಿಯನ್ ಪುರುಷರು ಮಿಲಿಟರಿ ಕರೆಗೆ ಅರ್ಹರಾಗಿರುವುದರಿಂದ ದೇಶ ಬಿಟ್ಟು ಹೋಗುವುದಕ್ಕೆ ಅವಕಾಶವಿಲ್ಲ. ಯುಎನ್ ಮಕ್ಕಳ ಏಜೆನ್ಸಿಯಾದ ಯುನಿಸೆಫ್ ಪ್ರಕಾರ, ವಿದೇಶಕ್ಕೆ 1.5 ಮಿಲಿಯನ್ಗಿಂತಲೂ ಹೆಚ್ಚು ಮಕ್ಕಳು ಪಲಾಯನ ಮಾಡಿದ್ದು, ಮಾನವ ಕಳ್ಳಸಾಗಣೆ ಸಿಲುಕಬಹುದು” ಎಂದು ಎಚ್ಚರಿಸಿದೆ.
UN’s ಇಂಟರ್ನ್ಯಾಷನಲ್ ಆರ್ಗನೈಸೇಶನ್ ಫಾರ್ ಮೈಗ್ರೇಶನ್ (IOM) ಬುಧವಾರದ ಹೊತ್ತಿಗೆ 162,000 ಮೂರನೇ ದೇಶದ ಪ್ರಜೆಗಳು ಉಕ್ರೇನ್ನಿಂದ ನೆರೆಯ ರಾಜ್ಯಗಳಿಗೆ ಪಲಾಯನ ಮಾಡಿದ್ದಾರೆ ಎಂದು ಹೇಳಿದೆ. ಲಕ್ಷಾಂತರ ಜನರು ತಮ್ಮ ಮನೆಗಳನ್ನು ತೊರೆದಿದ್ದಾರೂ ಉಕ್ರೇನ್ನ ಗಡಿಯೊಳಗೆ ಉಳಿದಿದ್ದಾರೆ.
ಸಂಘರ್ಷದ ಮೊದಲು, ಉಕ್ರೇನ್ ಸರ್ಕಾರದ ನಿಯಂತ್ರಣದಲ್ಲಿರುವ ಪ್ರದೇಶಗಳಲ್ಲಿ 37 ಮಿಲಿಯನ್ ಜನಸಂಖ್ಯೆಯನ್ನು ಹೊಂದಿತ್ತು.