ತಮ್ಮ ಅವಧಿ ಮುಗಿಯುವ ಮುನ್ನವೇ ವಿಧಾನಪರಿಷತ್(MLC) ಸದಸ್ಯೆ ತೇಜಸ್ವಿನಿ ಗೌಡ(Tejaswini Gowd) ತಮ್ಮ ಸ್ಥಾನಕ್ಕೆ ರಾಜೀನಾಮೆ ಸಲ್ಲಿಕೆ ಮಾಡಿದ್ದಾರೆ. ಮುಂಬರುವ ಜೂನ್ ೨೦೨೪ ರ (June 2024) ವರೆಗೂ ಅವರ ಪರಿಷತ್ ಸದಸ್ಯ ಅವಧಿ ಸಮಯ ಇತ್ತು. ಆದ್ರೆ ೩ ತಿಂಗಳು (3 months) ಮುಂಚಿತವಾಗಿಯೇ ಸ್ವಯಂ ಪ್ರೇರಿತವಾಗಿ ತೇಜಸ್ವಿನಿ ತಮ್ಮ ಸ್ಥಾನಕ್ಕೆ ರಾಜೀನಾಮೆ (Resignation) ನೀಡಿದ್ದಾರೆ. ಇದು ಕುತೂಹಲಕ್ಕೆ ಕಾರಣವಾಗಿದೆ.
ಈ ಮೊದಲಿನಿಂದಲೂ ತೇಜಸ್ವಿನಿ ಅವರಿಗೆ ಲೋಕಸಭೆಗೆ ಚುನಾವಣೆಗೆ (Parliment election) ನಿಲ್ಲಬೇಕು ಎಂಬ ಇಂಗಿತ ಇತ್ತು. ಅದಕ್ಕಾಗಿ ಅವರು ಪಕ್ಷದ ನಾಯಕರ ಬಳಿ ತಮ್ಮ ಆಕಾಂಶೆಯನ್ನ ಹೇಳಿಕೊಂಡಿದ್ದರು ಕೂಡ. ಆದ್ರೆ ಪಕ್ಷದ ಹೈಕಮ್ಯಾಂಡ್(Highcommand) ನಿಂದ ಯಾವುದೇ ಸಕಾರಾತ್ಮ ಸ್ಪಂದನೆ ಸಿಕ್ಕಿರಲಿಲ. ಇದೀಗ ಅವರು MLC ಸ್ಥಾನಕ್ಕೆ ರಾಜೀನಾಮೆ ನೀಡಿರೋದು ಸಾಕಷ್ಟು ಅನುಮಾನಗಳಿಗೆ ಕಾರಣವಾಗಿದೆ.
ಮೂಲತಃ ಪತ್ರಕರ್ತೆ (Journalist) ಆಗಿದ್ದ ತೇಜಸ್ವಿನಿ ದೇವೇಗೌಡರ (Devegowda) ವಿರುದ್ಧ ಕಣಕ್ಕಿಳಿಯೋದರ ಮೂಲಕ ಚುನಾವಣಾ ರಾಜಕಾರಣಕ್ಕೆ ಬಂದಿದ್ದರು. ಡಿಕೆ ಶಿವಕುಮಾರ್ (DK shivakumar) ತೇಜಸ್ವಿನಿ ಅವರನ್ನ ಚುನಾವಣಾ ರಂಗ ಪ್ರವೇಶ ಮಾಡಿಸಿದ್ದರು. ಇದೀಗ ತೇಜಸ್ವಿನಿ ಬಿಜೆಪಿ(BJP) ಬಿಟ್ಟು ಹೊರಬಂದು ಲೋಕ ಸಮರಕ್ಕೆ ಸಜ್ಜಾಗಲಿದ್ದಾರಾ ಅಥವಾ ಅವರ ಮುಂದಿನ ನಡೆಯ ಬಗ್ಗೆ ಹಲವು ಕುತೂಹಲಗಳಿವೆ.
