ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಟೀಮ್ ಇಂಡಿಯಾ ಆಟಗಾರ : ಎಕ್ಸ್​ಕ್ಲೂಸಿವ್​ ಫೋಟೋಸ್​

ಟೀಂ ಇಂಡಿಯ ಆಟಗಾರ, ರಾಜಸ್ಥಾನ ರಾಯಲ್ಸ್​ ತಂಡದ ವೇಗಿ , ಕರ್ನಾಟಕದ ಕುವರ ಪ್ರಸಿದ್ಧ ಕೃಷ್ಣ ಇಂದು ತಮ್ಮ ಬಹುಕಾಲದ ಗೆಳತಿ ರಚನಾ ಕೃಷ್ಣ ಜೊತೆಯಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿರಿಸಿದ್ದಾರೆ. ದಕ್ಷಿಣ ಭಾರತದ ಸಂಪ್ರದಾಯದಂತೆ ಇಂದು ಅವರು ರಚನಾ ಕೃಷ್ಣರನ್ನು ವರಿಸಿದ್ದಾರೆ.

ADVERTISEMENT

ಮಂಗಳವಾರ ಪ್ರಸಿದ್ಧ ಕೃಷ್ಣ ಹಾಗೂ ರಚನಾ ಕೃಷ್ಣ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು. ಇಂದು ವೈವಾಹಿಕ ಜೀವನಕ್ಕೆ ಕಾಲಿರಿಸಿದ್ದು ಈ ಜೋಡಿಯ ಮದುವೆಯ ಫೋಟೋಸ್​ ಸೋಶಿಯಲ್​ ಮೀಡಿಯಾದಲ್ಲಿ ಸಖತ್​ ವೈರಲ್​ ಆಗಿದೆ.

ಪ್ರಸಿದ್ಧ ಕೃಷ್ಣರ ಮದುವೆಯ ಫೋಟೋಸ್​ ವೈರಲ್​ ಆಗ್ತಿದ್ದಂತೆಯೇ ಈ ರಚನಾ ಕೃಷ್ಣ ಯಾರು ಎಂಬ ಹುಡುಕಾಟ ಸೋಶಿಯಲ್​ ಮೀಡಿಯಾದಲ್ಲಿ ಜೋರಾಗಿದೆ. ಇನ್​ಸ್ಟಾಗ್ರಾಂ ಪ್ರೈವೇಟ್​ ಖಾತೆಯನ್ನು ಹೊಂದಿರುವ ರಚನಾ ಕೃಷ್ಣ ಬಗ್ಗೆ ಇನ್ನೂ ಹೆಚ್ಚಿನ ಮಾಹಿತಿ ಹೊರಬಿದ್ದಿಲ್ಲವಾದರೂ ಸಹ ಅವರು ಡೆಲ್​ ಟೆಕ್ನಾಲಜೀಸ್​ನಲ್ಲಿ ವರ್ಕ್​ ಮಾಡುತ್ತಾರೆ ಹಾಗೂ ಇವರು ಟೆಕ್ಸಾಸ್​ನಲ್ಲಿ ವಾಸವಿದ್ದಾರೆ ಎಂದು ತಿಳಿದು ಬಂದಿದೆ .