ಶಿಡ್ಲಘಟ್ಟ ವಿಧಾನಸಭಾ ಕ್ಷೇತ್ರದ ಗಂಜಿಗುಂಟೆ ಮತ್ತು ಬಶೆಟ್ಟಹಳ್ಳಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಗ್ರಾಮಗಳಲ್ಲಿ ಬಿಜೆಪಿ(BJP) ಅಭ್ಯರ್ಥಿ ಸೀಕಲ್ ರಾಮಚಂದ್ರಗೌಡ ಪರವಾಗಿ ಮುಖಂಡರಾದ ಸೀಕಲ್ ಆನಂದ ಗೌಡ ಮತ್ತಿತರ ಮುಖಂಡರು ಮನೆ ಮನೆಗೆ ತೆರಳಿ ಮತಯಾಚನೆ ಮಾಡಿದರು. ದೇಶಕ್ಕೆ ನರೇಂದ್ರ ಮೋದಿ ನೀಡಿರುವ ಕೊಡುಗೆ ಅಪಾರವಾದದ್ದು. ದೇಶದ ಅಭಿವೃದ್ಧಿಗೆ ಹಗಲಿರುಳು ಶ್ರಮಿಸುತ್ತಿರುವ ನರೇಂದ್ರ ಮೋದಿಯವರ(narendra modi) ಸಮಗ್ರ ಅಭಿವೃದ್ಧಿ ಮತ್ತು ಸಮಾಜ ನಿರ್ಮಾಣಕ್ಕಾಗಿ ಮತದಾರರು ಬಿಜೆಪಿ ಪಕ್ಷಕ್ಕೆ ಬೆಂಬಲ ನೀಡುವ ಮೂಲಕ ಶಿಡ್ಲಘಟ್ಟ ಅಭಿವೃದ್ಧಿಗೆ ಕೈಜೋಡಿಸಬೇಕೆಂದು ಮುಖಂಡ ಆನಂದ ಗೌಡ(ananda gowda) ಮನವಿ ಮಾಡಿಕೊಂಡರು. ದೇಶದ ಅಭಿವೃದ್ಧಿಯ ಬಗ್ಗೆ ಸದಾ ಕನಸು ಕಾಣುತ್ತಿರುವ ನರೇಂದ್ರ ಮೋದಿಯ(narendra modi) ರೀತಿಯಲ್ಲಿ ಸೀಕಲ್ ರಾಮಚಂದ್ರಗೌಡರು ಶಿಡ್ಲಘಟ್ಟಕ್ಕೆ(shidlaghatta) ಕ್ಷೇತ್ರದ ಅಭಿವೃದ್ಧಿಗೆ ಕನಸು ಕಾಣುತ್ತಿದ್ದಾರೆ ಅವರ ಕೈ ಬಲಪಡಿಸಿ ಕ್ಷೇತ್ರದ ಅಭಿವೃದ್ಧಿಯನ್ನು ಕಾಣಬೇಕೆಂದು ಗ್ರಾಮದ ಬಿಜೆಪಿ(BJP) ಯುವ ಮುಖಂಡರುಗಳು ಅಭಿಪ್ರಾಯಪಟ್ಟರು.
ಗಂಜಿಗುಂಟೆ(ganjigunte) ಹಾಗೂ ಬಶೆಟ್ಟಹಳ್ಳಿ (bashettahalli)ಗ್ರಾ.ಪಂ ವ್ಯಾಪ್ತಿಯ ನಾಚಗಾನಹಳ್ಳಿ, ಯೆರ್ರಹಳ್ಳಿ, ಕಡುಪಕುಂಟೆ, ಅಲಗುರ್ಕಿ, ರಾಯಪ್ಪನಹಳ್ಳಿ, ತಿಮ್ಮನಾಯಕನಹಳ್ಳಿ, ನಕ್ಕಲಹಳ್ಳಿ, ನಲ್ಲಜನಹಳ್ಳಿ, ಗೊರ್ಲಗುಮ್ಮನಹಳ್ಳಿ, ಗೋಣಿಮರದಹಳ್ಳಿ, ಜಿ.ಕೆ.ಹೊಸೂರು, ಕುರುಬರಹಳ್ಳಿ, ಚೊಕ್ಕನಹಳ್ಳಿ, ಬ್ರಾಹ್ಮಣರಹಳ್ಳಿ, ಗಂಗಹಳ್ಳಿ, ದೇವಗುಟ್ಟಹಳ್ಳಿ, ಗಂಜಿಗುಂಟೆ, ಹಳೆ ಗಂಜಿಗುಂಟೆ, ದೊಡ್ಡಬಂದರ ಘಟ್ಟ, ಚಿಕ್ಕಬಂದರಘಟ್ಟ, ಪುಲಕುಂಟಹಳ್ಳಿ, ಹಕ್ಕಿಬಿಕ್ಕಿ ಕಾಲೋನಿ, ಕ್ಯಾಸ ಕೆರೆ, ಬಾಳೆ ಗೌಡನ ಹಳ್ಳಿ, ವೇಮಗಲ್, ಕೊಂಡರಾಜನಹಳ್ಳಿ, ಪಲ್ಲಿಗಡ, ಲಕ್ಕೇನಹಳ್ಳಿ ಗ್ರಾಮಗಳಲ್ಲಿ ಮತ ಪ್ರಚಾರ ನಡೆಸಿದರು. ಮುಖಂಡರಾದ ನಾಚಗಾನಹಳ್ಳಿ ಅಕ್ಕಲಪ್ಪ, ಯೆರ್ರಹಳ್ಳಿ ನಾರಾಯಣಸ್ವಾಮಿ, ಕಡುಪಕುಂಟೆ ಶ್ರೀನಿವಾಸ್, ರಾಯಪ್ಪನ ಹಳ್ಳಿ ಶ್ರೀನಾಥ್, ತಿಮ್ಮನಾಯಕನಹಳ್ಳಿ ವೆಂಕಟ ರೆಡ್ಡಿ, ಅಲಗುರ್ಕಿ ಸುಬ್ಬಾ ರೆಡ್ಡಿ, ನಕ್ಕಲಹಳ್ಳಿ ಲಗುಮಪ್ಪ, ದಡಂ ಘಟ್ಟ ಪೆದ್ದೋಡು, ಗೊರ್ಲ ಗುಮ್ಮನಹಳ್ಳಿ ವೆಂಕಟರೆಡ್ಡಿ, ಲಗನಾಯಕನಹಳ್ಳಿ ಶಿವಣ್ಣ, ತೊಕಲಹಳ್ಳಿ ಶಿವಣ್ಣ, ಎಲ್ ಎನ್ ಹೊಸೂರು ಶಿವಣ್ಣ, ಗೋಣಿಮರದಹಳ್ಳಿ ಪ್ರಕಾಶ, ಜೆ ಕುರುಬರಹಳ್ಳಿ ನಾಗರಾಜು ಅವರು ಅವರವರ ಗ್ರಾಮಗಳಲ್ಲಿ ನೇತೃತ್ವ ವಹಿಸಿ ಮುಖಂಡರ ಸಮ್ಮುಖದಲ್ಲಿ ಪ್ರಚಾರ ನಡೆಸಿದರು. ಶಿಡ್ಲಘಟ್ಟ ವಿಧಾನಸಭಾ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ(bjp candidate) ಸೀಕಲ್ ರಾಮಚಂದ್ರಗೌಡರ ಪರವಾಗಿ ಗ್ರಾಮದ ಬಿಜೆಪಿ ಯುವ ಮುಖಂಡರುಗಳು ಗ್ರಾಮದ ಪ್ರತಿ ಮನೆ ಮನೆಗೆ ತೆರಳಿ ಗ್ರಾಮಸ್ಥರಲ್ಲಿ ದೇಶ ಹಾಗೂ ತಾಲೂಕಿನ ಅಭಿವೃದ್ಧಿಗೆ ಬಿಜೆಪಿ ಅಭ್ಯರ್ಥಿಗೆ ಮತ ನೀಡುವಂತೆ ಮನವಿ ಮಾಡಿಕೊಂಡರು. ದೇಶದ ಅಭಿವೃದ್ಧಿಗಾಗಿ, ಹಿಂದುತ್ವಕ್ಕಾಗಿ , ಡಿಜಿಟಲ್ ಇಂಡಿಯಾ(digital india) ಹಾಗೂ ಇಡೀ ಪ್ರಪಂಚದ ಉದ್ದಕ್ಕೂ ಭಾರತದ ಹೆಸರನ್ನು ಸಾರಿದಂತಹ ಪ್ರಧಾನಿ ನರೇಂದ್ರ ಮೋದಿಜಿಅವರ ಅಭಿವೃದ್ಧಿ ಕಾರ್ಯಗಳನ್ನು ನೋಡಿ ಬಿಜೆಪಿ(BJP) ಪಕ್ಷಕ್ಕೆ ಆಶೀರ್ವದಿಸಬೇಕೆಂದು ಮನವಿ ಮಾಡಿಕೊಂಡರು. ಕಳೆದ ಐದು ವರ್ಷಗಳಿಂದ ತಾಲೂಕಿನಲ್ಲಿ ಯಾವುದೆ ಅಭಿವೃದ್ಧಿ ಆಗದೆ ಇದ್ದು, ಈ ಬಾರಿ ಕ್ಷೇತ್ರದ ಅಭಿವೃದ್ಧಿಗೆ ಸೀಕಲ್ ರಾಮಚಂದ್ರಗೌಡರು ಬಂದಿದ್ದು, ಅವರ ಕೈ ಬಲಪಡಿಸುವ ಮೂಲಕ ಈ ಬಾರಿ ವಿಧಾನಸಭಾ ಚುನಾವಣೆಯಲ್ಲಿ(assembly election) ಅವರನ್ನು ಜಯಶೀಲರನ್ನಾಗಿ ಮಾಡಿ ತಾಲೂಕಿನ ಅಭಿವೃದ್ಧಿಗೆ ಮುನ್ನುಡಿ ಬರೆಯಬೇಕಾಗಿದೆ ಎಂದರು.
