ಭಾರತದಲ್ಲಿ (India) ಸಿಎಎ (CAA) ಅನುಷ್ಠಾನಕ್ಕೆ ಮೊದಲ ಹೆಜ್ಜೆ ಇಡಲಾಗಿದೆ. ಸಿಎಎ ಅಧಿಕೃತವಾಗಿಜಾರಿಯಾದ ಬಳಿಕ 14 ಜನರಿಗೆ ಇದೇ ಮೊದಲ ಬಾರಿಗೆ ಭಾರತೀಯ ಪೌರತ್ವ ಪ್ರಮಾಣ ಪತ್ರವನ್ನು ಕೇಂದ್ರ ಗೃಹ ಇಲಾಖೆ (Home ministry) ನೀಡಿದೆ. ಆ ಮೂಲಕ ಮುಸ್ಲಿಮೇತರ ವಲಸಿಗರಿಗೆ ದೇಶದ ಪೌರತ್ವ ನೀಡುವ ಕಾಯ್ದೆ ಅನುಷ್ಠಾನಗೊಂಡಂತಾಗಿದೆ.
![](https://pratidhvani.com/wp-content/uploads/2024/05/IMG_7697.jpeg)
ಮೊದಲ ಹಂತದಲ್ಲಿ 14 ಮಂದಿ ಒಳಗೊಂಡಂತೆ 300 ಮಂದಿಗೆ ಪೌರತ್ವ (citizenship) ಪ್ರಮಾಣ ಪತ್ರ ನೀಡಲಾಗುತ್ತಿದೆ. ಇದಕ್ಕಾಗಿ ತಯಾರಿಸಿದ ಪೋರ್ಟಲ್ನಲ್ಲಿ ಅರ್ಜಿ ಸಲ್ಲಿಸಿದ್ದ 14 ಜನರಿಗೆ ಕೇಂದ್ರ ಗೃಹ ಕಾರ್ಯದರ್ಶಿ ಅಜಯ್ ಭಲ್ಲಾ (Ajay bhalla)ಭಾರತದ ಪೌರತ್ವದ ಸರ್ಟಿಫಿಕೇಟ್ ವಿತಸರಿಸಿದ್ರು.
![](https://pratidhvani.com/wp-content/uploads/2024/05/IMG_7696.jpeg)
ಈ ಮೂಲಕ ಪಾಕಿಸ್ತಾನ (Pakistan), ಅಫ್ಘಾನಿಸ್ತಾನ (Afghanistan) ಮತ್ತು ಬಾಂಗ್ಲಾದೇಶದಿಂದ I (Bangladesh) ಕಿರುಕುಳಕ್ಕೊಳಗಾದ ಮುಸ್ಲಿಮೇತರ ವಲಸಿಗರಿಗೆ ಭಾರತೀಯ ರಾಷ್ಟ್ರೀಯತೆ ನೀಡುವ ಪ್ರಕ್ರಿಯೆಗೆ ಕೇಂದ್ರ ಸರ್ಕಾರ ಅಧಿಕೃತವಾಗಿ ಚಾಲನೆ ನೀಡಿದೆ.