ಅಸಹಜ ಲೈಂಗಿಕ ಪ್ರಕರಣ ಆರೋಪಿ ಸೂರಜ್ ರೇವಣ್ಣನನ್ನು (Suraj revanna) ಪರಪ್ಪನ ಅಗ್ರಹಾರದಿಂದ (Parappana agraha) ಸಿಐಡಿ (CID) ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಕೋರ್ಟ್ ಆದೇಶದ ಮೇರೆಗೆ ನ್ಯಾಯಾಂಗ ಬಂಧನದಲ್ಲಿದ್ದ ಪರಪ್ಪನ ಅಗ್ರಹಾರ ಜೈಲಿನಲ್ಲಿದ್ದ ಸೂರಜ್ ರನ್ನ ವಶಕ್ಕೆ ಪಡೆದು ಸಿಐಡಿ ಕಛೇರಿಗೆ ಪೊಲೀಸರು ಕರೆತಂದಿದ್ದಾರೆ.
ಸದ್ಯ ಇಂದಿನಿಂದ ಜುಲೈ 8ರ ವರೆಗೆ ಸೂರಜ್ ರೇವಣ್ಣ ಸಿಐಡಿ ವಶದಲ್ಲಿ ಇರಲಿದ್ದಾರೆ. ಅಸಹಜ ಲೈಂಗಿಕ ದೌರ್ಜನ್ಯ ಪ್ರಕರಣದಲ್ಲಿ ಅರೆಸ್ಟ್ (Arrested) ಆಗಿದ್ದ ಸೂರಜ್ ರೇವಣ್ಣರನ್ನ (Suraj revanna), 14 ದಿನ ನ್ಯಾಯಾಂಗ ಬಂಧನಕ್ಕೆ ಒಳಪಡಿಸಲಾಗಿತ್ತು. ಹೀಗಾಗಿ ಸೂರಜ್ ರೇವಣ್ಣರನ್ನ ಪರಪ್ಪನ ಅಗ್ರಹಾರಕ್ಕೆ (Prappana agrahara) ಶಿಫ್ಟ್ ಮಾಡಲಾಗಿತ್ತು.
ನಾಳೆ ಬಾಡಿ ವಾರೆಂಟ್ (Body warrant)ಮೇಲೆ ಸಿಐಡಿ ಅಧಿಕಾರಿಗಳು ಕಸ್ಟಡಿಗೆ ಪಡೆಯುವ ಸಾಧ್ಯತೆಯಿತ್ತು. ಆದ್ರೆ ಇಂದೇ ಸಿಐಡಿ ಪೊಲೀಸರು ಸೂರಜ್ ರನ್ನ ವಶಕ್ಕೆ ಪಡೆದಿದ್ದಾರೆ. ನಾಳೆ ಸೂರಜ್ ರೇವಣ್ಣಗೆ ವಿಚಾರಣಾಧೀನ ಕೈದಿ ನಂಬರ್ ನೀಡಿ ನಾಳೆ ಮಧ್ಯಾಹ್ನ ಅಥವಾ ಸಂಜೆ ವೇಳೆಗೆ ಸೂರಜ್ ರೇವಣ್ಣ ಸಿಐಡಿ ಕಸ್ಟಡಿಗೆ ನೀಡೋ ಯೋಚನೆಯಲ್ಲಿದ್ದರು.
