ರಾಜ್ಯ ರೈತ ಸಂಘದ ಮುಖಂಡ ಹಾಗೂ ಬಿಕೆಯು ದಕ್ಷಿಣ ಭಾರತ ಪ್ರಾಂತ್ಯ ಅಧ್ಯಕ್ಷ ಕೆಟಿ ಗಂಗಾಧರ್ ಪ್ರಧಾನ ಮಂತ್ರಿ ನರೇಂದ್ರ ಮೋದಿ ರೈತವಿರೋಧಿ ಕಾನೂನುಗಳನ್ನ ವಾಪಸ್ ಪಡೆದುಕೊಂಡಿರೋದನ್ನ ಸ್ವಾಗತಿಸಿದ್ದಾರೆ.
ಮಾಧ್ಯಮಗಳೊಂದಿಗೆ ಇಂದು ಶಿವಮೊಗ್ಗದಲ್ಲಿ ಮಾತನಾಡಿ, ಪ್ರಧಾನಿ ಮೋದಿ ದೇಶವನ್ನುದ್ದೇಶಿಸಿ ಮಾತನಾಡಿ, ಈ ನೆಲದ ಮೇಲೆ ಜಾರಿ ಮಾಡಿದ್ದಂತಹ ಮೂರು ರೈತ ವಿರೋಧಿ ಕಾನೂನುಗಳನ್ನ ನಾನು ವಾಪಸ್ ಪಡೆದಿದ್ದೇನೆ ಎಂದು ಹೇಳಿದ್ದಾರೆ. ಈ ನಿರ್ಣಯವನ್ನ ಮುಂಬರುವ ಸಂಸತ್ ಕಲಾಪದಲ್ಲಿ ಮಂಡನೆ ಮಾಡುತ್ತೇನೆ, ಅಲ್ಲಿ ಏನು ತೀರ್ಮಾನ ಆಗುತ್ತೋ ಅದನ್ನ ನಾವು ಒಪ್ಪುತ್ತೇವೆ ಎಂದು ಹೇಳಿದ್ದಾರೆ. ಇದು ಮೊಟ್ಟ ಮೊದಲ ಬಾರಿಗೆ ಭಾರತ ಸಂವಿಧಾನಕ್ಕೆ, ಪ್ರಜಾಪ್ರಭುತ್ವಕ್ಕೆ ಸಿಕ್ಕ ಜಯ ಎಂದು ನಾನು ಭಾವಿಸುತ್ತೇನೆ.
ಹೊಲ ಊಳುವ ರೈತ, ಕಳೆ ಕೀಳೋ ಹೆಣ್ಣುಮಕ್ಕಳು ಯಾರೂ ಕೂಡ ಇಂತಹ ಅಸಂವಿಧಾನಿಕ ಕಾನೂನುಗಳನ್ನ ಒಪ್ಪಲು ಸಿದ್ಧರಿಲ್ಲ. ದೇಶದೆಲ್ಲೆಡೆ ಈ ಕಾನೂನುಗಳನ್ನ ವಿರೋಧಿಸಿ ಪ್ರತಿಭಟನೆಗಳನ್ನ ನಡೆಸಲಾಗಿತ್ತು. ಎಲ್ಲಾ ನಾಡಿನ ರೈತರು, ಪ್ರಗತಿಪರರ, ಚಿಂತಕರು ಈ ಕಾನೂನುಗಳನ್ನ ವಿರೋಧಿಸಿ ಪ್ರತಿಭಟಿಸಿದ್ದರು. ನಾವು ದೇಶದೆಲ್ಲಾ ರೈತರನ್ನ ಒಗ್ಗೂಡಿಸಿ, ಅರಿವು ಮೂಡಿಸಿದ್ದೆವು. ರೈತರ ಜೊತೆ ಕೆಲವು ಸಂಘ, ಸಂಸ್ಥೆಗಳು ಹಾಗೂ ರಾಜಕೀಯ ಪಕ್ಷಗಳೂ ಸಹ ಬೆಂಬಲ ನೀಡಿದ್ದವು. ಪ್ರಧಾನಿ ಮೋದಿ ತಮ್ಮ ತಪ್ಪನ್ನ ಅರ್ಥ ಮಾಡಿಕೊಂಡಿದ್ದಾರೆ. ಸರಿ ಸುಮಾರು ಮುನ್ನೂರು ಜನ ಈ ಚಳವಳಿಯಲ್ಲಿ ಇಲ್ಲೀತನಕ ಪ್ರಾಣ ತ್ಯಾಗ ಮಾಡಿದ್ದಾರೆ. ಈ ಜಯ ಹುತಾತ್ಮ ರೈತರಿಗೆ ಸಮರ್ಪಣೆ ಮಾಡುತ್ತೇವೆ. ಇಂದು ಸಂಜೆಯೊಳಗೆ ಸಭೆ ಸೇರಿ ನಿರ್ಣಯ ಕೈಗೊಳ್ಳುತ್ತೇವೆ ಎಂದು ಬಸವರಾಜಪ್ಪ ಹೇಳಿದರು.
ಬಹಳ ಮುಖ್ಯವಾಗಿ ಕೃಷಿ ಕಾಯ್ದೆಗಳನ್ನ ಅಸಂವಿಧಾನಿಕವಾಗಿ ಸರ್ಕಾರ ಸುಗ್ರಿವಾಜ್ಞೆ ಮೂಲಕ ಜಾರಿಗೆ ತಂದಿದೆ. ಈ ಕಾನೂನುಗಳನ್ನ ಚರ್ಚೆ ಮಾಡಿ ಅಂಗೀಕರಿಸಿದ್ದರೆ ಪ್ರಜಾಪ್ರಭುತ್ವಕ್ಕೆ ಹಾಗೂ ಸಂವಿಧಾನಕ್ಕೊಂದು ಬೆಲೆ ಇರುತ್ತಿತ್ತು. ಪ್ರಧಾನಿ ಮೋದಿ ನೇತೃತ್ವದ ಬಿಜೆಪಿ ಸರ್ಕಾರ ತರಾತುರಿಯಲ್ಲಿ ಅಂಗೀಕರಿಸಿತ್ತು. ಈ ಮೂರು ಕಾಯ್ದೆಗಳನ್ನಷ್ಟೇ ವಾಪಸ್ ಪಡೆದರೆ ಸರಿ ಹೋಗದು. ಇವುಗಳ ಜೊತೆ ಬೆಂಬಲ ಬೆಲೆಯನ್ನ ಕಾನೂನಾಗಿ ಮಾರ್ಪಾಡು ಮಾಡಬೇಕು ಹಾಗೂ ವಿದ್ಯುತ್ಚ್ಛಕ್ತಿ ಬಿಲ್ನ್ನ ಕೂಡ ಕೈ ಬಿಡಬೇಕು. ಇವೆರಡರ ಅಗತ್ಯತೆ ತುರ್ತಾಗಿದೆ. ಇವೆರಡರ ಬಗ್ಗೆಯೂ ಸಹ ಪ್ರಧಾನಿ ಮೋದಿ ಸ್ಪಷ್ಟೀಕರಿಸಬೇಕು ಎಂದು ಕೆಟಿ ಗಂಗಾಧರ್ ಆಗ್ರಹಿಸಿದರು.
ಕೆಟಿ ಗಂಗಾಧರ್ ದಕ್ಷಿಣ ಭಾರತದಲ್ಲಿ ಮೊದಲ ಬಾರಿ ಭಾರತೀಯ ಕಿಸಾನ್ ಯೂನಿಯನ್ನ ಬೃಹತ್ ಸಭೆಯನ್ನ ಶಿವಮೊಗ್ಗದಲ್ಲಿ ನಡೆಸಿದ್ದರು. ಈ ಸಭೆಗೆ ಬಿಕೆಯು ಮುಖಂಡ ರಾಕೇಶ್ ಟಿಕಾಯತ್ ಕೂಡ ಆಗಮಿಸಿದ್ದರು. ಸಭೆ ಅಭೂತಪೂರ್ವ ಯಶಸ್ಸು ಕಂಡಿತ್ತು. ದೆಹಲಿಗೂ ಕೂಡ ಶಿವಮೊಗ್ಗದಿಂದ ಅನೇಖ ರೈತ ಮುಖಂಡರು ಭೇಟಿ ನೀಡಿದ್ದರು. ಬಿಕೆಯು ಹೋರಾಟವನ್ನ ದಕ್ಷಿಣ ಭಾರತದಲ್ಲಿ ಪರಿಣಾಮಕಾರಿಯಾಗಿ ಜಾರಿಗೊಳಿಸಲು ಗಂಗಾಧರಪ್ಪ ಶ್ರಮಿಸಿದ್ದರು.
