ರೇಣುಕಾಸ್ವಾಮಿ ಕೊಲೆ ಪ್ರಕರಣದಲ್ಲಿ (Renukaswamy murder case) ನಟ ಚಿಕ್ಕಣ್ಣನಿಂದ (Chikkanna) ಪೊಲೀಸರು 164 ಹೇಳಿಕೆ ದಾಖಲು ಮಾಡಿಸಿದ್ದಾರೆ. ನ್ಯಾಯಾಧೀಶರ ಎದುರು ಕರೆದೊಯ್ದು ಹಾಸ್ಯನಟ ಚಿಕ್ಕಣ್ಣ ಹೇಳಿಕೆಯನ್ನು ಪೊಲೀಸರು ದಾಖಲುಮಾಡಿದ್ದಾರೆ.
ರೇಣುಕಾಸ್ವಾಮಿಯನ್ನ ಪಟ್ಟಣಗೆರೆ ಶೆಡ್ ಗೆ (Pattanagere shed) ಕರೆತರೋ ಮುನ್ನ ಚಿಕ್ಕಣ್ಣ ದರ್ಶನ್ ಜೊತೆಯಲ್ಲಿ ಇದ್ದರು.ಸ್ಟೋನಿ ಬ್ರೂಕ್ (Stony Brooke) ಅಲ್ಲಿ ಜೊತೆಯಲ್ಲಿ ಇದ್ದ ಚಿಕ್ಕಣ್ಣ, ಪ್ರಕರಣದ ಮೂವರು ಆರೋಪಿಗಳ ಜೊತೆ ಕಾಣಿಸಿಕೊಂಡಿದ್ರು. ದರ್ಶನ್ (Darshan), ಪ್ರದೋಷ್, ವಿನಯ್ ಜೊತೆಯಲ್ಲಿ ಇದ್ದ ಚಿಕ್ಕಣ್ಣ ನಂತರ ಅಲ್ಲಿಂದ ತೆರಳಿದ್ದರು.
ಶನಿವಾರ (ಜೂನ್ 9) ಸ್ಟೋನಿ ಬ್ರೂಕ್ ನಲ್ಲಿ ಈ ಎಲ್ಲರೂ ಮಾತುಕತೆ ನಡೆಸಿದ್ದು, ನಂತರ ಮಧ್ಯಾಹ್ನ 1:45 ಕ್ಕೆ ಪವನ್ ಬಂದು ರೇಣುಕಾಸ್ವಾಮಿ ಬಂದಿರೋದಾಗಿ ಹೇಳಿದ್ದ. 2:15 ಕ್ಕೆ ಸ್ಟೋನಿ ಬ್ರೂಕ್ ಇಂದ ದರ್ಶನ್ ಮತ್ತು ಟೀಮ್ ಹೊರಟ್ಟಿದ್ದಾಗಿ ಮಾಹಿತಿ ಲಭ್ಯವಾಗಿತ್ತು.
ಈಗಾಗಲೇ ಈ ಪ್ರಕರಣದಲ್ಲಿ ಸಾಕಷ್ಟು ಮಂದಿಯ 164 ಹೇಳಿಕೆಯನ್ನ ಪೊಲೀಸರು ದಾಖಲಿಸಿದ್ದು ಇದೀಗ ಆ ಸಾಲಿಗೆ ಚಿಕ್ಕಣ್ಣ ಕೂಡ ಸೇರ್ಪಡೆಯಾಗಿದ್ದಾರೆ.
