ಕೋಲಾರ: ಮಾಜಿ ಸ್ಪೀಕರ್ ರಮೇಶ್ ಕುಮಾರ್ ಜಮೀನಿನಲ್ಲಿ ನಡೆದ ಜಂಟಿ ಸರ್ವೇ ಕಂದಾಯ ಇಲಾಖೆ ಹಾಗೂ ಅರಣ್ಯ ಇಲಾಖೆ ನಡುವಿನ ಜಟಾಪಟಿಗೆ ಕಾರಣವಾಗಿದೆ. ಜಿನಗಲಕುಂಟೆ ಗ್ರಾಮದ ಸರ್ವೇ ನಂಬರ್ 1 ಮತ್ತು 2 ರಲ್ಲಿ ಜಂಟಿ ಸರ್ವೇ ಮುಕ್ತಾಯ ಆಗಿದೆ. ಅರಣ್ಯ ಇಲಾಖೆಗೆ ಸೇರಿದ 61.39 ಎಕರೆ ಜಮೀನು ಒತ್ತುವರಿ ಆಗಿರುವ ಆರೋಪ ಎದುರಾಗಿತ್ತು. ಮಾಜಿ ಸ್ಪೀಕರ್ ರಮೇಶ್ ಕುಮಾರ್ ಅರಣ್ಯ ಜಮೀನು ಒತ್ತುವರಿ ಮಾಡಿದ್ದಾರೆ ಎಂಬ ಆರೋಪ ಕೇಳಿ ಬಂದಿತ್ತು. ಗ್ರಾಮದ ಗಡಿ ಗುರುತು, ಕಂದಾಯ ಜಮೀನು, ಅರಣ್ಯ ಜಮೀನು ಗಡಿ ಗುರುತು ಮಾಡುವ ಕೆಲಸ ಪೂರ್ಣ ಆಗಿದ್ದು, ನಕ್ಷೆ ಸಿದ್ದಪಡಿಸಿ ಹೈಕೋರ್ಟ್ಗೆ ಮಾಹಿತಿ ನೀಡುತ್ತೇವೆ ಎಂದು ಕೋಲಾರ ಜಿಲ್ಲಾಧಿಕಾರಿ ಡಾ M.R ರವಿ ಮಾಹಿತಿ ನೀಡಿದ್ದಾರೆ.
ಮಾಜಿ ಸ್ಪೀಕರ್ ರಮೇಶ್ ಕುಮಾರ್ ಅವರಿಂದ ಅರಣ್ಯ ಇಲಾಖೆ ಭೂಮಿ ಒತ್ತುವರಿ ಆಗಿದೆ ಎಂದು ಕೋಲಾರ DCF ಸರಿನಾ ಸಿಕ್ಕಲಿಗರ್ ಹೇಳಿದ್ದಾರೆ. ಗುಂಟರ್ಸ್ ಚೈನ್ ಬ್ರಿಟಿಷ್ ಕಾಲದಿಂದ ಬಳಕೆ ಆಗ್ತಿದೆ. ಇದರಲ್ಲಿ ಅಳತೆ ಸರಿಯಾಗಿ ಇರುತ್ತೆ, ಅಂತ ಅಧೀನ ಕಾರ್ಯದರ್ಶಿ ಅವರೇ ಹೇಳಿದ್ದಾರೆ. ಹಾಗಾಗಿ ಅದರಲ್ಲಿ ಅಳತೆ ಮಾಡಿದ್ದೇವೆ, ಸರಿ ಇದೆ. ಹೊಸಹುಡ್ಯಾ ಗ್ರಾಮದ ಸರ್ವೇ ನಂಬರ್ 1 ಹಾಗೂ 2 ರಲ್ಲಿ ಅರಣ್ಯ ಭೂಮಿ ಒತ್ತುವರಿ ಆಗಿದೆ. ಬಿಟ್ಟು ಹೋಗಿರುವ ಜಾಗದ ವಿಚಾರ ಬೇರೆ, ಅರಣ್ಯ ಸೆಟಲ್ಮೆಂಟ್ ಮ್ಯಾಪ್ ನಮ್ಮ ಬಳಿ ಇದೆ. ಈಗ ಬೇಕಾದ್ರು ನಾವು ಮ್ಯಾಪ್ ಸಿದ್ದ ಪಡಿಸಬಹುದು, ಇಲ್ಲಿ ಒತ್ತುವರಿ ಆಗಿರೋದು ನಿಜ ಎಂದಿದ್ದಾರೆ.
ಸರ್ವೇ ನಂಬರ್ 1 ರಲ್ಲಿ 315.32 ಎಕರೆ, ಸರ್ವೇ ನಂಬರ್ 2 ರಲ್ಲಿ ಅರಣ್ಯ ಇಲಾಖೆಯ 113 ಎಕರೆ ಇದೆ. 1944 ರಲ್ಲೇ ಗಡಿ ಗುರುತು ಆಗಿದೆ. DDLR ಕೊಡುವ ರಿಪೋರ್ಟ್ ನೋಡಿ ತೀರ್ಮಾನ ಮಾಡ್ತೇವೆ. ಜನವರಿ 30 ರೊಳಗೆ ಸರ್ವೇ ವರದಿ ಸಲ್ಲಿಸಿ ಅಂತ ಹೈಕೋರ್ಟ್ ಸೂಚನೆ ನೀಡಿದೆ. ನಮಗೆ ಸರ್ವೇ ನಂಬರ್ 1 ಹಾಗೂ 2 ರಲ್ಲಿರುವ ನಮ್ಮ ಅರಣ್ಯ ಇಲಾಖೆಯ ಜಾಗ ಸೇರಿಸಿದ್ರೆ ಮಾತ್ರ ಜಂಟಿ ಸರ್ವೇ ವರದಿಗೆ ಸಹಿ ಹಾಕುತ್ತೇನೆ. ಇಲ್ಲವಾದ್ರೆ ನಾನು DDLR ವರದಿಗೆ ಸಹಿ ಹಾಕೋದಿಲ್ಲ, ಮತ್ತೆ ಸರ್ವೇ ಆಗಲಿ ಎನ್ನುವ ಮೂಲಕ ಅರಣ್ಯ ಇಲಾಖೆ ಅಧಿಕಾರಿ ನಡೆ ಭಾರೀ ಕುತೂಹಲಕ್ಕೆ ಕಾರಣವಾಗಿದೆ.
ಮಾಜಿ ಸ್ಪೀಕರ್ ರಮೇಶ್ ಕುಮಾರ್ ಅರಣ್ಯ ಭೂಮಿ ಒತ್ತುವರಿ ಆರೋಪಕ್ಕೆ ಜಂಟಿ ಸರ್ವೇ ನಂತರ ಕೋಲಾರ ಡಿಸಿ ಪ್ರಸ್ತಾಪಕ್ಕೆ, DFO ಕೌಂಟರ್ ಕೊಟ್ಟಿದ್ದು, 2013ರ ಸರ್ವೆ ವರದಿಯಂತೆ, ಈಗಿನ ಸರ್ವೇಗೂ ಹೆಚ್ಚಿನ ವ್ಯತ್ಯಾಸ ಇರುವುದಿಲ್ಲ ಎಂದು ಅನ್ನಿಸ್ತಿದೆ. ಅರಣ್ಯ ಇಲಾಖೆಯ ಬಳಿ ಫಾರೆಸ್ಟ್ ಸೆಟ್ಲ್ ಮೆಂಡ್ ಮ್ಯಾಪ್ ಇಲ್ಲ, ಒದಗಿಸಿ ಎಂದು ಹೇಳಿದ್ದರು ನೀಡಿಲ್ಲ. ಮಾಜಿ ಸ್ಪೀಕರ್ ರಮೇಶ್ ಕುಮಾರ್ 61.39 ಎಕರೆ ಅರಣ್ಯ ಪ್ರದೇಶ ಒತ್ತುವರಿ ಆರೋಪ ಆಗಿದೆ ಎಂದಿರುವ ಅರಣ್ಯ ಅಧಿಕಾರಿ ಕೌಂಟರ್ ಮಾಡಿದ್ದು, ರೋವರ್, ಪಾರೆಸ್ಟ್, ಕಂದಾಯ ಚೈನ್ ಸೇರಿ, ಮೂರು ವಿಧಾನದಲ್ಲಿ ಸರ್ವೇ ಆಗಿದೆ ಎಂದು ಕೋಲಾರ ಡಿಸಿ MR ರವಿ ಹೇಳಿದ್ದಾರೆ. ನಮ್ಮ ಬಳಿ ಫಾರೆಸ್ಟ್ ಸೆಟ್ಲ್ ಮೆಂಟ್ ಮ್ಯಾಪ್ ಇಲ್ಲ, ಬೇಕಾದರೆ ಸಿದ್ದಪಡಿಸ್ತೀವಿ. ಒತ್ತುವರಿ ಇರುವುದು ಫಾರೆಸ್ಟ್ ಸೆಟ್ಲ್ ಮೆಂಟ್ ಒಳಭಾಗದಲ್ಲಿ, ಹೊರಭಾಗದಲ್ಲಲ್ಲ. ಹಾಗಾಗಿ ಫಾರೆಸ್ಟ್ ಸೆಟ್ಲ್ ಮೆಂಟ್ ಮ್ಯಾಪ್ ಇಲ್ಲಿ ಅವಶ್ಯಕತೆಯಿಲ್ಲ ಎಂದಿದ್ದಾರೆ.
