ದೇಶಾದ್ಯಂತ ಬಿಸಿಗಾಳಿ ತೀವ್ರಗೊಳ್ಳುತ್ತಿರುವುದರಿಂದ, ಗುಜರಾತ್‌ನ ವಡೋದರಾದ ಟ್ರಾಫಿಕ್ ಪೊಲೀಸರು ಹೊಸದಾಗಿ ರಚಿಸಲಾದ AC ಹೆಲ್ಮೆಟ್‌ಗಳೊಂದಿಗೆ ಕಾರ್ಯನಿರ್ವಹಣೆ ಮಾಡ್ತಿದ್ದಾರೆ. ಈ ಮೂಲಕ ತಂಪಾಗಿರಲು ಪ್ರಯತ್ನಿಸುತ್ತಿದ್ದಾರೆ. IIM ವಡೋದರಾ ವಿದ್ಯಾರ್ಥಿಗಳು ವಿನ್ಯಾಸಗೊಳಿಸಿದ ಈ ಹೆಲ್ಮೆಟ್‌ಗಳು ಬ್ಯಾಟರಿಯಿಂದ ಚಾಲಿತವಾಗಿದ್ದು, ಒಂದೇ ಪೂರ್ಣ ಚಾರ್ಜ್‌ನಲ್ಲಿ ಎಂಟು ಗಂಟೆಗಳವರೆಗೆ ಬಾಳಿಕೆ ಬರುತ್ತವೆ. ಕರ್ತವ್ಯ ನಿರತ ಪೊಲೀಸರು ಎಸಿ ಹೆಲ್ಮೆಟ್ ಧರಿಸಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.ಕಳೆದ ವರ್ಷ, ಅಹಮದಾಬಾದ್ ಟ್ರಾಫಿಕ್ ಪೊಲೀಸರು ಎಸಿ ಹೆಲ್ಮೆಟ್‌ಗಳನ್ನು ಪರಿಚಯಿಸಿದರು ಮತ್ತು ಕಾನ್ಪುರ ಟ್ರಾಫಿಕ್ ಪೊಲೀಸರು ಕೂಡ ಶೀಘ್ರದಲ್ಲೇ ಹೆಲ್ಮೆಟ್‌ಗಳ ಪ್ರಯೋಗವನ್ನು ನಡೆಸಲಿದ್ದಾರೆ. ವಿಶಿಷ್ಟವಾಗಿ ವಿನ್ಯಾಸಗೊಳಿಸಲಾದ ಹೆಲ್ಮೆಟ್‌ಗಳು ಫ್ಯಾನ್ ತರಹದ ರಚನೆಯೊಂದಿಗೆ ಪ್ಲಾಸ್ಟಿಕ್ ಮೇಲ್ಭಾಗವನ್ನು ಹೊಂದಿವೆ.
ಪೋಲೀಸರ ಸೊಂಟಕ್ಕೆ ಕಟ್ಟಲಾದ ಬ್ಯಾಟರಿ ಪ್ಯಾಕ್‌ನಲ್ಲಿ ಇವು ಕೆಲಸ ಮಾಡುತ್ತವೆ. ಅವರು ಒಂದು ಪೂರ್ಣ ಚಾರ್ಜ್ ನಂತರ ಇಡೀ ಎಂಟು ಗಂಟೆಗಳ ಕಾಲ ಕೆಲಸ ಮಾಡಬಹುದು ಮತ್ತು ಧೂಳು ಮತ್ತು ಇತರ ಮಾಲಿನ್ಯಕಾರಕಗಳಿಂದ ರಕ್ಷಣೆ ನೀಡುತ್ತದೆ.ಸಾಮಾನ್ಯ ರೈಡರ್ ಹೆಲ್ಮೆಟ್‌ಗಳಿಗೆ ಹೋಲಿಸಿದರೆ, ಇವುಗಳು 500 ಗ್ರಾಂಗಳಷ್ಟು ಭಾರವಾಗಿರುತ್ತದೆ ಮತ್ತು ಸರಾಸರಿ 12,000 ರಿಂದ 16,000 ರೂ.ಗಳವರೆಗೆ ವೆಚ್ಚವಾಗುತ್ತದೆ ಎಂದು ಹೇಳಲಾಗುತ್ತಿದೆ..
