2021-22ರ ಆಹಾರ ಧಾನ್ಯ ಉತ್ಪಾದನೆ ದಾಖಲೆಯ ಗರಿಷ್ಠ ಮಟ್ಟ ತಲುಪಲಿದೆ : ಕೇಂದ್ರ ಸರ್ಕಾರ

ಕೃಷಿ ಮತ್ತು ರೈತರ ಕಲ್ಯಾಣ ಸಚಿವಾಲಯವು ಬಿಡುಗಡೆ ಮಾಡಿದ 2021-22ರ ಪ್ರಮುಖ ಬೆಳೆಗಳ ಉತ್ಪಾದನೆಯ ಎರಡನೇ ಮುಂಗಡ ಅಂದಾಜುಗಳ ಪ್ರಕಾರ, ದೇಶದ ಒಟ್ಟು ಆಹಾರ ಧಾನ್ಯಗಳ ಉತ್ಪಾದನೆಯು ಸಾರ್ವಕಾಲಿಕ ದಾಖಲೆಯ 316.06 ಮಿಲಿಯನ್ ಟನ್‌ಗಳನ್ನು ತಲುಪುತ್ತದೆ ಎಂದು ಹೇಳಲಾಗಿದೆ.

ADVERTISEMENT

2021-22ರ 2ನೇ ಮುಂಗಡ ಅಂದಾಜಿನ ಪ್ರಕಾರ, ದೇಶದಲ್ಲಿ ಒಟ್ಟು ಆಹಾರ ಧಾನ್ಯಗಳ ಉತ್ಪಾದನೆಯು ದಾಖಲೆಯ 316.06 ದಶಲಕ್ಷ ಟನ್ ಗಳು ಎಂದು ಅಂದಾಜಿಸಲಾಗಿದೆ, ಇದು 2020-21ರಲ್ಲಿ ಆಹಾರ ಧಾನ್ಯದ ಉತ್ಪಾದನೆಗಿಂತ 5.32 ದಶಲಕ್ಷ ಟನ್ ಗಳಷ್ಟು ಹೆಚ್ಚಾಗಿದೆ. ಇದಲ್ಲದೆ, 2021-22ರಲ್ಲಿ ಉತ್ಪಾದನೆಯು ಹಿಂದಿನ ಐದು ವರ್ಷಗಳ (2016-17 ರಿಂದ 2020-21ರವರೆಗೆ) ಆಹಾರ ಧಾನ್ಯಗಳ ಸರಾಸರಿ ಉತ್ಪಾದನೆಗಿಂತ 25.35 ದಶಲಕ್ಷ ಟನ್ ಗಳಷ್ಟು ಹೆಚ್ಚಾಗಿದೆ.

2021-22ನೇ ಸಾಲಿನ ಪ್ರಮುಖ ಬೆಳೆಗಳ ಉತ್ಪಾದನೆಯ ಎರಡನೇ ಮುಂಗಡ ಅಂದಾಜುಗಳನ್ನು ಕೃಷಿ ಮತ್ತು ರೈತರ ಕಲ್ಯಾಣ ಸಚಿವಾಲಯ ಬಿಡುಗಡೆ ಮಾಡಿದ್ದು, 2021-22ರಲ್ಲಿ 316.06 ದಶಲಕ್ಷ ಟನ್ ಗಳಷ್ಟು ದಾಖಲೆಯ ಆಹಾರ ಧಾನ್ಯಗಳ ಉತ್ಪಾದನೆ ಆಗಬಹುದು ಎಂದು ಅಂದಾಜಿಸಲಾಗಿದೆ. 2021-22 ರ ಅವಧಿಯಲ್ಲಿ ಗೋಧಿ ಉತ್ಪಾದನೆಯು 111.32 ಮಿಲಿಯನ್ ಟನ್‌ಗಳ ಅತ್ಯಧಿಕ ಮಟ್ಟವನ್ನು ತಲುಪುವ ನಿರೀಕ್ಷೆಯಿದೆ ಎಂದು ಬಿಡುಗಡೆ ಮಾಡಿದ ವರದಿಯಲ್ಲಿ ತಿಳಿ ಸಲಾಗಿದೆ, ಇದು ಕಳೆದ ವರ್ಷದಲ್ಲಿ 109.59 ಮಿಲಿಯನ್ ಟನ್‌ಗಳಿಗಿಂತ 1.58 ಶೇಕಡಾ ಹೆಚ್ಚಾಗಿದೆ. ಅಕ್ಕಿಯ ಒಟ್ಟು ಉತ್ಪಾದನೆಯು (ಖಾರಿಫ್ ಮತ್ತು ರಬಿ ಎರಡೂ) ಸಾರ್ವಕಾಲಿಕ ದಾಖಲೆಯ 127.93 ಮಿಲಿಯನ್ ಟನ್‌ಗಳನ್ನು ತಲುಪುವ ನಿರೀಕ್ಷೆಯಿದೆ, ಇದು ಕಳೆದ ವರ್ಷದ ಅಕ್ಕಿ ಉತ್ಪಾದನೆಯಾದ 124.37 ಮಿಲಿಯನ್ ಟನ್‌ಗಳಿಗಿಂತ 2.86 ಶೇಕಡಾ ಹೆಚ್ಚಾಗಿದೆ ಎಂದು ತಿಳಿಸಿದೆ.

2021-22ರಲ್ಲಿ, 9 ಎಣ್ಣೆಕಾಳುಗಳ ಉತ್ಪಾದನೆ – ನೆಲಗಡಲೆ, ಕ್ಯಾಸ್ಟರ್‌ಸೀಡ್, ಎಳ್ಳು, ನೈಜರ್‌ಸೀಡ್, ಸೋಯಾಬೀನ್, ಸೂರ್ಯಕಾಂತಿ, ರೇಪ್‌ಸೀಡ್ ಮತ್ತು ಸಾಸಿವೆ, ಲಿನ್‌ಸೀಡ್ ಮತ್ತು ಕುಸುಬೆಯ ಉತ್ಪಾದನೆಯು 371.47 ಮಿಲಿಯನ್ ಟನ್‌ಗಳಷ್ಟಿದೆ ಎಂದು ಅಂದಾಜಿಸಲಾಗಿದೆ, ಕಳೆದ ವರ್ಷದಲ್ಲಿ ಇದು 359.46 ಮಿಲಿಯನ್‌ ಟನ್ಗಿಂತ‌ ಶೇ. 3.34 ಹೆಚ್ಚಾಗಿದೆ.

ಪ್ರಸಕ್ತ ವರ್ಷದಲ್ಲಿ ರಾಬಿ ಎಣ್ಣೆಬೀಜ ಉತ್ಪಾದನೆಯು 133.32 ಮಿಲಿಯನ್ ಟನ್‌ಗಳನ್ನು ತಲುಪುವ ನಿರೀಕ್ಷೆಯಿದೆ, ಇದು ಕಳೆದ ವರ್ಷದ 122.24 ಮಿಲಿಯನ್ ಟನ್‌ಗಳಿಗಿಂತ 9.06 ಶೇಕಡಾ ಹೆಚ್ಚಾಗಿದೆ.

ರಾಪ್ಸೀಡ್ ಮತ್ತು ಸಾಸಿವೆ ಉತ್ಪಾದನೆಯ ಹೆಚ್ಚಳ ಗಮನಾರ್ಹವಾಗಿದ್ದು ಖಾದ್ಯ ತೈಲ ಬೆಲೆಗಳು, ವಿಶೇಷವಾಗಿ ಸಾಸಿವೆ ತೈಲ ಬೆಲೆಗಳು ಇತ್ತೀಚಿನ ತಿಂಗಳುಗಳಲ್ಲಿ ದಾಖಲೆಯ ಏರಿಕೆ ಕಂಡಿದೆ. ಸಚಿವಾಲಯದ ವೆಬ್‌ಸೈಟ್‌ನಲ್ಲಿ ಲಭ್ಯವಿರುವ ಅಂಕಿಅಂಶಗಳ ಪ್ರಕಾರ, ಫೆಬ್ರವರಿ 16, 2022 ರಂದು ಅಖಿಲ ಭಾರತ ಸರಾಸರಿ ಚಿಲ್ಲರೆ ಬೆಲೆ ಶೇಂಗಾ ಎಣ್ಣೆ ಕೆಜಿಗೆ 179.42 ರೂ ಇದ್ದರೆ, ಸಾಸಿವೆ ಎಣ್ಣೆ ಕೆಜಿಗೆ ರೂ 190.11, ವನಸ್ಪತಿ ಕೆಜಿಗೆ ರೂ 141.10, ಸೋಯಾ ಎಣ್ಣೆ ಕೆಜಿಗೆ 147.39 ರೂ., ಸೂರ್ಯಕಾಂತಿ ಎಣ್ಣೆ ಕೆಜಿಗೆ 160.83 ಮತ್ತು ತಾಳೆ ಎಣ್ಣೆ ಕೆಜಿಗೆ 131.06 ರೂ ಆಗಿದೆ. ಒಂದು ವರ್ಷದ ಹಿಂದಿನ ಬೆಲೆಗಳಿಗೆ ಹೋಲಿಸಿದರೆ ಈ ಆರು ಖಾದ್ಯ ತೈಲಗಳ ಸರಾಸರಿ ಬೆಲೆಗಳು 10.34% ರಿಂದ 30.49% ಹೆಚ್ಚಿವೆ.

ಒಟ್ಟು ಬೇಳೆಕಾಳುಗಳ ಉತ್ಪಾದನೆ 2021-22ರಲ್ಲಿ 26.96 ಮಿಲಿಯನ್ ಟನ್ ಎಂದು ಅಂದಾಜಿಸಲಾಗಿದೆ, ಇದು ಕಳೆದ ಐದು ವರ್ಷಗಳ ಸರಾಸರಿ ಉತ್ಪಾದನೆಯಾದ 23.82 ಮಿಲಿಯನ್ ಟನ್ ಗೆ ಹೋಲಿಸಿದರೆ 3.14 ಮಿಲಿಯನ್ ಟನ್ ಗಳಷ್ಟು ಹೆಚ್ಚಳವಾಗಲಿದೆ.

ವಿಜ್ಞಾನಿಗಳ ದಕ್ಷ ಸಂಶೋಧನೆ ಮತ್ತು ಸರ್ಕಾರದ ರೈತ ಸ್ನೇಹಿ ನೀತಿಗಳ ಫಲವಾಗಿ ದೇಶದಲ್ಲಿ ಆಹಾರ ಧಾನ್ಯ ಉತ್ಪಾದನೆಯಲ್ಲಿ ಹೊಸ ದಾಖಲೆ ಸೃಷ್ಟಿಯಾಗಲಿದೆ ಎಂದು ಕೇಂದ್ರ ಕೃಷಿ ಮತ್ತು ರೈತರ ಕಲ್ಯಾಣ ಸಚಿವ ಶ್ರೀ ನರೇಂದ್ರ್ ಸಿಂಗ್ ತೋಮರ್ ತಿಳಿಸಿದ್ದಾರೆ.

“2021-22ರ ಸಾಲಿನಲ್ಲಿ ಒಟ್ಟು ಕಬ್ಬಿನ ಉತ್ಪಾದನೆಯು 414.04 ಮಿಲಿಯನ್ ಟನ್‌ಗಳು ಎಂದು ಅಂದಾಜಿಸಲಾಗಿದೆ, ಇದು ಸರಾಸರಿ ಕಬ್ಬು ಉತ್ಪಾದನೆಯಾದ 373.46 ಮಿಲಿಯನ್ ಟನ್‌ಗಳಿಗಿಂತ 40.59 ಮಿಲಿಯನ್ ಟನ್‌ಗಳಷ್ಟು ಹೆಚ್ಚಾಗಿದೆ” ಎಂದು ಹೇಳಿಕೆ ತಿಳಿಸಿದೆ.

“ಹತ್ತಿಯ ಉತ್ಪಾದನೆಯು 34.06 ಮಿಲಿಯನ್ ಬೇಲ್‌ಗಳು (ಪ್ರತಿ 170 ಕೆಜಿ) ಸರಾಸರಿ ಹತ್ತಿ ಉತ್ಪಾದನೆಯಾದ 32.95 ಮಿಲಿಯನ್ ಬೇಲ್‌ಗಳಿಗಿಂತ 1.12 ಮಿಲಿಯನ್ ಬೇಲ್‌ಗಳು ಹೆಚ್ಚಾಗಿದೆ” ಎಂದು ಹೇಳಿಕೆಯಲ್ಲಿ ಹೇಳಲಾಗಿದೆ.

2ನೇ ಮುಂಗಡ ಅಂದಾಜಿನ ಪ್ರಕಾರ, 2021-22ರಲ್ಲಿ ಪ್ರಮುಖ ಬೆಳೆಗಳ ಅಂದಾಜು ಉತ್ಪಾದನೆಯು ಈ ಕೆಳಕಂಡಂತಿದೆ

• ಆಹಾರ ಧಾನ್ಯಗಳು –316.06 ದಶಲಕ್ಷ ಟನ್ ಗಳು. (ದಾಖಲೆ)
• ಭತ್ತ –127.93 ದಶಲಕ್ಷ ಟನ್ ಗಳು. (ದಾಖಲೆ)
• ಗೋಧಿ –111.32 ದಶಲಕ್ಷ ಟನ್ ಗಳು. (ದಾಖಲೆ)
• ಪೌಷ್ಟಿಕ/ ಸಿರಿ ಧಾನ್ಯಗಳು –49.86 ದಶಲಕ್ಷ ಟನ್ ಗಳು.
• ಮಕ್ಕೆ ಜೋಳ –32.42 ದಶಲಕ್ಷ ಟನ್ ಗಳು. (ದಾಖಲೆ)
• ಬೇಳೆಕಾಳುಗಳು –26.96 ದಶಲಕ್ಷ ಟನ್ ಗಳು. (ದಾಖಲೆ)
• ತೊಗರಿ –4.00 ದಶಲಕ್ಷ ಟನ್ ಗಳು.
• ಕಡಲೆಬೇಳೆ – 13.12 ದಶಲಕ್ಷ ಟನ್ ಗಳು. (ದಾಖಲೆ)
• ಎಣ್ಣೆ ಕಾಳುಗಳು –37.15 ದಶಲಕ್ಷ ಟನ್ ಗಳು.
• ಕಡಲೆಕಾಯಿಬೀಜ – 9.86 ದಶಲಕ್ಷ ಟನ್ ಗಳು.
• ಸೋಯಾಬೀನ್ –13.12 ದಶಲಕ್ಷ ಟನ್ ಗಳು.
• ರೇಪ್ಸೀಡ್ ಮತ್ತು ಸಾಸಿವೆ–11.46 ದಶಲಕ್ಷ ಟನ್ ಗಳು. (ದಾಖಲೆ)
• ಕಬ್ಬು – 414.04 ದಶಲಕ್ಷ ಟನ್ ಗಳು. (ದಾಖಲೆ)
• ಹತ್ತಿ –34.06 ದಶಲಕ್ಷ ಬೇಲ್ಸ್ (ಪ್ರತಿಯೊಂದು 170 ಕೆ.ಜಿ).
• ಸೆಣಬು ಮತ್ತು ಮೇಸ್ತಾ –9.57 ದಶಲಕ್ಷ ಬೇಲ್ಸ್ (ಪ್ರತಿಯೊಂದು 180 ಕೆಜಿ).