ನಟಿ ರನ್ಯಾ ರಾವ್​ ಸ್ನೇಹಿತನಿಗೆ ಕೋರ್ಟ್​ ಜಾಮೀನು ಕೊಡುತ್ತಾ..?

ಡಿಆರ್​​ಐ ತನಿಖೆಯಲ್ಲಿ ಅಂತರರಾಷ್ಟ್ರೀಯ ಲಿಂಕ್​ಗಳ ಮಾಹಿತಿ ಸಿಕ್ಕಿದೆ‌. ಡಿಆರ್​ಐ ಕಲೆ ಹಾಕಿರುವ ಸಾಕ್ಷ್ಯಗಳು ಪ್ರಕರಣದ ಗಂಭೀರತೆ ಬಗ್ಗೆ ಹೇಳುತ್ತವೆ‌. ಆರೋಪಿ ಎವಿಡೇನ್ಸ್ ಟ್ಯಾಂಪರಿಂಗ್ ಮಾಡಬಹುದು.ವ ಈ ಪ್ರಕರಣದಲ್ಲಿ ಆರೋಪಿಗೆ ಜಾಮೀನು ನೀಡಬಹುದಾದ ಯಾವುದೇ ಕಾರಣಗಳು ಇಲ್ಲ. ಜಾಮೀನು ನಿರಾಕರಿಸಲು ಸಾಕಷ್ಟು ಕಾರಣಗಳಿವೆ. ದೊಡ್ಡ ನೆಟ್ವರ್ಕ್ ಇದೆ, ಲಿಂಕ್ಸ್ ಇದೆ. ಹವಾಲ ಟ್ರಾನ್ಸಕ್ಷನ್ ಇದೆ. ಇದರ ಬಗ್ಗೆ ಡಿಆರ್ ಐ ತನಿಖೆ ನಡೆಯುತ್ತಿದೆ ಎಂದಿದ್ದಾರೆ ವಕೀಲ ಮಧುರಾವ್.

ADVERTISEMENT

ಡಿಆರ್​ಐ ವಕೀಲರ ವಾದಕ್ಕೆ ಆರೋಪಿ ಪರ ವಕೀಲರು ಪ್ರತಿವಾದ ಮಂಡಿಸಿದ್ದು, ಏರ್ ಟಿಕೆಟ್ ಖರೀದಿಗೆ ರನ್ಯಾ ಹಣ ನೀಡಿದ್ದಾರೆ ಅಂತಾ ಡಿಆರ್​ಐ ವಾದಕ್ಕೆ ಸಾಕ್ಷ್ಯಗಳು ಇಲ್ಲ. ಆರೋಪಿ ಬಂಧನವಾಗಿದ್ದು ಮಾರ್ಚ್ 3 ರಂದು. ಆದರೆ ತರುಣ್​ಗೆ ಮಾರ್ಚ್ 8 ರಂದು ಸಮನ್ಸ್ ನೀಡಲಾಗಿದೆ ಎಂದು ತರುಣ್ ರಾಜ್ ಪರ ವಕೀಲ ದೇವರಾಜ್ ಪ್ರತಿವಾದ ಮಾಡಿದ್ದಾರೆ. ಚಿನ್ನವನ್ನ ಜಿನೀವಾಗೆ ತೆಗೆದುಕೊಂಡು ಹೋಗಲು ರನ್ಯಾಗೆ ತರುಣ್ ಹೇಳಿದ್ದ ಎಂದು ಡಿಆರ್​ಐ ಹೇಳಿದೆ‌. ಹೀಗೆ ಆರೋಪ ಮಾಡುವುದು ಸುಲಭ, ಸಾಬೀತು ಪಡಿಸುವುದು ಕಷ್ಟ, ಈ ಹಿಂದೆ ತರುಣ್ ಜಿನೀವಾಗೆ ಹೋಗಿಲ್ಲ ಎಂದು ವಾದಿಸಿದ್ದಾರೆ.

ಡಿಆರ್​ಐ ಅಧಿಕಾರಿಗಳ ತನಿಖೆ ಪ್ರಶ್ನಿಸಿರುವ ತರುಣ್ ಪರ ವಕೀಲರು, ಡಿಆರ್​ಐ ಅಧಿಕಾರಿಗಳು ಪೊಲೀಸ್ ಅಧಿಕಾರಿಗಳಲ್ಲ ಎಂದಿದ್ದಾರೆ. ಈ ವೇಳೆ ತರುಣ್ ಪರ ವಕೀಲರ ವಾದಕ್ಕೆ ಡಿಆರ್​ಐ ಪರ ವಕೀಲರು ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. ಈ ಪ್ರಕರಣದಲ್ಲಿ ಅಡ್ಮಿಸೆಬಲ್ ಎವಿಡೇನ್ಸ್ ಇಲ್ಲ ಎಂದಿದ್ದಾರೆ. ತರುಣ್ ಪರ ವಕೀಲರ ವಾದ ಮಂಡಿಸಿ, ಈ ಪ್ರಕರಣದಲ್ಲಿ ತರುಣ್​ ರಾಜ್​ಗೆ ಜಾಮೀನು ನೀಡಬೇಕು. ಜಾಮೀನು ಪಡೆಯಬಹುದಾದ ಪ್ರಕರಣ ಎಂದು ಕೋರ್ಟ್​ ಗಮನ ಸೆಳೆದಿದ್ದಾರೆ. ವಾದ ಪ್ರತಿವಾದ ಆಲಿಸಿರುವ ಕೋರ್ಟ್​ ನಾಳೆ ತೀರ್ಪು ನೀಡುವುದಾಗಿ ತಿಳಿಸಿದೆ.

ಆರ್ಥಿಕ ಅಪರಾಧಗಳ ವಿಶೇಷ ಕೋರ್ಟ್​ನಲ್ಲಿ ಎರಡನೇ ಆರೋಪಿ ಆಗಿರುವ ತರುಣ್​ ರಾಜ್​ ಜಾಮೀನು ಅರ್ಜಿ ವಿಚಾರಣೆ ಮುಕ್ತಾಯವಾಗಿದ್ದು, ನಾಳೆ ಕೋರ್ಟ್​ ಆದೇಶ ಪ್ರಕಟಿಸಲಿದೆ. ಈಗಾಗಲೇ ನಟಿ ರನ್ಯಾರಾವ್​ ಜಾಮೀನು ಅರ್ಜಿಯನ್ನು ಇದೇ ಕೋರ್ಟ್​ ವಜಾ ಮಾಡಿತ್ತು. ಇದೀಗ ಎರಡನೇ ಆರೋಪಿ ಜಾಮೀನು ಅರ್ಜಿಯನ್ನು ಮಾನ್ಯ ಮಾಡಿ ಜಾಮೀನು ಮಂಜೂರು ಮಾಡುತ್ತಾ..? ಅಥವಾ ರನ್ಯಾ ಜಾಮೀನು ಅರ್ಜಿಯಂತೆ ತರುಣ್​ ರಾಜ್​ ಜಾಮೀನು ಅರ್ಜಿಯನ್ನು ವಜಾ ಮಾಡುತ್ತಾ ಅನ್ನೋದನ್ನು ಕಾದು ನೋಡಬೇಕು.