ಗುಜರಾತ್ ನ ಅಹಮದಾಬಾದ್‌ ವಿಮಾನ ದುರಂತ (Air India flight crash) ಪ್ರಕರಣಕ್ಕೆ ಸಂಬಂಧಿಸಿದಂತೆ ದುರಂತ ಸಂಭವಿಸುವ ಮುನ್ನ ಕೊನೆ ಕ್ಷಣದಲ್ಲಿ ಏನಾಯ್ತು.. ಈ ದುರಂತಕ್ಕೆ ಕಾರಣವೇನು ಎಂಬುದು ತಿಳಿಯಲು ಈಗಾಗಲೇ ತನಿಖೆ ಆರಂಭವಾಗಿದೆ.
ಈ ಭೀಕರ ದುರಂತದ ಸನ್ನಿವೇಶ ಸೃಷ್ಟಿಯಾಗಿದ್ದು ಏಕೆ, ಕಾರಣ ಏನಾಯ್ತು ಎಂಬುದು ಬ್ಲಾಕ್ ಬಾಕ್ಸ್‌ನಲ್ಲಿ (Black box) ರೆಕಾರ್ಡ್ ಆಗಿದೆ. ನಿನ್ನೆ ಮಧ್ಯಾಹ್ನ 1:39ಕ್ಕೆ ಅಹ್ಮಾದಾಬಾದ್ ಏರ್‌ಪೋರ್ಟ್‌ನ ರನ್‌ವೇ 23ರಿಂದ ವಿಮಾನ ಟೇಕ್ ಆಫ್ ಆಗಿತ್ತು. ಆದ್ರೆ, ಆದಾದ 30 ಸೆಕೆಂಡ್‌ನಲ್ಲಿ ವಿಮಾನ ಸ್ಫೋಟಗೊಂಡಿದೆ.
ಈ ಘಟನೆ ಸಂಭವಿಸುವ ಮುನ್ನ ಕೊನೆ ಘಳಿಗೆಯಲ್ಲಿ ಪೈಲೆಟ್ ಹಾಗು ಕೋ ಪೈಲಟ್ ಸಂಭಾಷಣೆ ಈ ಬ್ಲಾಕ್ ಬಾಕ್ಸ್ ನಲ್ಲಿ ರೇಕಾರ್ಡ್ ಆಗಿರುತ್ತದೆ. ಹೀಗಾಗಿ ಈಗಾಗಲೇ ದುರಂತ ನಡೆದ ಸ್ಥಳದಲ್ಲಿ ಒಂದು ಬ್ಲಾಕ್ ಬಾಕ್ಸ್ ಪತ್ತೆಯಾಗಿದ್ದು, ಮತ್ತೊಂದು ಬ್ಲಾಕ್ ಬಾಕ್ಸ್ ಗಾಗಿ ಹುಡುಕಾಟ ಮುಂದುವರೆದಿದೆ.
ಈ ಬ್ಲಾಕ್ ಬಾಕ್ಸ್ ಅನ್ನು ಪರಿಶೀಲನೆಗೆ ಒಳಪಡಿಸಿದಾಗ, ಪೈಲಟ್ ಗಾಕ ನಡುವಿನ ಸಂಭಾಷಣೆ ಬಹಿರಂಗಗೊಂಡಾಗ ದುರಂತಕ್ಕೆ ಅಸಲಿ ಕಾರಣ ತಿಳಿಯಲಿದೆ.
