ಕರ್ನಾಟಕ ರಾಜ್ಯ ಆರೋಗ್ಯ ಇಲಾಖೆ ಹೊರಡಿಸಿರುವ ಪತ್ರಿಕಾ ಪ್ರಕಟಣೆಯ ಪ್ರಕಾರ ಕಳೆದ 24 ಗಂಟೆಗಳಲ್ಲಿ 445 ಹೊಸ ಪ್ರಕರಣಗಳು ದಾಖಲಾಗಿದೆ. ರಾಜ್ಯದಲ್ಲಿ ಕಂಡುಬಂದಿರುವ ಒಟ್ಟು ಪ್ರಕರಣಗಳ ಸಂಖ್ಯೆ 11005 ತಲುಪಿದೆ. ಇಂದು ಸೋಂಕಿನಿಂದ 246 ಮಂದಿ ಚೇತರಿಸಕೊಂಡಿದ್ದು ಒಟ್ಟು ಚೇತರಸಿಕೊಂಡವರ ಸಂಖ್ಯೆ6916 ತಲುಪಿದೆ.
ಕೋವಿಡ್‌ -19 ಸೋಂಕಿನಿಂದಾಗಿ ಇಂದು ಮತ್ತೆ 10 ಮಂದಿ ಮೃತಪಟ್ಟಿದ್ದು ಒಟ್ಟು ಮೃತಪಟ್ಟವರ ಸಂಖ್ಯೆ 180 ತಲುಪಿದೆ. 178 ಮಂದಿ ಕರೋನಾ ಸೋಂಕಿತರನ್ನು ತೀವ್ರಾ ನಿಗಾ ಘಟಕದಲ್ಲಿರಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ರಾಜ್ಯದಲ್ಲಿ ಅತೀ ಹೆಚ್ಚು ಸಕ್ರಿಯ ಪ್ರಕರಣಗಳಿರುವ ಬೆಂಗಳೂರು ನಗರದಲ್ಲಿ ಇಂದು 144 ಪ್ರಕರಣ ದಾಖಲಾಗಿದೆ. ಒಟ್ಟು ಸೋಂಕಿತರ ಸಂಖ್ಯೆ 1935 ತಲುಪಿದೆ. ಅದರಲ್ಲಿ 526 ಮಂದಿ ಚೇತರಿಸಿಕೊಂಡಿದ್ದು 81 ಮಂದಿ ಮೃತಪಟ್ಟಿದ್ದಾರೆ. ಸದ್ಯ 1327 ಸಕ್ರಿಯ ಪ್ರಕರಣಗಳು ಬೆಂಗಳೂರು ನಗರವೊಂದರಲ್ಲೇ ಇದೆ.
ಇನ್ನು ಭಾರತಾದ್ಯಂತ 17,296 ಹೊಸ ಪ್ರಕರಣಗಳು ದಾಖಲಾಗಿದೆ. ಒಟ್ಟು ಕರೋನಾ ಧೃಡವಾದ ಪ್ರಕರಣಗಳ ಸಂಖ್ಯೆ 4,90,401 ದಾಟಿದೆ. 13,940 ಮಂದಿ ಹೊಸದಾಗಿ ಕರೋನಾದಿಂದ ಚೇತರಿಸಿಕೊಂಡಿದ್ದು, ಒಟ್ಟು 2,85,637 ಮಂದಿ ಕರೋನಾ ಸೋಂಕಿನಿಂದ ಸಂಪೂರ್ಣವಾಗಿ ಚೇತರಿಕೊಂಡಿದ್ದಾರೆ. ಮರಣ ಪ್ರಮಾಣ 15,301 ತಲುಪಿದೆ. ಸದ್ಯ ಭಾರತದಲ್ಲಿ 1,89,463 ಮಂದಿಯಲ್ಲಿ ಕರೋನಾ ಸೋಂಕು ಸಕ್ರಿಯವಾಗಿದೆ.
