ರಾಯಚೂರು: ಸಿನಿಮಾ ಸ್ಟೈಲ್‌ನಲ್ಲಿ ಅಂತಾರಾಜ್ಯ ಕಿಡ್ನ್ಯಾಪರ್‌ಗಳನ್ನು ಬಂಧನ ಮಾಡಲಾಗಿದೆ. ಸಿಂಧನೂರು ತಾಲೂಕಿನ ಕುನ್ನಟಗಿ ಗ್ರಾಮದ ಮನೆಯಲ್ಲಿ ಮೂವರು ಕಿಡ್ನ್ಯಾಪರ್ಸ್ ಬಂಧನ ಮಾಡಲಾಗಿದೆ.
ಮಹಾರಾಷ್ಟ್ರ ಮತ್ತು ಸಿಂಧನೂರು ಪೊಲೀಸರು ಕಾರ್ಯಚರಣೆ ನಡೆಸಿ ಬಂಧನ ಮಾಡಲಾಗಿದೆ. ಮಹಾರಾಷ್ಟ್ರದ ಪುಣೆಯಿಂದ ನಾಲ್ವರನ್ನ ಕಿಡ್ನ್ಯಾಪ್ ಮಾಡಿ ಕೂಡಿಟಿದ್ದ ಕಿರಾತಕರನ್ನು ಬಂಧನ ಮಾಡಲಾಗಿದೆ.
ಕಿಡ್ನ್ಯಾಪರ್ಸ್ ಕಿಂಗ್ ಪಿನ್ ಹೆಂಡ್ತಿಯ ತವರು ಮನೆಯಲ್ಲಿ ಕೂಡಿಟ್ಟು ಹಿಂಸೆ ಕೊಟ್ಟಿದ್ದರು. ಹಣಕ್ಕೆ ಬೇಡಿಕೆ ಇಟ್ಟು ಮನಬಂದಂತೆ ಹಲ್ಲೆ ನಡೆಸಿ ಬೆದರಿಕೆ ಹಾಕಿದ್ದರು ಎನ್ನಲಾಗಿದೆ.
ಮೊಬೈಲ್ ನೆಟ್ವರ್ಕ್ ಆದರಿಸಿ ಕುನ್ನಟಗಿ ಗ್ರಾಮಕ್ಕೆ ಎಂಟ್ರಿ ಕೊಟ್ಟ ಖಾಕಿ ಟೀಂ, ಖಚಿತ ಮಾಹಿತಿ ಆಧಾರಿಸಿ ಮನೆ ಮೇಲೆ ದಾಳಿ ಮಾಡಿದಾಗ ಡೋರ್ ಲಾಕ್ ಮಾಡಿಕೊಂಡಿದ್ದ ಆರೋಪಿಗಳು ಪೊಲೀಸರನ್ನ ಕಂಡಾಗ ಗನ್ ತೋರಿಸಿ ಬೆದರಿಕೆ ಒಡ್ಡಿದ್ದರು.
ಚಾಣಾಕ್ಷ್ಯತನದಿಂದ ಮನೆ ಒಳ ನುಗ್ಗಿದಪೊಲೀಸರು 3 ಜನ ಕಿಡ್ನ್ಯಾಪರ್ಸ್ ಬಂಧನ ಮಾಡಿದ್ದಾರೆ. ಕೃತ್ಯಕ್ಕೆ ಬಳಸಿದ ಗನ್ ಸೇರಿದಂತೆ ಮೊಬೈಲ್ ವಶಕ್ಕೆ ಪಡೆದು ತನಿಖೆ ನಡೆಸಲಾಗಿದೆ. ಅಪಹರಣಕ್ಕೆ ಒಳಗಾಗಿದ್ದ ನಾಲ್ವರನ್ನು ರಕ್ಷಣೆ ಮಾಡಲಾಗಿದೆ.
