![](https://pratidhvani.com/wp-content/uploads/2024/07/WhatsApp-Image-2024-07-26-at-11.17.58-576x1024.jpeg)
KGF ಚಿತ್ರದ ಬಳಿಕ ನಟ ಯಶ್ ಎಲ್ಲಿದ್ದಾರೆ..? ಏನು ಮಾಡ್ತಿದ್ದಾರೆ ಅನ್ನೋ ಬಗ್ಗೆ ಕಂಪ್ಲೀಟ್ ಮಾಹಿತಿ ಎಲ್ಲಿಯೂ ಸಿಗ್ತಿಲ್ಲ. ಆದರೆ ಇತ್ತೀಚಿಗೆ ರಿಲಯನ್ಸ್ ಮುಖ್ಯಸ್ಥ ಮುಖೇಶ್ ಅಂಬಾನಿ ಮಗನ ಮದುವೆಯಲ್ಲಿ ಪಾಲ್ಕೊಂಡು ತನ್ನ ಹೊಸ ರೂಪ ತೋರಿಸಿದ್ದ ಯಶ್, ಇದೀಗ ಅಭಿಮಾನಿಗಳಿಗೆ ತನ್ನ ಹೊಸ ಹೇರ್ ಸ್ಟೈಲ್ ರಿವಿಲ್ ಮಾಡಿದ್ದಾರೆ.
ರಾಕಿಂಗ್ ಸ್ಟಾರ್ ಯಶ್ ಅಭಿಮಾನಿಗಳಿಗೆ ಸಿಹಿ ಸುದ್ದಿ ಸಿಕ್ಕಿದ್ದು, ಎರಡು ವರ್ಷಗಳ ನಂತರ ಕ್ಯಾಮರಾ ಮುಂದೆ ಬರೋಕೆ ರಾಕಿಂಗ್ ಸ್ಟಾರ್ ಸಜ್ಜಾದಂತೆ ಕಾಣ್ತಿದೆ. ತೆರೆ ಮರೆಯಲ್ಲಿ ಟಾಕ್ಸಿಕ್ ಚಿತ್ರದ ಶೂಟಿಂಗ್ ಮಾಡಲುರಾಕಿಂಗ್ ಸ್ಟಾರ್ ಯಶ್ ಸಿದ್ಧತೆ ಮಾಡಿಕೊಂಡಿದ್ದಾರೆ.
ಅಷಾಢ ಮಾಸ ಮುಗಿದ ತಕ್ಷಣ ಟಾಕ್ಸಿಕ್ ಚಿತ್ರದ ಶೂಟಿಂಗ್ ಶುರು ಮಾಡಲು ಚಿತ್ರತಂಡ ಪ್ಲ್ಯಾನ್ ಮಾಡಿಕೊಂಡಿದೆ ಎನ್ನಲಾಗಿದೆ. ನಿರ್ದೇಶಕಿ ಗೀತು ಮೋಹನ್ ದಾಸ್ ನೇತೃತ್ವದಲ್ಲಿ ಈ ಚಿತ್ರ ಮೂಡಿಬರಲಿದ್ದು, ಪಾನ್ ಇಂಡಿಯಾ ಚಿತ್ರವಾಗಿ ಹೊರಹೊಮ್ಮಿದ್ದ KGF ಮೀರಿಸುವ ಲೆಕ್ಕಾಚಾರ ಹಾಕಲಾಗಿದೆ.
![](https://pratidhvani.com/wp-content/uploads/2024/07/WhatsApp-Image-2024-07-26-at-11.17.59-1.jpeg)
ಆಗಸ್ಟ್ 8 ರಿಂದ ಟಾಕ್ಸಿಕ್ ಶೂಟಿಂಗ್ನಲ್ಲಿ ಯಶ್ ಭಾಗಿಯಾಗಲಿದ್ದಾರೆ ಎನ್ನುವ ಮಾಹಿತಿ Prathidvani Digitalಗೆ ಸಿಕ್ಕಿದೆ. ಬೆಂಗಳೂರಿನ HMT ಫ್ಯಾಕ್ಟರಿಯಲ್ಲಿ ಟಾಕ್ಸಿಕ್ ಶೂಟಿಂಗ್ ಶುರು ಆಗಲಿದ್ದು, ಟಾಕ್ಸಿಕ್ ಚಿತ್ರಕ್ಕಾಗಿ ಈಗಾಗಲೇ ಹೊಸ ಗೆಟಪ್ ರೆಡಿ ಮಾಡಿಕೊಂಡಿದ್ದಾರೆ.
ಟಾಕ್ಸಿಕ್ ಚಿತ್ರದ ಪಾತ್ರಕ್ಕಾಗಿ ಸಖತ್ ವರ್ಕ್ ಔಟ್ ಮಾಡಿರುವ ರಾಕಿ ಭಾಯ್, ಟಾಕ್ಸಿಕ್ ಚಿತ್ರಕ್ಕೆ ಬರೋಬರಿ 10 ಕೆಜಿ ತೂಕ ಇಳಿಸಿಕೊಂಡಿದ್ದಾರೆ ಎನ್ನಲಾಗಿದೆ. ಫೋಟೋದಲ್ಲೂ ಯಶ್ ಸಣ್ಣ ಆಗಿರುವುದು ಎದ್ದು ಕಾಣುತ್ತಿದೆ.
ಕೃಷ್ಣಮಣಿ