ಚೀನಾದ ವಿಜ್ಞಾನಿಗಳು (China scientists) ಮತ್ತೊಂದು ವೈರಸ್ (Virus) ಸಂಶೋಧಿಸಿದ್ದಾರೆ ಎಂಬ ಮಾಹಿತಿ ಮತ್ತೆ ವಿಶ್ವವನ್ನು ಆತಂಕಕ್ಕೆ ದೂಡಿದೆ. ಇದು ಬಾವಲಿಗಳಿಂದ (Bats) ಮನುಷ್ಯರಿಗೆ ಹರಡಬಹುದಾದ ವೈರಸ್ ಎನ್ನಲಾಗಿದ್ದು ಸದ್ಯ ಚೀನಾ ವಿಜ್ಞಾನಿಗಳು ಇದನ್ನು ಪತ್ತೆಹಚ್ಚಿದ್ದಾರೆ.
ADVERTISEMENT
HKU5-CoV-2 ಎಂಬ ಹೆಸರಿನ ಹೊಸ ವೈರಸ್ ಅನ್ನು ಚೀನಾ ವಿಜ್ಞಾನಿಗಳು ಪತ್ತೆ ಹಚ್ಚಿದ್ದಾರೆ.ಆದ್ರೆ ಸದ್ಯಕ್ಕಂತೂ ಈ ಹೊಸ ವೈರಸ್ ಇನ್ನೂ ಮನುಷ್ಯರಿಗೆ ಹರಡಿಲ್ಲ ಎಂದು ವರದಿಯಾಗಿದೆ.ಆದರೇ, ಈ ಹೊಸ ವೈರಸ್ ಬಾವಲಿಗಳಿಂದ ಮನುಷ್ಯರಿಗೆ ಹರಡುವ ಸಾಮರ್ಥ್ಯ ಹೊಂದಿದೆ ಎಂಬುದನ್ನು ವಿಜ್ಞಾನಿಗಳು ಕಂಡುಕೊಂಡಿದ್ದಾರೆ.
ಚೀನಾದ ಸಂಶೋಧಕಿ ಶಿ ಜಂಗ್ಲೀ ಅವರಿಂದ ಹೊಸ ವೈರಸ್ ಬಗ್ಗೆ ಸಂಶೋಧನೆ ನಡೆಸಲಾಗಿದ್ದು, ಚೀನಾದಲ್ಲಿ ಶಿ ಜಂಗ್ಲೀ ಅವರನ್ನು ಬಾವಲಿ ಮಹಿಳೆ ಎಂದು ಕರೆಯುತ್ತಾರೆ.ಬಾವಲಿಗಳ ಬಗ್ಗೆ ಹೆಚ್ಚಿನ ಸಂಶೋಧನೆಯನ್ನು ಶಿ ಜಂಗ್ಲೀ ನಡೆಸಿದ್ದಾರೆ. ಸದ್ಯ HKU5-CoV-2 ಬಗ್ಗೆ ಚೀನಾದ ಸಂಶೋಧಕರು, ವಿಜ್ಞಾನಿಗಳು ಹೆಚ್ಚಿನ ಸಂಶೋಧನೆಯಲ್ಲಿ ತೊಡಗಿಸಿಕೊಂಡಿದ್ದಾರೆ .
