ಹಿಂದೂ ದೇವತೆಗಳನ್ನು ಅವಹೇಳನ ಮಾಡಿದ ಆರೋಪಕ್ಕಾಗಿ ಸ್ಟಾಂಡ್‌ಅಪ್‌ ಕಾಮೆಡಿಯನ್ ಮುನವರ್ ಫಾರೂಕಿ ಅವರನ್ನು ಇಂದೋರ್ ನಲ್ಲಿ ಬಂಧಿಸಿದ್ದು ಇದರ ಹಿಂದೆ ಹಿಂದ್ ರಕ್ಷಕ್ ಸಂಘಟನ್ (HRS) ನ ಪೂರ್ವ ನಿಯೋಜಿತ ಯೋಜನೆ ಆಗಿತ್ತು ಎನ್ನಲಾಗಿದೆ. ಹಾಸ್ಯನಟನನ್ನು ರಂಗದಲ್ಲೆ ಹಿಡಿಯುವುದು ನಮ್ಮ ಉದ್ದೇಶವಾಗಿತ್ತು ಎಂದು ಬಿಜೆಪಿ ಶಾಸಕಿ ಮಾಲಿನಿ ಗೌರ್ ಪುತ್ರ ಮತ್ತು HRS ಮುಖ್ಯಸ್ಥ ಅಕ್ಲವ್ಯಾ ಸಿಂಗ್ ಗೌರ್ ಹೇಳಿದ್ದಾರೆ. ಈ ಸಂಘಟನೆಯನ್ನು ಅಕ್ಲವ್ಯಾ ಅವರ ತಂದೆ, ದಿವಂಗತ ಮಧ್ಯಪ್ರದೇಶದ ಮಂತ್ರಿ ಲಕ್ಷ್ಮಣ್ ಸಿಂಗ್ ಗೌರ್ ಅವರು 1996 ರಲ್ಲಿ ಸ್ಥಾಪಿಸಿದರು, HRS ತನ್ನನ್ನು ರಾಷ್ಟ್ರ, ಧರ್ಮ ಮತ್ತು ಸಂಸ್ಕೃತಿಯನ್ನು ರಕ್ಷಿಸಲು ಮೀಸಲಾಗಿರುವ ಸಂಸ್ಥೆ ಎಂದು ಹೇಳಿಕೊಳ್ಳುತ್ತದೆ. ಹಿಂದೂಗಳನ್ನು ಅವಮಾನಿಸಿದ ಆರೋಪದ ಮೇಲೆ ಜನವರಿ 1 ರಂದು ಫಾರೂಕಿ ಮತ್ತು ಇತರ ನಾಲ್ವರು ಸ್ಟಾಂಡ್‌ಅಪ್‌ ಕಾಮೆಡಿಯನ್ ಗನ್ನು ಬಂಧಿಸಲು ಕಾರಣವಾದ ಪ್ರಕರಣದಲ್ಲಿ ಬಿಜೆಪಿ ಯುವ ವಿಭಾಗದ ಭಾರತೀಯ ಜನತ ಯುವ ಮೋರ್ಚಾ (ಬಿಜೆವೈಎಂ) ಸದಸ್ಯರೆಂದು ಹೇಳಿಕೊಳ್ಳುವ ಅಕ್ಲವ್ಯ ದೂರುದಾರರಾಗಿದ್ದಾರೆ. ಇಂದೋರ್ ನ 56 ದುಕಾನ್ ಪ್ರದೇಶದ ಕೆಫೆ ಮುನ್ರೊದಲ್ಲಿ ನಡೆದ ಹೊಸ ವರ್ಷದ ಕಾರ್ಯಕ್ರಮವೊಂದರಲ್ಲಿ ಈ ಜೋಕ್ಗಳನ್ನು ಮಾಡಲಾಗಿದೆ ಎಂದು ಆರೋಪಿಸಲಾಗಿದೆ.
ಹಿಂದೂ ದೇವತೆಗಳು, ಕೇಂದ್ರ ಸಚಿವ ಅಮಿತ್ ಶಾ ಮತ್ತು ಗುಜರಾತ್ ಗಲಭೆಗಳ ವಿರುದ್ಧ ಫಾರೂಕಿ ಅಸಭ್ಯ ಹೇಳಿಕೆ ನೀಡಿದ್ದಾರೆ ಎಂದು ಅಕ್ಲವ್ಯ ಆರೋಪಿಸಿದ್ದಾರೆ ಆದರೆ ಸ್ಟಾಂಡ್‌ಅಪ್‌ ಕಾಮೆಡಿಯನ್ ಈ ಆರೋಪವನ್ನು ನಿರಾಕರಿಸಿದ್ದಾರೆ. ಈ ಪ್ರಕರಣದಲ್ಲಿ ತಮಗೆ ಜಾಮೀನು ನಿರಾಕರಿಸಿರುವ ವಿಚಾರಣಾ ನ್ಯಾಯಾಲಯದ ಜನವರಿ 5 ರ ಆದೇಶವನ್ನು ಪ್ರಶ್ನಿಸಿ ಫಾರೂಕಿ ಮಧ್ಯಪ್ರದೇಶ ಹೈಕೋರ್ಟ್ನಲ್ಲಿ ಅರ್ಜಿ ಸಲ್ಲಿಸಿದ್ದಾರೆ. ತಮ್ಮ ವಿರುದ್ಧ ಹೂಡಿರುವ ಎಫ್ಐಆರ್ ನ ಮೂರು ಆರೋಪಗಳನ್ನು ಅವರು ಉಚ್ಚ ನ್ಯಾಯಾಲಯದಲ್ಲಿ ಪ್ರಶ್ನಿಸಿದ್ದಾರೆ. ಈ ಕಾರ್ಯಕ್ರಮದಲ್ಲಿ ಅವರು ಪ್ರದರ್ಶನ ನೀಡಲು ಅವಕಾಶವನ್ನೇ ಪಡೆಯಲಿಲ್ಲ ಎಂದು ಹೇಳಿದ್ದಾರೆ. ಮಾಧ್ಯಮಗಳ ಜತೆ ಮಾತನಾಡಿದ ಗೌರ್ ಫಾರೂಕಿ ಅವರನ್ನು ಸರಣಿ ಅಪರಾಧಿ ಎಂದು ಬಣ್ಣಿಸಿದರು. ಹೊಸ ವರ್ಷದ ಕಾರ್ಯಕ್ರಮದ ಬಗ್ಗೆ ತಾನು ಮೊದಲೇ ತಿಳಿದುಕೊಂಡು ಇತರರೊಂದಿಗೆ ಪ್ರೇಕ್ಷಕರಾಗಿ ಭಾಗವಹಿಸಲು ನಿರ್ಧರಿಸಿದೆ ಎಂದು ಅವರು ಹೇಳಿದರು. ಈ ಘಟನೆಯ ವಿಡಿಯೋವನ್ನು ನಾವು ಮಾಡಿದ್ದೇವೆ, ಅದರಲ್ಲಿ ಸ್ಟ್ಯಾಂಡ್-ಅಪ್ ಹಾಸ್ಯನಟ ಫಾರೂಕಿ ಅವರು ತಾವು ಊಹಿಸಿದ್ದಂತೆ ಹಿಂದೂ ದೇವತೆಗಳ ವಿರುದ್ಧ ಮತ್ತು ಕೇಂದ್ರ ಗೃಹ ಸಚಿವ ಅಮಿತ್ ಶಾ ವಿರುದ್ಧ ಅಸಭ್ಯವಾಗಿ ಹೇಳಿಕೆ ನೀಡಿದ್ದಾರೆ. ಅಲ್ಲದೆ ಅವರು ಅದರಲ್ಲಿ ಗೋಧ್ರಾ ಗಲಭೆಯನ್ನು ಸೇರಿಸಿಕೊಂಡಿದ್ದಾರೆ ಎಂದು ಅವರು ಹೇಳಿದರು, ಈ ಘಟನೆಯ ವಿಡಿಯೋ ತುಣುಕನ್ನು ಅವರು ಪೊಲೀಸರಿಗೆ ಸಲ್ಲಿಸಿದ್ದಾರೆ. ಅಲ್ಲದೆ ಈ ಮೊದಲು, ಅವರು ಗೋಧ್ರಾ ದುರಂತದಲ್ಲಿ ಸಾವನ್ನಪ್ಪಿದ ಕರ ಸೇವಕರನ್ನು ಗೇಲಿ ಮಾಡಿದ್ದಾರೆ ಎಂದು ಅವರು ಹೇಳಿದರು.
ಫಾರೂಕಿ ವಿರುದ್ಧದ ಎಫ್ಐಆರ್ ನಲ್ಲಿ ಧಾರ್ಮಿಕ ಭಾವನೆಗಳನ್ನು ನೋಯಿಸುವ ಮತ್ತು ಕೋವಿಡ್ ಮಾರ್ಗಸೂಚಿಗಳನ್ನು ಉಲ್ಲಂಘಿಸಿರುವ ಆರೋಪಗಳನ್ನು ಹೊರಿಸಲಾಗಿದೆ. ಇದರ ಜತೆಗೆ ಮಹಿಳೆಯರು ಮತ್ತು ಮಕ್ಕಳನ್ನು ಒಳಗೊಂಡ ಪ್ರೇಕ್ಷಕರ ಮುಂದೆ ಸಾರ್ವಜನಿಕವಾಗಿ ಆಕ್ಷೇಪಾರ್ಹ ಸರಕು ಎಂದು ವಿವರಿಸುವ ಕಾಂಡೋಮ್ ಅನ್ನು ಪ್ರದರ್ಶಿಸಿದ್ದಾರೆ ಎಂದು ಆರೋಪಿಸಲಾಗಿದೆ. ಎಫ್ಐಆರ್ ನಲ್ಲಿ ಫಾರೂಕಿ ಅವರು ಶಿವ, ಗಣೇಶ, ಕಾರ್ತಿಕೇಯ ಮತ್ತು ಪಾರ್ವತಿ ದೇವಿಯನ್ನು ಗೇಲಿ ಮಾಡುತ್ತಿದ್ದಾರೆ ಎಂದು ಆರೋಪಿಸಲಾಗಿದೆ. ಈ ಕಾರ್ಯಕ್ರಮದ ಆಯೋಜಕರಾಗಿರುವ ಐದು ಕಾಮೆಡಿಯನ್‌ಗಳ ವಿರುದ್ಧ ಪೋಲೀಸರು ಪ್ರಕರಣ ದಾಖಲಿಸಿದ್ದಾರೆ. ಅದರೆ ಮಧ್ಯಪ್ರದೇಶದ ಹೈಕೋರ್ಟ್ಗೆ ಸಲ್ಲಿಸಿದ್ದ ಅರ್ಜಿಯಲ್ಲಿ, ಎಫ್ಐಆರ್ನಲ್ಲಿ ಉಲ್ಲೇಖಿಸಿರುವ ಸಾಲುಗಳನ್ನು ತಾನು ಎಂದಿಗೂ ಉಚ್ಚರಿಸಿಲ್ಲ ಎಂದು ಫಾರೂಕಿ ಹೇಳಿದ್ದಾರೆ. ಫಾರೂಕಿ ಅವರಿಗೆ ಅಲ್ಲಿ ಪ್ರದರ್ಶನ ನೀಡಲು ಅವಕಾಶ ಸಿಗದ ಕಾರಣ ಪೊಲೀಸರು ಈ ಘಟನೆಯ ವಿಡಿಯೋವನ್ನು ಸೂಕ್ಷ್ಮವಾಗಿ ಪರಿಶೀಲಿಸಿಲ್ಲ ಎಂದು ಅವರ ವಕೀಲ ಅನ್ಶುಮಾನ್ ಶ್ರೀವಾಸ್ತವ ಅವರು ಹೇಳಿದ್ದಾರೆ. ಫಾರೂಕಿ ಮಾತನಾಡುವದಕ್ಕೂ ಮೊದಲು, ಗೌರ್ ಮತ್ತು ಅವನ ಸಹಚರರು ಅವರನ್ನು ತಡೆದರು , ಇದನ್ನು ವೀಡಿಯೊ ಸಾಬೀತುಪಡಿಸುತ್ತದೆ. ಅಲ್ಲದೆ, ಅಲ್ಲಿ ಹಾಜರಿದ್ದ ಪ್ರೇಕ್ಷಕರ ಧಾರ್ಮಿಕ ಭಾವನೆ ನೋಯಿಸಲು ತಾನು ಏನನ್ನೂ ಮಾತಾಡಿಲ್ಲ ಎಂದು ಗೌರ್ ಗೆ ಮನವರಿಕೆ ಮಾಡಿಕೊಡಲು ಫಾರೂಕಿ ಪ್ರಯತ್ನಿಸುತ್ತಿದ್ದರು ಎಂದು ಶ್ರೀವಾಸ್ತವ ಹೇಳಿದರು. ಫರುಕಿ ಹಿಂದೂ ದೇವರಾದ ಶ್ರೀ ರಾಮನ ವಿರುದ್ಧ ಹೇಳಿಕೆ ನೀಡಿದ ಹಿಂದಿನ ಘಟನೆಯನ್ನು ಗೌರ್ ಉಲ್ಲೇಖಿಸಿದ್ದಾರೆ ಎನ್ನಲಾಗಿದೆ. ಇದಕ್ಕೆ ಪ್ರತಿಕ್ರಿಯೆಯಾಗಿ, ಫಾರೂಕಿ ಗೌರ್ಗೆ ಈ ಘಟನೆಗೆ ಕ್ಷಮೆಯಾಚಿಸಿದ್ದೇನೆ ಎಂದು ಹೇಳಿದ್ದು, ಅದರ ವಿಡಿಯೋವನ್ನು ತನ್ನ ಯೂಟ್ಯೂಬ್ ಚಾನೆಲ್ನಲ್ಲಿ ಪೋಸ್ಟ್ ಮಾಡಲಾಗಿದೆ ಎಂದು ವಕೀಲರು ತಿಳಿಸಿದ್ದಾರೆ.
ಜಾಮೀನು ಕೋರುವ ಎರಡನೆಯ ಆಧಾರವೆಂದರೆ, ಅರ್ಜಿದಾರರು ಐಪಿಸಿಯ ಸೆಕ್ಷನ್ 295 ಎ ಅಡಿಯಲ್ಲಿ ಆರೋಪಗಳನ್ನು ಮಾಡಲಾಗಿದೆ .ಅದರಲ್ಲಿ ಯಾವುದೇ ವರ್ಗದ ಧರ್ಮ ಅಥವಾ ಧಾರ್ಮಿಕ ನಂಬಿಕೆಗಳನ್ನು ಅವಮಾನಿಸುವ ಮೂಲಕ ಧಾರ್ಮಿಕ ಭಾವನೆಗಳನ್ನು ಘಾಸಿಗೊಳಿಸುವ ಉದ್ದೇಶದಿಂದ ಉದ್ದೇಶಪೂರ್ವಕ ಮತ್ತು ದುರುದ್ದೇಶಪೂರಿತ ಕೃತ್ಯಗಳನ್ನು ಮಾಡಬಾರದು.ಆದರೆ ಎಫ್ಐಆರ್ನಲ್ಲಿ ಯಾವುದೇ ನಿರ್ದಿಷ್ಟ ಆರೋಪಗಳೇ ಇಲ್ಲ.ಅಲ್ಲದೆ, ಸೆಕ್ಷನ್ 295 ಎ ಅಡಿಯಲ್ಲಿ, ಅಪರಾಧವನ್ನು ಮಾಡಲು ಆರೋಪಿಗಳ ಕಡೆಯಿಂದ ಉದ್ದೇಶಪೂರ್ವಕ ಉದ್ದೇಶ ಇರಬೇಕು ಎಂದು ಅವರು ಹೇಳಿದರು. ಫಾರೂಕಿ, ಅವರು, ಕಾರ್ಯಕ್ರಮವನ್ನು ಎಂದಿಗೂ ಆಯೋಜಿಸಿಲ್ಲ ಅಥವಾ ಯಾರನ್ನೂ ಅವಮಾನಿಸುವ ಉದ್ದೇಶವನ್ನು ಹೊಂದಿರಲಿಲ್ಲ. ಅಲ್ಲಿ ಜನಸಂದಣಿಯು ಸ್ವಯಂಪ್ರೇರಣೆಯಿಂದ ಬಂದಿದ್ದರು ಎಂದು ಅವರು ಹೇಳಿದರು. ಮೂರನೇಯದಾಗಿ ಕೋವಿಡ್ ಮಾರ್ಗ ಸೂಚಿ ಆದೇಶವನ್ನು ಉಲ್ಲಂಘಿಸಿದ ಆರೋಪವನ್ನು ನ್ಯಾಯವ್ಯಾಪ್ತಿಗೆ ಮೀರಿ ಸೇರಿಸಲಾಗಿದೆ.
ಫಾರೂಕಿ ಅವರು ಸಂಘಟಕರಾಗಿರಲಿಲ್ಲ, ಆದ್ದರಿಂದ, ಇದನ್ನು ಈವೆಂಟ್ ನಡೆದ ಸ್ಥಳದ ಮಾಲೀಕರ ಮೇಲೆ ಹಾಕಬೇಕಾಗಿತ್ತು. ಕಾನೂನಿನ ಪ್ರಕಾರ, ಸ್ಥಳದ ಮಾಲೀಕರನ್ನು ಪೊಲೀಸರು ಬುಕ್ ಮಾಡಬೇಕಾಗಿದ್ದರೂ ಮಾಡಿಲ್ಲ ಎಂದು ಆರೋಪಿಸಲಾಗಿದೆ, ಆದರೆ ಇಂದೂರಿನ ಡೆಪ್ಯೂಟಿ ಇನ್ಸ್ಪೆಕ್ಟರ್ ಜನರಲ್ (ಡಿಐಜಿ), ಹರಿನಾರಾಯಣ್ ಚಾರಿ ಮಿಶ್ರಾ ಅವರು “ಫಾರೂಕಿ ಮತ್ತು ಇತರರನ್ನು ಒಳಗೊಂಡ ಎಲ್ಲಾ ಐದು ಸಂಘಟಕರನ್ನು ಅವರ ಸಾಮೂಹಿಕ ಪಾಲ್ಗೊಳ್ಳುವಿಕೆಗಾಗಿ ಪ್ರಕರಣವನ್ನು ದಾಖಲಿಸಲಾಗಿದೆ. ನಾವು ಚಾರ್ಜ್ಶೀಟ್ ಸಲ್ಲಿಸುವ ಹಂತಕ್ಕೆ ಬಂದರೆ, ನಂತರ ನಾವು ಪ್ರತಿಯೊಬ್ಬರ ವೈಯಕ್ತಿಕ ಪಾತ್ರವನ್ನು ನೋಡುತ್ತೇವೆ ಮತ್ತು ಅದಕ್ಕೆ ಅನುಗುಣವಾಗಿ ಅರೋಪ ಪಟ್ಟಿ ಸಲ್ಲಿಸುತ್ತೇವೆ ಎಂದರು. ಇಂದೋರ್ ಪೊಲೀಸ್ ವರಿಷ್ಠಾಧಿಕಾರಿ (ಎಸ್ಪಿ) ವಿಜಯ್ ಖತ್ರಿ ಅವರು ಫಾರೂಕಿ ಅವರ ವಕೀಲರು ಮಾಡಿದ ಆರೋಪಗಳನ್ನು ನಿರಾಕರಿಸಿದರು, ಪೊಲೀಸರಿಗೆ ಎಲ್ಲ ಪುರಾವೆಗಳಿವೆ ಎಂದು ಹೇಳಿದರು. ಅವರ ವಿರುದ್ಧ ನಮ್ಮಲ್ಲಿ ಪುರಾವೆಗಳಿಲ್ಲ ಎಂದು ನಕಲಿ ಸುದ್ದಿ ಹರಡುತ್ತಿದೆ. ನಮ್ಮಲ್ಲಿ ಎಲ್ಲಾ ಪುರಾವೆಗಳಿವೆ, ಅದನ್ನು ನಾವು ನ್ಯಾಯಾಲಯಕ್ಕೆ ಹಾಜರುಪಡಿಸುತ್ತೇವೆ ಹೊರತು ಮಾಧ್ಯಮಗಳಿಗೆ ಅಲ್ಲ ಎಂದು ಅವರು ಹೇಳಿದರು.
