ಹಾಲು..ವಿದ್ಯುತ್..ಕಸ ಆಯ್ತು..ಈಗ ಡೀಸೆಲ್ ಸರದಿ – ಇಂದಿನಿಂದ ಡೀಸೆಲ್ ದರ 2 ರೂಪಾಯಿ ಏರಿಕೆ 

ರಾಜ್ಯದಲ್ಲಿ ಬೆಲೆ ಏರಿಕೆಯ (Price hike) ಪರ್ವ ಆರಂಭವಾಗಿದೆ. ಹಾಲಿನ ದರ ಏರಿಕೆ,ವಿದ್ಯುತ್ ದರ ಏರಿಕೆಯ ಮಧ್ಯೆ ರಾಜ್ಯದ ಜನತೆಗೆ ಸರ್ಕಾರ ಈಗ ಮತ್ತೊಂದು ಶಾಕ್ ಕೊಟ್ಟಿದೆ.ಡೀಸೆಲ್ (Diesel) ಮೇಲಿನ ಸೆಸ್ ದರ ಹೆಚ್ಚಿಸಿ ರಾಜ್ಯ ಸರ್ಕಾರ ಮಹತ್ವದ ಆದೇಶ ನೀಡಿದೆ.

ADVERTISEMENT

ಈ ದರ ಏರಿಕೆ ಮಧ್ಯರಾತ್ರಿಯಿಂದಲೇ ನೂತನ ದರ ರಾಜ್ಯಾದ್ಯಂತ ಜಾರಿಗೆ ಬಂದಿದೆ.ರಾಜ್ಯ ಸರ್ಕಾರ ಡೀಸೆಲ್ ಮೇಲಿನ ಮಾರಾಟ ತೆರಿಗೆ 2 ರೂಪಾಯಿ ಹೆಚ್ಚಳ ಮಾಡಿದೆ.ಡೀಸೆಲ್ ಮೇಲಿನ ಸೆಸ್ ಇದುವರೆಗೂ ಶೇಕಡಾ 18.44 ರಷ್ಟಿತ್ತು.ಮಧ್ಯರಾತ್ರಿಯಿಂದ ಡೀಸೆಲ್ ಮೇಲಿನ ತೆರಿಗೆ ಶೇಕಡಾ 21.17ಕ್ಕೆ ಏರಿಕೆ ಮಾಡಲಾಗಿದೆ.

ಹೀಗಾಗಿ ಬೆಂಗಳೂರಲ್ಲಿ ಸದ್ಯ ಡೀಸೆಲ್ ದರ ಲೀಟರ್‌ಗೆ 89 ರೂಪಾಯಿ 2 ಪೈಸೆ ಇದ್ದು, ದರ ಏರಿಕೆ ಆದೇಶದ ಪ್ರಕಾರ 91 ರೂಪಾಯಿ 2 ಪೈಸೆಗೆ ಏರಿಕೆಯಾಗಲಿದೆ. ಡೀಸೆಲ್ 2 ರೂ. ದರ ಹೆಚ್ಚಳ ಮಾಡಿರೋದ್ರಿಂದ ಇವತ್ತಿನಿಂದ ಜನಸಾಮಾನ್ಯರಿಗೆ ಸಾಲು, ಸಾಲು ದರ ಏರಿಕೆಯ ಬಿಸಿ ತಟ್ಟಲಿದೆ.