
ರಾಮನಗರ ರಾಜಕೀಯ ರಣಾಂಗಣವಾಗಿ ಬದಲಾಗದೆ. ರಾಮನಗರದ ಮೇಲೆ ಹಕ್ಕು ಸಾಧಿಸಲು ಡಿ.ಕೆ ಶಿವಕುಮಾರ್ ಹಾಗು ಹೆಚ್.ಡಿ ಕುಮಾರಸ್ವಾಮಿ(H D Kumarswamy) ಸೆಣಸಾಡುತ್ತಿದ್ದಾರೆ. ಇತ್ತೀಚಿಗೆ ಮುಡಾ ಹಗರಣದ ಬಗ್ಗೆ ಜನಾಂದೋಲನ ಸಭೆಯಲ್ಲಿ ಕುಮಾರಸ್ವಾಮಿ ಕುಟುಂಬವನ್ನು ಕೆಣಕಿದ್ದ ಡಿ.ಕೆ ಶಿವಕುಮಾರ್ಗೆ ಇವತ್ತು ಕೇಂದ್ರ ಸಚಿವ ಕುಮಾರಸ್ವಾಮಿ ಅವರು ಉತ್ತರ ನೀಡಲಿದ್ದಾರೆ ಎನ್ನಲಾಗ್ತಿದೆ.

ಡಿಸಿಎಂ ಡಿ.ಕೆ ಶಿವಕುಮಾರ್ (DCM DK Shivakumar) ಹಾಗೂ ಕೇಂದ್ರ ಸಚಿವ ಕುಮಾರಸ್ವಾಮಿ(Central Minister Kumarswamy) ನಡುವೆ ಪ್ರಾಪರ್ಟಿ ಫೈಟ್ ತಾರಕಕ್ಕೇರಿದ್ದು, ಕುಮಾರಸ್ವಾಮಿ ಆಸ್ತಿ ಬಗಗೆ ಕೆದಕಿದ್ದ ಡಿಸಿಎಂ ಡಿ.ಕೆ ಶಿವಕುಮಾರ್ಗೆ ಆಸ್ತಿ ಲೆಕ್ಕ ಕೊಟ್ಟು ತಿರುಗೇಟು ಕೊಡೋದಕ್ಕೆ ಸಜ್ಜಾಗಿದ್ದಾರೆ. ರಾಮನಗರಕ್ಕೆ ಮೈತ್ರಿ ಪಾದಯಾತ್ರೆ ಆಗಮಿಸಲಿದ್ದು, ಬಹಿರಂಗ ಸಭೆಯಲ್ಲಿ ಡಿಕೆಶಿ ಆಸ್ತಿ ಪಟ್ಟಿ ಬಿಡುಗಡೆಗೆ ಕುಮಾರಸ್ವಾಮಿ ಮುಂದಾಗಿದ್ದಾರೆ.

ಡಿಸಿಎಂ ಡಿ.ಕೆ ಶಿವಕುಮಾರ್ ರಾಜಕಾರಣಕ್ಕೆ ಬರೋಕು ಮುನ್ನ ಅವರ ಕುಟುಂಬದಲ್ಲಿ ಇದ್ದ ಆಸ್ತಿ ಎಷ್ಟು..? ಈಗ ರಾಜಕಾರಣಕ್ಕೆ ಬಂದ ಬಳಿಕ ಆಸ್ತಿ ಎಷ್ಟಾಗಿದೆ ಅನ್ನೋದ್ರ ಬಗ್ಗೆ ಲೆಕ್ಕ ಬಿಚ್ಚಿಡಲಿದ್ದೇನೆ ಎಂದು ಈಗಾಗಲೇ ಘೋಷಣೆ ಮಾಡಿದ್ದಾರೆ. ಬೆಂಗಳೂರು, ರಾಮನಗರ ಸೇರಿದಂತೆ ಹಲವೆಡೆಗಳಲ್ಲಿ ಕುಮಾರಸ್ವಾಮಿ ಕುಟುಂಬ ಆಸ್ತಿ ಮಾಡಿದೆ ಎಂದು ಡಿ.ಕೆ ಶಿವಕುಮಾರ್ ವಾಗ್ದಾಳಿ ನಡೆಸಿದ್ರು. ಇದೀಗ ಕೌಂಟರ್ ಅಸ್ತ್ರ ಪ್ರಯೋಗ ಮಾಡಲಿದ್ದಾರೆ ಸೆಂಟ್ರಲ್ ಮಿನಿಸ್ಟರ್(Central Minister).






