ಟಾಕ್ಸಿಕ್’ ಪಯಣ ಶುರು; ಬಿಗ್​ ಅಪ್​ಡೇಟ್ ನೀಡಿದ ಯಶ್

ಬೆಂಗಳೂರು:ಬಾಕ್ಸ್​ಆಫೀಸ್​ನಲ್ಲಿ ಧೂಳೆಬ್ಬಿಸಿದ್ದ ಕೆಜಿಎಫ್​ ಸರಣಿ ಬಳಿಕ ನಟ ಯಶ್​ ಮಲಯಾಳಂ ನಿರ್ದೇಶಕಿ ಗೀತು ಮೋಹನ್​ ದಾಸ್​ ನಿರ್ದೇಶನ ಟಾಕ್ಸಿಕ್​​ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.ಈ ಸಿನಿಮಾ ಇಂದು (ಆಗಸ್ಟ್​ 08) ಅಧಿಕೃತವಾಗಿ ಸೆಟ್ಟೇರಿದೆ.

ADVERTISEMENT

ಬೆಂಗಳೂರು ನಗರದ HMT ಫ್ಯಾಕ್ಟರಿಯಲ್ಲಿ ಹಾಕಲಾಗಿರುವ ಬೃಹತ್​ ಸೆಟ್​ನಲ್ಲಿ ಚಿತ್ರತಂಡ ಬ್ರಾಹ್ಮೀ ಮುಹೂರ್ತದಲ್ಲಿ ಪೂಜಾ ಕಾರ್ಯಗಳನ್ನು ನೆರವೇರಿಸಿದ್ದು, ಇಂದಿನಿಂದಲೇ ಶೂಟಿಂಗ್ ಆರಂಭವಾಗಲಿದೆ ಎಂದು ತಿಳಿಸಿದೆ.

ಟಾಕ್ಸಿಕ್​ ಸಿನಿಮಾದ ಕುರಿತು ನಟ ರಾಕಿಂಗ್ ಸ್ಟಾರ್​ ಯಶ್​ ಮಾಹಿತಿ ಹಂಚಿಕೊಂಡಿದ್ದು, ಬೆಳ್ಳಂಬೆಳಿಗ್ಗೆಯೇ ಸಿನಿ ರಸಿಕರಿಗೆ ಬಿಗ್​ ಅಪ್ಡೇಟ್​ ನೀಡಿದ್ದಾರೆ. ಪಯಣ ಶುರುವಾಗಿದೆ (The journey begins #Toxic) ಎಂದು ಬರೆದುಕೊಳ್ಳುವ ಮೂಲಕ ಸಿನಿಮಾದ ಶೂಟಿಂಗ್​ ಇಂದಿನಿಂದಲೇ ಆರಂಭವಾಗುತ್ತದೆ ಎಂದು ತಿಳಿಸಿದ್ದಾರೆ. ಈ ಸುದ್ದಿ ಕೇಳಿ ಅಭಿಮಾನಿಗಳು ಥ್ರಿಲ್​ ಆಗಿದ್ದು, ಮುಂದಿನ ಅಪ್ಡೇಟ್​ಗಾಗಿ ಕಾತುರದಿಂದ ಕಾಯುತ್ತಿದ್ದಾರೆ.