ವಾಣಿಜ್ಯ ನಗರಿಯಲ್ಲಿಂದು ಸೋನಿಯಾ ಗಾಂಧಿ ಕಮಾಲ್​ : ಶೆಟ್ಟರ್​​ ಪರ ಮತಯಾಚನೆ

ಹುಬ್ಬಳ್ಳಿ : ಉದ್ಯಾನ ನಗರಿ ಬೆಂಗಳೂರಿನಲ್ಲಿ ಇಂದು ಪ್ರಧಾನಿ ನರೇಂದ್ರ ಮೋದಿ ಅಬ್ಬರದ ರೋಡ್​ ಶೋ ನಡೆಸುತ್ತಿರುವ ನಡುವೆಯೇ ವಾಣಿಜ್ಯ ನಗರಿ ಹುಬ್ಬಳ್ಳಿಯಲ್ಲಿಂದ ಕಾಂಗ್ರೆಸ್​ ನಾಯಕರಾದ ಸೋನಿಯಾ ಗಾಂಧಿ ಹಾಗೂ ರಾಹುಲ್​ ಗಾಂಧಿ ಎಂಟ್ರಿ ನೀಡುತ್ತಿದ್ದಾರೆ. ಹುಬ್ಬಳ್ಳಿ – ಧಾರವಾಡ ಪೂರ್ವ ಕ್ಷೇತ್ರದಲ್ಲಿಂದು ಕಾಂಗ್ರೆಸ್​ ಬಹಿರಂಗ ಸಭೆ ಆಯೋಜಿಸಿದೆ.

ADVERTISEMENT

ಸಂಜೆ ಆರು ಗಂಟೆಗೆ ಸರಿಯಾಗಿ ಹುಬ್ಬಳ್ಳಿಯ ಸೆಟಲ್​ಮೆಂಟ್​ ಹಾಕಿ ಮೈದಾನದಲ್ಲಿ ಬೃಹತ್​ ಸಮಾವೇಶ ನಡೆಯಲಿದ್ದು ,ಸೋನಿಯಾ ಗಾಂಧಿ ಹಾಗೂ ರಾಹುಲ್​ ಗಾಂಧಿಗೆ ಎಐಸಿಸಿ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ಕೂಡ ಸಾಥ್​ ನೀಡುತ್ತಿದ್ದಾರೆ.

ರಾಜ್ಯದಲ್ಲಿ ಚುನಾವಣಾ ಘೋಷಣೆಯಾದ ಬಳಿಕ ಇದೇ ಮೊದಲ ಬಾರಿಗೆ ಹುಬ್ಬಳ್ಳಿಗೆ ಸೋನಿಯಾ ಗಾಂಧಿ ಭೇಟಿ ನೀಡಲಿದ್ದಾರೆ. ಯಾವುದೇ ರೋಡ್​ ಶೋಗಳನ್ನು ನಡೆಸದೇ ಸೋನಿಯಾ ಗಾಂಧಿ ಕೇವಲ ಪ್ರಚಾರ ಸಭೆಗಳಲ್ಲಿ ಮಾತ್ರ ಭಾಗಿಯಾಗಲಿದ್ದಾರೆ. ಜಗದೀಶ್​ ಶೆಟ್ಟರ್​ ಕ್ಷೇತ್ರದಲ್ಲಿ ಶಿವರಾಜ್​ಕುಮಾರ್​ ರೋಡ್​ ಶೋ ನಡೆಸುತ್ತಿದ್ದಾರೆ .