ಚೆನೈ : ತಮಿಳುನಾಡಿನ ರಾಜ್ಯ ರಾಜಕೀಯದಲ್ಲಿ ಮಹತ್ವದ ಬೆಳವಣಿಗೆ ನಡೆದಿದ್ದು, ನಟ ವಿಜಯ್ ಮುಖ್ಯಮಂತ್ರಿಯಾಗುವ ದಾರಿ ಸಂಪೂರ್ಣ ಸುಲಭವಾಗಿದೆ. 107 ಶಾಸಕರನ್ನು ಹೊಂದಿರುವ ಟಿವಿಕೆ ಪಕ್ಷಕ್ಕೆ ಈಗಾಗಲೇ 5 ಸದಸ್ಯ ಬಲದ ಕಾಂಗ್ರೆಸ್ ಬೆಂಬಲ ನೀಡಿದೆ. ಇದಾದ ಬಳಿಕ ಸಂಖ್ಯಾಬಲದ ಕೊರತೆಯಿಂದ ಬಳಲುತ್ತಿದ್ದ ಟಿವಿಕೆಗೆ ಸಿಪಿಐ ಬೆನ್ನಿಗೆ ನಿಂತಿರುವುದು ವಿಜಯ್ ಹಾದಿಯಲ್ಲಿನ ಮುಳ್ಳುಗಳು ಪಕ್ಕಕ್ಕೆ ಸರಿದಂತಾಗಿದೆ.
ಫಲಿತಾಂಶದ ಬಳಿಕ ವಿಜಯ್ ಮನವಿಗೆ ಸ್ಪಂದಿಸಿದ್ದ ಕಾಂಗ್ರೆಸ್ ಷರತ್ತು ಬದ್ಧ ಬೆಂಬಲ ನೀಡಿತ್ತು. ಆದರೆ ಇದೀಗ ಎಡಪಕ್ಷಗಳು ಬೇಷರತ್ ಬೆಂಬಲಕ್ಕೆ ಮುಂದೆ ಬಂದಿವೆ. ಅಲ್ಲದೆ ಈ ಕುರಿತು ಸಿಪಿಐ (Communist Party Of India) ಪಕ್ಷ ಅಧಿಕೃತವಾಗಿ ಬೆಂಬಲ ಪತ್ರವನ್ನು ಟಿವಿಕೆ ನಾಯಕ ಸಿಟಿಆರ್ ನಿರ್ಮಲ್ ಕುಮಾರ್ ಅವರಿಗೆ ಹಸ್ತಾಂತರಿಸುವ ಮೂಲಕ ವಿಜಯ್ಗೆ ಬೆಂಬಲ ಘೋಷಿಸಿದೆ.
ಸಿಪಿಐ ಪತ್ರದಲ್ಲೇನಿದೆ..?
ನಮ್ಮ ಪಕ್ಷದ ಕಾರ್ಯದರ್ಶಿ ಎಂ. ವೀರಪಾಂಡ್ಯನ್ ಅವರ ಸೂಚನೆಯ ಮೇರೆಗೆ, ಭಾರತ ಕಮ್ಯುನಿಸ್ಟ್ ಪಕ್ಷದ ತಮಿಳುನಾಡು ಶಾಸಕಾಂಗ ಪಕ್ಷದ ನಾಯಕರಾಗಿರುವ ಐ.ಟಿ. ರಾಮಚಂದ್ರನ್, ನಮ್ಮ ಇಬ್ಬರು ಶಾಸಕರ ಪರವಾಗಿ, ತಮಿಳುನಾಡು ರಾಜ್ಯದಲ್ಲಿ ಸರ್ಕಾರ ರಚನೆಗಾಗಿ ಟಿವಿಕೆ ಅಧ್ಯಕ್ಷ ಮತ್ತು ಶಾಸಕಾಂಗ ಪಕ್ಷದ ನಾಯಕ ಸಿ. ಜೋಸೆಫ್ ವಿಜಯ್ ಅವರ ನೇತೃತ್ವದಲ್ಲಿ ತಮಿಳಗ ವೆಟ್ರಿ ಕಳಗಂಗೆ ನಮ್ಮ ಬೇಷರತ್ತಾದ ಬೆಂಬಲವನ್ನು ಈ ಮೂಲಕ ನಿಮ್ಮ ಗಮನಕ್ಕೆ ತರುತ್ತೇವೆ.
23 ಏಪ್ರಿಲ್ 2026 ರಂದು ತಮಿಳುನಾಡು ರಾಜ್ಯಕ್ಕಾಗಿ ನಡೆದ ಸಾರ್ವತ್ರಿಕ ವಿಧಾನಸಭಾ ಚುನಾವಣೆಯ ಫಲಿತಾಂಶಗಳ ಪ್ರಕಾರ ಈ ಬೆಂಬಲವನ್ನು ವಿಸ್ತರಿಸಲಾಗಿದೆ ಮತ್ತು ತಮಿಳುನಾಡಿನ ಜನರಿಗೆ ಸ್ಥಿರ, ಜಾತ್ಯತೀತ ಮತ್ತು ಪ್ರಜಾಪ್ರಭುತ್ವ ಸರ್ಕಾರದ ಹಿತದೃಷ್ಟಿಯಿಂದ ತಿಳಿಸಲಾಗುತ್ತಿದೆ ಎಂದು ಸಿಪಿಐ ಪಕ್ಷ ಪತ್ರದಲ್ಲಿ ತಿಳಿಸಿದೆ.
ವಿಜಯ್ ನೇತೃತ್ವದ ಟಿವಿಕೆಗೆ ಯರ್ಯಾರ ಬೆಂಬಲ..?
ಟಿವಿಕೆ — 107
ಕಾಂಗ್ರೆಸ್ – 5
ಸಿಪಿಎಂ— 2
ಸಿಪಿಐ— 2
ವಿಸಿಕೆ— 2
107+5+2+2+2 = 18
