ರಾಜ್ಯಕ್ಕೆ ಬರ್ತಿದ್ದಾರೆ ಕೇಂದ್ರ ಗೃಹ ಸಚಿವ ಅಮಿತ್​ ಶಾ.. ಕಾರಣ ಏನು ಗೊತ್ತಾ..?

ರಾಜ್ಯಕ್ಕೆ ಮತ್ತೊಮ್ಮೆ ಆಗಮಿಸ್ತಿದ್ದಾರೆ ಕೇಂದ್ರ ಗೃಹ ಸಚಿವ ಅಮಿತ್ ಶಾ. ಬೆಂಗಳೂರಲ್ಲಿ ರಾಷ್ಟ್ರೀಯ ಸ್ವಯಂ ಸೇವಕ ಸಂಘದ ಸಭೆಗಾಗಿ ಅಮಿತ್​ ಶಾ ಬೆಂಗಳೂರಿಗೆ ಆಗಮಿಸುತ್ತಿದ್ದಾರೆ. ಮಾರ್ಚ್ 21 ರಿಂದ 23 ರವರೆಗೆ ನಡೆಯಲಿರುವ ಹಲವು ಸಭೆಗಳಲ್ಲಿ ಅಮಿತ್​ ಶಾ ಭಾಗಿಯಾಗಲಿದ್ದಾರೆ ಎನ್ನಲಾಗಿದೆ.

ADVERTISEMENT

ಅಮಿತ್​ ಶಾ ಜೊತೆಗಿನ ಸಭೆಯಲ್ಲಿ RSS ಮುಖ್ಯಸ್ಥ ಮೋಹನ್ ಭಾಗವತ್, ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಜೆಪಿ ನಡ್ಡಾ ಭಾಗಿಯಾಗಲಿದ್ದಾರೆ. ಸಭೆಗೆ ಪೂರಕವಾಗಿ ಮಾರ್ಚ್​ 14ರಿಂದ ಸಂಘದ ಅಖಿಲ ಭಾರತೀಯ ಕಾರ್ಯಕಾರಿಣಿ ಮಂಡಲ್ ಬೈಠಕ್​ಗಳು ನಡೆಯಲಿವೆ. ಸಂಘದ ಮುಖ್ಯಸ್ಥ ಮೋಹನ್ ಭಾಗವತ್ 14 ರಿಂದ 23ರವರೆಗೆ ಎಲ್ಲ ಸಭೆಗಳಲ್ಲೂ ಹಾಜರಾಗಲಿದ್ದಾರೆ.

ಸಂಘ ಪರಿವಾರದ ಸಂಘ-ಸಂಸ್ಥೆಗಳ ಸಣ್ಣ ಗುಂಪುಗಳ ಸಭೆಯೇ ಕಾರ್ಯಕಾರಿಣಿ ಮಂಡಲ್ ಬೈಠಕ್‌ನ ಮೂಲ ಸ್ವರೂಪ ಆಗಿದೆ. ಹಿಂದಿನ ಕಾರ್ಯಕಾರಿಣಿ ಮಂಡಲ್ ಬೈಠಕ್‌ ನಿರ್ಣಯಗಳು, ಕಾರ್ಯ ಚಟುವಟಿಕೆಗಳ ಪ್ರಗತಿ, ಅನುಷ್ಠಾನ ವರದಿ ಮಂಡನೆ ಮಾಡಲಿದ್ದಾರೆ. ಮಾರ್ಚ್​ 21ರಿಂದ ನಡೆಯಲಿರುವ ಅಖಿಲ ಭಾರತೀಯ ಪ್ರತಿನಿಧಿಗಳ ಸಭಾದಲ್ಲಿ ಭಾಗವತ್ ಜೊತೆಗೆ ಬಿಜೆಪಿ ರಾಷ್ಟ್ರೀಯ ನಾಯಕರಾದ ಜೆ.ಪಿ.ನಡ್ಡಾ, ಅಮಿತ್ ಶಾ, ಸಂಘ-ಪರಿವಾರದ ಪ್ರಮುಖರು ಭಾಗಿಯಾಗಲಿದ್ದಾರೆ.

ಮೂರು ದಿನಗಳಲ್ಲಿ ಸಭೆಯಲ್ಲಿ ದೇಶ, ವಿಶ್ವದ ವಿದ್ಯಮಾನಗಳು, ಮನುಕುಲದ ಸಂಕ್ಷೇಮ, ಸಂಘದ ಶತಮಾನೋತ್ಸವ ಕಾರ್ಯಕ್ರಮದ ರೂಪರೇಷೆ ಬಗ್ಗೆ ಚರ್ಚೆ ಮಾಡಲಿದ್ದಾರೆ. ಜೊತೆಗೆ ರಾಜ್ಯದ ಬಿಜೆಪಿಯಲ್ಲಿ ನಡೆಯುತ್ತಿರುವ ಆಂತರಿಕ ಸಂಘರ್ಷದ ಬಗ್ಗೆಯೂ ಸಭೆಯಲ್ಲಿ ಚರ್ಚೆ ಮಾಡಲಿದ್ದಾರೆ.