ವಾಯುವ್ಯ ಮತ್ತು ಮಧ್ಯ ಭಾರತವು ಈ ವರಷದ ಏಪ್ರಿಲ್ ತಿಂಗಳಲ್ಲಿ ಕಳೆದ 122 ವರ್ಷಗಳಲ್ಲಿಯೇ ಅತ್ಯಂತ ಉಷ್ಣ ತಾಪಮಾನ ದಾಖಲಾಗಿದೆ ಎಂದು ಭಾರತದ ಹವಾಮಾನ ಇಲಾಖೆ ಹೇಳಿದೆ. . 122 ವರ್ಷಗಳಲ್ಲಿಯೇ ಯಾವ ವರ್ಷವೂ ಏಪ್ರಿಲ್ನಲ್ಲಿ ಇಷ್ಟು ಗರಿಷ ತಾಪಮಾನ ವರದಿಯಾಗಿಲ್ಲ. ವಾಯುವ್ಯ ಭಾರತದಲ್ಲಿ ಈ ತಿಂಗಳು ಸರಾಸರಿ ಗರಿಷ್ಠ ತಾಪಮಾನವು 35.9 ಮತ್ತು 37.78 ಡಿಗ್ರಿ ಸೆಲ್ಸಿಯಸ್ ತಲುಪಿದೆ ಎಂದು ಹವಾಮಾನ ಕಚೇರಿ ಶನಿವಾರ ತಿಳಿಸಿದೆ.
ಪತ್ರಿಕಾಗೋಷ್ಠಿಯನ್ನುದ್ದೇಶಿಸಿ ಮಾತನಾಡಿದ ಭಾರತೀಯ ಹವಾಮಾನ ಇಲಾಖೆಯ ಮಹಾನಿರ್ದೇಶಕ ಮೃತ್ಯುಂಜಯ್ ಮೊಹಾಪಾತ್ರ, ದೇಶದ ವಾಯುವ್ಯ ಮತ್ತು ಪಶ್ಚಿಮ-ಮಧ್ಯ ಭಾಗಗಳಾದ ಗುಜರಾತ್, ರಾಜಸ್ಥಾನ, ಪಂಜಾಬ್ ಮತ್ತು ಹರಿಯಾಣ ಮೇ ತಿಂಗಳಿನಲ್ಲಿಯೂ ಸಹ ಸಾಮಾನ್ಯಕ್ಕಿಂತ ಹೆಚ್ಚಿನ ತಾಪಮಾನ ದಾಕಲಾಗಲಿದೆ ಎಂದು ಹೇಳಿದರು. ದಕ್ಷಿಣ ಪೆನಿನ್ಸುಲರ್ ಭಾರತದ ಕೆಲವು ಪ್ರದೇಶಗಳನ್ನು ಹೊರತುಪಡಿಸಿ, ದೇಶದ ಹೆಚ್ಚಿನ ಭಾಗಗಳಲ್ಲಿ ಮೇ ತಿಂಗಳಲ್ಲಿ ರಾತ್ರಿ ವೇಳೆಯಲ್ಲೂ ಸಹ ಉಷ್ಣ ತಾಪಮಾನ ಇರಲಿದೆ ವಾಯುವ್ಯ ಮತ್ತು ಮಧ್ಯ ಭಾರತವು ಈ ವರಷದ ಏಪ್ರಿಲ್ ತಿಂಗಳಲ್ಲಿ ಕಳೆದ 122 ವರ್ಷಗಳಲ್ಲಿಯೇ ಅತ್ಯಂತ ಉಷ್ಣ ತಾಪಮಾನ ಇದಾಗಿದೆ ಎಂದು ಮೊಹಾಪಾತ್ರ ಹೇಳಿದರು.
ಆದಾಗ್ಯೂ, ವಾಯುವ್ಯ ಮತ್ತು ಈಶಾನ್ಯ ಭಾರತದ ಕೆಲವು ಭಾಗಗಳು ಮತ್ತು ತೀವ್ರ ಆಗ್ನೇಯ ಪರ್ಯಾಯ ದ್ವೀಪವು ಮೇ ತಿಂಗಳಲ್ಲಿ ಸಾಮಾನ್ಯಕ್ಕಿಂತ ಕಡಿಮೆ ಮಳೆಯಾಗುವ ನಿರೀಕ್ಷೆಯಿದೆ ಎಂದು ಅವರು ಹೇಳಿದರು. ಮಾರ್ಚ್ ಮತ್ತು ಏಪ್ರಿಲ್ನಲ್ಲಿ ಹೆಚ್ಚಿನ ತಾಪಮಾನ ಕಾರಣ ಮಳೆಯ ಕೊರತೆ ಕಂಡಿದೆ. ಮಾರ್ಚ್ನಲ್ಲಿ, ವಾಯುವ್ಯ ಭಾರತವು ಸುಮಾರು 89 ಪ್ರತಿಶತದಷ್ಟು ಮಳೆಯ ಕೊರತೆಯನ್ನು ದಾಖಲಿಸಿದೆ, ಆದರೆ ಕೊರತೆಯು ಏಪ್ರಿಲ್ನಲ್ಲಿ ಸುಮಾರು 83 ಪ್ರತಿಶತದಷ್ಟಿತ್ತು ಎಂದು ಮೊಹಾಪಾತ್ರ ಅವರು ಹೇಳಿದರು.
ಭಾರತ, ವಿಶೇಷವಾಗಿ ದೇಶದ ವಾಯುವ್ಯ ಮತ್ತು ಪಶ್ಚಿಮ ಭಾಗಗಳು, ಕಳೆದ ಕೆಲವು ವಾರಗಳಿಂದ ತೀವ್ರ ಉಷ್ಣ ತಾಪಮಾನ, ಬಿಸಿಗಾಳಿಯಿಂದಾಗಿ ತತ್ತರಿಸುತ್ತಿವೆ.
