ಬೆಂಗಳೂರಲ್ಲಿ ಗಂಡ-ಹೆಂಡತಿ ಜಗಳಕ್ಕೆ ಸೋಷಿಯಲ್ ಮೀಡಿಯಾ ಬಳಕೆ ಆಗಿದೆ. ಡಿವೋರ್ಸ್ ಅಪ್ಲೈ ಮಾಡಿದ್ದರಿಂದ ಕೋಪಗೊಂಡ ಗಂಡ ಹೆಂಡತಿ ಮೇಲೆ ಸಿಟ್ಟು ಪ್ರದರ್ಶನ ಮಾಡಿದ್ದಾನೆ. ಫೇಸ್ ಬುಕ್ ಬಳಸಿಕೊಂಡು ಹೆಂಡತಿಯನ್ನು ಟಾರ್ಗೇಟ್ ಮಾಡಿದ್ದಾನೆ ಗಂಡ ಸತ್ಯನಾರಾಯಣ.
ಫೇಸ್ ಬುಕ್‌ನಲ್ಲಿ ಹೆಂಡತಿ ವಿರುದ್ಧ ಸೇಡು ತೀರಿಸಿಕೊಂಡಿರುವ ಪತಿ ಸತ್ಯನಾರಾಯಣ, ಫೇಸ್ ಬುಕ್‌ನಲ್ಲಿ ಕಾಲ್ ಗರ್ಲ್‌ಗಾಗಿ ಕರೆ ಮಾಡಿ ಎಂದು ಪೋಸ್ಟ್ ಮಾಡಿದ್ದಾನೆ. ಸ್ವತ: ಹೆಂಡತಿ ಫೋಟೋ ಹಾಗೂ ಫೋನ್‌ ನಂಬರ್ ಹಾಕಿ ಪೋಸ್ಟ್ ಮಾಡಿದ್ದ ಸತ್ಯನಾರಾಯಣ ರೆಡ್ಡಿ. ಕಾಲ್ ಗರ್ಲ್ ಬೇಕಾದಲ್ಲಿ ಕರೆ ಮಾಡಿ ಎಂದು ಹೆಂಡತಿ ಹಾಗೂ ಆಕೆಯ ಸಹೋದರನ ನಂಬರ್ ಪೋಸ್ಟ್ ಮಾಡಿದ್ರಿಂದ ಕರೆಗಳ ಸುರಿಮಳೆ ಆಗ್ತಿದೆ.
ಕಲಾ‌ಶಶಿ ಎಂಬ ಫೇಸ್ ಬುಕ್ ಪೇಜ್ ಕ್ರಿಯೇಟ್ ಮಾಡಿ ಕೃತ್ಯ ಮಾಡಿರುವ ಗಂಡ ಸತ್ಯನಾರಾಯಣ ರೆಡ್ಡಿ, ಪೋಸ್ಟ್ ಮಾಡಿ ಹೊರ ರಾಷ್ಟ್ರದಲ್ಲಿ ತಲೆಮರೆಸಿಕೊಂಡಿದ್ದಾನೆ. ಆತನ ವಿರುದ್ಧ ಕ್ರಮ ತೆಗೆದುಕೊಳ್ಳಬೇಕು ಎಂದು ನಂದಿನಿ ಲೇಔಟ್ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲು ಮಾಡಿದ್ದಾರೆ. 2019ರಲ್ಲಿ ಸತ್ಯನಾರಾಯಣ ಮತ್ತು ಶಶಿಕಲಾ ಮದುವೆಯಾಗಿದ್ದರು.
