ಚಿಕ್ಕಮಗಳೂರು ಜಿಲ್ಲೆ ಎನ್.ಆರ್ ಪುರ ತಾಲೂಕಿನಲ್ಲಿ ಭಾರೀ ಮಳೆಯಾಗ್ತಿದ್ದು, ಮಳೆ ಅವಾಂತರದಿಂದ ಪವರ್ ಕಟ್ ಆಗಿದ್ದು ಜನರು ಪರದಾಡುವಂತಾಗಿದೆ. ಇದೇ ಸಮಯದಲ್ಲಿ ಹರಿಯೋ ಹಳ್ಳದಲ್ಲಿ ಜೀವದ ಹಂಗು ಬಿಟ್ಟು ಕೆಲಸ ಮಾಡಿದ್ದಾರೆ ಲೈನ್ಮೆನ್ ರವಿ.
ಮಳೆಯಿಂದ ಮರ ಬಿದ್ದು ತುಂಡಾದ ವಿದ್ಯುತ್ ತಂತಿಯನ್ನು ಸರಿಪಡಿಸಲು ಲೈನ್‌ಮೆನ್‌ಗಳು ಹೈರಾಣು ಆಗುವ ಈ ಸಮಯದಲ್ಲಿ, ಮೂರು ದಿನದಿಂದ ಕತ್ತಲಲ್ಲಿ ಇರುವ ಹುಯಿಗೆರೆ ಗ್ರಾಮಸ್ಥರ ನೆರವಿಗೆ ಲೈನ್ಮೆನ್ ರವಿ ಬಂದಿದ್ದಾರೆ. ಮಳೆಯಲ್ಲೇ ನೀರಿಗಿಳಿದು ಲೈನ್‌ ಸರಿ ಮಾಡಿದ್ದಾರೆ.
ಸೊಂಟಕ್ಕೆ ವೈಯರ್ ಕಟ್ಟಿಕೊಂಡು ಹರಿಯುವ ಹಳ್ಳದಲ್ಲಿ ಇಳಿದು ಈಜಿಕೊಂಡು ಮತ್ತೊಂದು ದಡ ಸೇರಿ ವಿದ್ಯುತ್ ಸಮಸ್ಯೆ ಸರಿ ಮಾಡಿ, ಮತ್ತೆ ಹಳ್ಳದಲ್ಲಿ ಈಜಿ ವಾಪಸ್‌ ಆಗಿದ್ದಾರೆ. ಲೈನ್ಮೆನ್ ರವಿ ಕೆಲಸಕ್ಕೆ ಸ್ಥಳೀಯರು ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.
ಚಿಕ್ಕಮಗಳೂರು ಜಿಲ್ಲೆಯ ಎನ್.ಆರ್ ಪುರ ತಾಲೂಕಿನ ಹುಯಿಗೆರೆ ಗ್ರಾಮದ ಲೈನ್ಮೆನ್ ರವಿ ಕೆಲಸಕ್ಕೆ ಇಂಧನ ಸಚಿವ ಕೆ.ಜೆ ಜಾರ್ಜ್‌ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಹಿರಿಯ ಅಧಿಕಾರಿಗಳು ರವಿ ಕೆಲಸವನ್ನು ಕೊಂಡಾಡಿದ್ದಾರೆ.
ಕೃಷ್ಣಮಣಿ
