ವಿಶ್ವದ ಪ್ರಮುಖ ಕ್ರೀಡಾಕೂಟ ಆಗಿರುವ ಒಲಿಂಪಿಕ್ಸ್
ಮೇಲೂ ಕರೋನಾ ವೈರಸ್
ಕರಿ ನೆರಳು ಬಿದ್ದಿದೆ. ಇಡೀ ಪ್ರಪಂಚದಲ್ಲಿ 8 ಲಕ್ಷ ಜನರನ್ನು ಕರೋನಾ ವೈರಸ್
ಆವರಿಸಿಕೊಂಡಿದ್ದು, ಸಾವಿನ ಸಂಖ್ಯೆ 40 ಸಾವಿರ ಗಡಿ ಸಮೀಪಿಸುತ್ತಿದೆ. ವಿಶ್ವದ ದೊಡ್ಡಣ್ಣ ಎನಿಸಿಕೊಂಡಿರುವ ಅಮೆರಿಕ ಕೂಡ ಕರೋನಾ ವೈರಸ್
ದಾಳಿಗೆ ಕಂಗೆಟ್ಟು ಹೋಗಿದ್ದು, ಒಲಿಂಪಿಕ್ಸ್
ಕ್ರೀಡಾಕೂಟ ನಡೆಯಬೇಕಿದ್ದ ಜಪಾನ್
ನಲ್ಲೂ 2 ಸಾವಿರ ಜನರಿಗೆ ಸೋಂಕು ಹರಡಿದೆ. ಒಟ್ಟು 56 ಜನರು ಪ್ರಾಣ ಕಳೆದುಕೊಂಡಿದ್ದಾರೆ. ಆದರೆ ಒಲಿಂಪಿಕ್ಸ್
ಕ್ರೀಡಾಕೂಟದಲ್ಲಿ ವಿಶ್ವದ 150ಕ್ಕೂ ಅಧಿಕ ರಾಷ್ಟ್ರಗಳ ಸಾವಿರಾರು ಆಟಗಾರರು ಭಾಗಿಯಾಗುವುದರಿಂದ ಕರೋನಾ ವೈರಸ್
ವ್ಯಾಪಕವಾಗಿ ಹರಡುವ ಸಾಧ್ಯತೆಯಿದೆ. ಇದೇ ಕಾರಣದಿಂದ ಒಲಿಂಪಿಕ್ಸ್
ಕ್ರೀಡಾಕೂಟ ಸಮಿತಿ ಈ ವರ್ಷ ನಡೆಯಬೇಕಿದ್ದ ಕ್ರೀಡಾಕೂಟವನ್ನು ರದ್ದು ಮಾಡಿದ ಬಳಿಕ ಮುಂದಿನ ವರ್ಷಕ್ಕೆ ಹೊಸ ದಿನಾಂಕ ನಿಗದಿ ಮಾಡಿದೆ.
ರೋಮ್ ಸಾಮ್ರಾಜ್ಯದ ಪತನದೊಂದಿಗೆ ಕಣ್ಮರೆಯಾಗಿದ್ದ ಕ್ರೀಡಾ ಮನರಂಜನೆ ಕಾರ್ಯಕ್ರಮ ಏಪ್ರಿಲ್ 6,
1896ರಲ್ಲಿ ಅಥೆನ್ಸ್
ನಲ್ಲಿ ಒಲಿಂಪಿಕ್ಸ್
ಕ್ರೀಡಾಕೂಟ ಆರಂಭವಾಗುವ ಮೂಲಕ ಕ್ರೀಡಾ ಗತವೈಭವಕ್ಕೆ ಸಾಕ್ಷಿಯಾಗಿತ್ತು. ಅಂದಿನಿಂದ ಇಂದಿನ ತನಕ ಪ್ರತಿ ನಾಲ್ಕು ವರ್ಷಕ್ಕೊಮ್ಮೆ ನಡೆಯುವ ಒಲಿಂಪಿಕ್ಸ್
ಕ್ರೀಡಾಕೂಡ ಈ ವರ್ಷ ಜಪಾನ್
ನ ಟೋಕಿಯೋದಲ್ಲಿ ನಡೆಯಬೇಕಿತ್ತು. 24 ಜುಲೈ 2020 ರಿಂದ 9 ಆಗಸ್ಟ್
2020ರ ತನಕ ಬರೋಬ್ಬರಿ 16 ದಿನಗಳ ಕಾಲ ಕ್ರೀಡಾ ಹಬ್ಬಕ್ಕೆ ಸಾಕ್ಷಿಯಾಗಬೇಕಿತ್ತು. ಸಾವಿನ ರಣಕೇಕೆ ಹಾಕುತ್ತ ಇಡೀ ಜಗತ್ತಿಗೆ ಸಂಕಷ್ಟ ತಂದೊಡ್ಡಿರುವ ಕರೋನಾ ವೈರಸ್
ನಡುವೆ ಒಲಿಂಪಿಕ್ಸ್
ಈ ಬಾರಿ ಒಂದು ವರ್ಷ ಮುಂದೂಡಿಕೆಯಾಗಿದ್ದು ಜುಲೈ 23, 2021 ರಿಂದ ಆರಂಭವಾಗಿ ಆಗಸ್ಟ್ 8,
2021 ತನಕ ನಡೆಯಲಿದೆ. ಅದೇ ರೀತಿ ಪ್ಯಾರಾಲಿಂಪಿಕ್ಸ್‌ ಆಗಸ್ಟ್ 24ರಿಂದ ಸೆಪ್ಟೆಂಬರ್‌ 5ರವರೆಗೆ ನಡೆಯಲಿದೆ.
ಒಲಿಂಪಿಕ್ಸ್
ಕ್ರೀಡಾಕೂಟ ನಡೆದ ಒಂದು ವರ್ಷದ ಬಳಿಕ ನಡೆಯಬೇಕಿದ್ದ ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್‌ಷಿಪ್‌ ಕೂಡ ಒಂದು ವರ್ಷ ಮುಂದೂಡಿಕೆಯಾಗಿದೆ. ಒಲಿಂಪಿಕ್ಸ್
ಈ ವರ್ಷ ಮುಕ್ತಾಯವಾಗಿದ್ದರೆ, 2021ಕ್ಕೆ ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್‌ಷಿಪ್‌ ನಡೆಯಬೇಕಿತ್ತು. ಆದರೆ ಒಲಿಂಪಿಕ್ಸ್
ಒಂದು ವರ್ಷಕ್ಕೆ ಮುಂದೂಡಿಕೆಯಾಗಿದ್ದರಿಂದ ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್‌ಷಿಪ್‌ ಕೂಡ 2022ಕ್ಕೆ ಮುಂದೂಡಿಕೆ ಮಾಡಲಾಗಿದೆ. ಟೋಕಿಯೊ ಒಲಿಂಪಿಕ್‌ ಕೂಟದ ಪರಿಷ್ಕೃತ ದಿನಾಂಕ ಪ್ರಕಟವಾದ ಬಳಿಕ ಅಂತರರಾಷ್ಟ್ರೀಯ ಅಥ್ಲೆಟಿಕ್ಸ್ ಫೆಡರೇಷನ್ಸ್ ಸಂಸ್ಥೆ ಈ ನಿರ್ಧಾರ ಪ್ರಕಟಿಸಿದೆ. ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್‌ಷಿಪ್‌ನ ಪರಿಷ್ಕೃತ ದಿನಾಂಕ ಇನ್ನು ಪ್ರಕಟ ಆಗಿಲ್ಲ. ಶೀಘ್ರದಲ್ಲೇ ದಿನಾಂಕ ಪ್ರಕಟಿಸಲಾಗುವುದು ಎಂದು ವಿಶ್ವ ಅಥ್ಲೆಟಿಕ್ಸ್ ಆಡಳಿತ ಮಂಡಳಿ ಪ್ರಕಟಿಸಿದೆ.
ಘಟಾನುಘಟಿ ಆಟಗಾರರಿಗೆ ನಿರಾಸೆಯ ವಸಂತ!
2020ರಲ್ಲಿ ಆಟವಾಡಿ ಪದಕ ಗೆಲ್ಲುವ ಮೂಲಕ ಕ್ರೀಡಾ ಬದುಕಿಗೆ ವಿದಾಯ ಹೇಳಬೇಕು ಎಂದುಕೊಂಡಿದ್ದ ಘಟಾನುಘಟಿ ಆಟಗಾರರಿಗೂ ಕರೋನಾ ಕಾಟ ಕೊಟ್ಟಿದೆ. ವಿಶ್ವವ್ಯಾಪಿ ಆವರಿಸಿರುವ ಕರೋನಾ ಸೋಂಕಿನ ಭೀತಿಯಿಂದ ಒಲಿಂಪಿಕ್ಸ್
ಒಂದು ವರ್ಷ ಮುಂದೂಡಿಕೆಯಾಗಿದೆ. ಆದರೆ ನಿವೃತ್ತಿ ಅಂಚಿನಲ್ಲಿರುವ ಆಟಗಾರರ ಸಾಮರ್ಥ್ಯ ಹೀಗೇ ಇರುವುದಿಲ್ಲ. ಮುಂದಿನ ವರ್ಷಕ್ಕೆ ಇಷ್ಟೇ ಫಿಟ್
ನೆಸ್
ಕಾಯ್ದುಕೊಳ್ಳುವುದು ಕಷ್ಟದಾಯಕ ಎನಿಸುತ್ತದೆ. ಪ್ರಮುಖವಾಗಿ 46 ವರ್ಷದ ಟೆನಿಸ್
ಆಟಗಾರ ಫೇಸ್
, 37 ವರ್ಷದ ಬಾಕ್ಸರ್
ಮಣಿಪುರದ ಮೇರಿಕೋಮ್
, 40 ವರ್ಷದ ಆಟಗಾರ ಕರ್ನಾಟಕದ ರೋಹನ್
ಬೋಪಣ್ಣ, 38 ವರ್ಷದ ಟೆನಿಸ್ ಲೋಕದ ಸಾರ್ವಕಾಲಿಕ ಶ್ರೇಷ್ಠ ಆಟಗಾರ ರೋಜರ್‌ ಫೆಡರರ್‌, 38 ವರ್ಷದ ಅಮೆರಿಕದ ಟೆನಿಸ್
ಆಟಗಾರ್ತಿ ಸೆರೆನಾ ವಿಲಿಯಮ್ಸ್‌ ಸೇರಿದಂತೆ ಖ್ಯಾತನಾಮ ಆಟಗಾರರಿಗೆ ಈ ಬಾರಿಯ ಒಲಿಂಪಿಕ್ಸ್
ವಿದಾಯದ ವೇದಿಕೆಯಾಗಿತ್ತು. ಗೆದ್ದು ನಿವೃತ್ತಿ ಘೋಷಣೆ ಮಾಡಲು ಮನಸ್ಸು ಮಾಡಿದ್ದವರಿಗೆ ಕರೋನಾ ವೈರಸ್
ನಿರಾಸೆಯ ಕಾರ್ಮೊಡ ಕವಿಯುವಂತೆ ಮಾಡಿದೆ.
