ದೇಶದಲ್ಲಿ ಲೋಕಸಭಾ ಎಲೆಕ್ಷನ್ ರಿಸಲ್ಟ್ ಬಂದಿದೆ. NDA 293 ಕ್ಷೇತ್ರಗಳನ್ನ ಪಡೆದುಕೊಂಡಿದೆ. INDI ಮೈತ್ರಿಕೂಟ 234 ಸ್ಥಾನ ಪಡೆದಿದೆ. ಇತರರು 17 ಸ್ಥಾನ ಗೆದ್ದಿದ್ದಾರೆ. ಇದೆಲ್ಲದರ ಮಧ್ಯೆ ಸರ್ಕಾರ ರಚನೆ ಕಸರತ್ತು ಜೋರಾಗಿ ನಡೆದಿದೆ. ಪಿಎಂ ಮೋದಿ ನೇತೃತ್ವದಲ್ಲಿ NDA ಸರ್ಕಾರ ರಚಿಸಲು ತಯಾರಿ ನಡೆದಿದೆ.ಜೂನ್ 8ರಂದು ಪ್ರಧಾನಿಯಾಗಿ ಮೋದಿ ಪ್ರಮಾಣ ವಚನ
ಮೂರನೇ ಬಾರಿಗೆ ಪದಗ್ರಹಣ ಮಾಡಲಿದ್ದಾರೆ ಎಂಬ ಮಾಹಿತಿ ಲಭ್ಯವಾಗಿದೆ.
ADVERTISEMENT
ಜೂನ್ 8 ಶನಿವಾರ ಸಂಜೆ ಪ್ರಧಾನಿಯಾಗಿ ನಮೋ ಪದಗ್ರಹಣ ನಡೆಯಲಿದೆ.
ರಾತ್ರಿ 8 ಗಂಟೆಗೆ ಪ್ರಮಾಣ ವಚನ ಸ್ವೀಕರಿಸಲಿರುವ ಮೋದಿ ಈಗಾಗ್ಲೇ ಆಪ್ತ ವಲಯದಲ್ಲಿ ಈ ಬಗ್ಗೆ ಮಾತುಕತೆ ನಡೆಸಿದ್ದಾರೆ ಎನ್ನಲಾಗಿದೆ. NDA ಮೈತ್ರಿಕೂಟ ಬೆಂಬಲದೊಂದಿಗೆ ಮೋದಿ ಪಿಎಂ ಹುದ್ದೆಗೆ ಏರಲಿದ್ದಾರೆ. TDP ಹಾಗೂ JDU ಬೆಂಬಲ ಘೋಷಣೆ ಮಾಡಲಿದೆ ಎಂಬ ವಿಶ್ವಾಸದಲ್ಲಿ ಕೇಸರಿಪಾಳಯ ಇದೆ. ಬುಧವಾರ ಸಂಜೆ 4 ಗಂಟೆಗೆ ದಿಲ್ಲಿಯಲ್ಲಿ NDA ಮೈತ್ರಿ ಕೂಟದ ಸಭೆ ನಡೆಯಲಿದ್ದು, ಆ ಬಳಿಕ ಸರ್ಕಾರ ರಚನೆ ಬಗ್ಗೆ ಮತ್ತಷ್ಟು ಮಾಹಿತಿ ಹೊರಬೀಳುವ ಸಾಧ್ಯತೆ ಇದೆ.
