ನವದೆಹಲಿ : ಇರಾನ್ ಮೇಲೆ ಅಮೆರಿಕ ಹಾಗೂ ಇಸ್ರೇಲ್ ನಡೆಸಿದ ಜಂಟಿ ದಾಳಿಯನ್ನು ನ್ಯೂರ್ಯಾರ್ಕ್ ನಗರದ ಮೇಯರ್ ಜೊಹ್ರಾನ್ ಮಮ್ದಾನಿ ಖಂಡಿಸಿದ್ದಾರೆ.
ಇರಾನ್ ಮೇಲೆ ನಡೆಯುತ್ತಿರುವ ಮಿಲಿಟರಿ ದಾಳಿಗಳು – ಯುನೈಟೆಡ್ ಸ್ಟೇಟ್ಸ್ ಮತ್ತು ಇಸ್ರೇಲ್ ನಡೆಸಿದ್ದು – ಅಕ್ರಮ ಆಕ್ರಮಣಕಾರಿ ಯುದ್ಧವನ್ನು ಸೂಚಿಸುತ್ತವೆ. ನಗರಗಳ ಮೇಲೆ ಬಾಂಬ್ ದಾಳಿ. ನಾಗರಿಕರನ್ನು ಕೊಲ್ಲುವುದು. ಇದು ನೂತನ ಯುದ್ಧ ರಂಗವನ್ನು ತೆರೆದಂತಾಗಿದೆ, ಅದರೆ ಅಮೆರಿಕನ್ನರು ಇದನ್ನು ಬಯಸುವುದಿಲ್ಲ ಎಂದು ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ ನಡೆಯನ್ನು ಖಂಡಿಸಿದ್ದಾರೆ.
ಆಡಳಿತ ಬದಲಾವಣೆಗಾಗಿ ಅಮೆರಿಕನ್ನರು ಇನ್ನೊಂದು ಯುದ್ಧವನ್ನು ಬಯಸುವುದಿಲ್ಲ. ಅವರು ಇರುವ ಬಿಕ್ಕಟ್ಟಿನಿಂದ ಪರಿಹಾರದ ಜೊತೆಗೆ ಶಾಂತಿಯನ್ನು ಬಯಸುತ್ತಾರೆ ಎಂದು ಇರಾನ್ ಮೇಲಿನ ದಾಳಿಗೆ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಪ್ರತಿಯೊಬ್ಬ ನ್ಯೂಯಾರ್ಕ್ ನಾಗರಿಕನು ಸುರಕ್ಷಿತವಾಗಿರುವುದರ ಬಗ್ಗೆ ನಾನು ಗಮನಹರಿಸಿದ್ದೇನೆ. ನಮ್ಮ ಪೊಲೀಸ್ ಆಯುಕ್ತರು ಮತ್ತು ತುರ್ತುಸ್ಥಿತಿ ನಿರ್ವಹಣಾ ಅಧಿಕಾರಿಗಳೊಂದಿಗೆ ಸಂಪರ್ಕದಲ್ಲಿದ್ದೇನೆ. ಏಜೆನ್ಸಿಗಳಾದ್ಯಂತ ಸಮನ್ವಯವನ್ನು ಸಾಧಿಸುವುದು ಮತ್ತು ಸೂಕ್ಷ್ಮ ಸ್ಥಳಗಳಲ್ಲಿ ಗಸ್ತು ಹೆಚ್ಚಿಸುವುದು ಸೇರಿದಂತೆ ನಾವು ಪೂರ್ವಭಾವಿ ಕ್ರಮಗಳನ್ನು ತೆಗೆದುಕೊಳ್ಳುತ್ತಿದ್ದೇವೆ ಎಂದು ತಿಳಿಸಿದ್ದಾರೆ.
ನಾನು ನ್ಯೂಯಾರ್ಕ್ನಲ್ಲಿರುವ ಇರಾನಿ ನಿವಾಸಿಗಳೊಂದಿಗೆ ನೇರವಾಗಿ ಮಾತನಾಡಲು ಬಯಸುತ್ತೇನೆ. ನೀವು ಈ ನಗರದ ಭಾಗವಾಗಿದ್ದೀರಿ – ನೀವು ನಮ್ಮ ನೆರೆಹೊರೆಯವರು, ಸಣ್ಣ ವ್ಯಾಪಾರ ಮಾಲೀಕರು, ವಿದ್ಯಾರ್ಥಿಗಳು, ಕಲಾವಿದರು, ಕಾರ್ಮಿಕರು ಮತ್ತು ಸಮುದಾಯ ನಾಯಕರು. ನೀವು ಇಲ್ಲಿ ಸುರಕ್ಷಿತವಾಗಿರುತ್ತೀರಿ ಎಂದು ಇರಾನಿಗಳಿಗೆ ಅಭಯ ನೀಡಿದ್ದಾರೆ.
