ಶಿವಮೊಗ್ಗ: ಮಾ.16: ಅಜಾನ್ ಕೂಗ್ತಾರೆ, ಅಲ್ಲಾ ಕಿವುಡಾಗಿದ್ದಾನ..? ಇದು ನಿಲ್ಲುತ್ತೆ ಎಂದು ಹೇಳಿಕೆ ನೀಡಿ ಮುಸ್ಲಿಂ ಸಮುದಾಯದ ಕೆಂಗಣ್ಣಿಗೆ ಗುರಿಯಾಗಿದ್ದ ಮಾಜಿ ಸಚಿವ ಹಾಗೂ ಶಿವಮೊಗ್ಗ ಶಾಸಕ ಕೆಎಸ್ ಈಶ್ವರಪ್ಪ ತಮ್ಮ ಹೇಳಿಕೆ ಪುನಃ ಸಮರ್ಥಿಸಿಕೊಂಡಿದ್ದಾರೆ. ಶಿವಮೊಗ್ಗದಲ್ಲಿಂದು ಮಾತನಾಡಿ, ಈ ತರಹ ನನ್ನ ವಿರುದ್ಧ ಪ್ರತಿಭಟನೆ ಮಾಡುವವರ ಬಗ್ಗೆ ನಾನು ತಲೆಕೆಡಿಸಿಕೊಳ್ಳಲ್ಲ ಎಂದರು.
ಇದನ್ನ ಯಾವುದನ್ನು ಲೆಕ್ಕಕ್ಕೆ ಇಟ್ಟುಕೊಳ್ಳುವುದಿಲ್ಲ. ಜನಸಾಮಾನ್ಯರ ಮನಸ್ಸಿನಲ್ಲಿ ಏನಿದೆ..? ಅದನ್ನು ನಾನು ಬಾಯಿ ಬಿಟ್ಟು ಹೇಳುತ್ತೇನೆ. ಅನೇಕರಿಗೆ ಹೇಳುವುದಕ್ಕೆ ಆಗುವುದಿಲ್ಲ. ನಾನು ಹೇಳುತ್ತೇನೆ. ಆಜಾನ್ ಕೂಗೋದ್ರಿಂದ ವಿದ್ಯಾರ್ಥಿಗಳಿಗೆ ಎಷ್ಟು ತೊಂದರೆ ಆಗುತ್ತದೆ ಎಂದು ಪೋಷಕರಿಗೆ ಗೊತ್ತಿದೆ. ವಿದ್ಯಾರ್ಥಿಗಳಿಗೂ ಗೊತ್ತಿದೆ. ಆಸ್ಪತ್ರೆಯಲ್ಲಿರುವ ರೋಗಿಗಳಿಗೆ ಈ ಆಜಾನ್ ತೊಂದರೆ ಏನು ಅಂತ ಗೊತ್ತು. ಯಾರೋ ಪ್ರತಿಭಟನೆ ಮಾಡ್ತಾರೆ ನನ ವಿರುದ್ಧ ಅಂತ ನಾನು ಬಹಿರಂಗವಾಗಿ ಹೇಳದೆ ಇರೋದಕ್ಕೆ ಆಗೋದಿಲ್ಲ. ಈ ಸಂಬಂಧ ಸುಪ್ರೀಂ ಕೋರ್ಟ್ ಜಡ್ಜ್ಮೆಂಟ್ ಕೂಡ ಕೊಟ್ಟಿದೆ. ಬೇರೆಯವರಿಗೆ ತೊಂದರೆ ಆಗದಂತೆ ಇವರು ಆಜಾನ್ ಕೂಗಬೇಕು ಎಂದು ಸೂಚಿಸಿದೆ. ರಾತ್ರಿ 10 ರಿಂದ ಬೆಳಗ್ಗೆ 6 ಗಂಟೆ ತನಕ ಆಜಾದ್ ಸಂಪೂರ್ಣ ನಿಷೇಧ ಇದೆ. ಇದಾಗ್ಯೂ ನಾನು ನೀಡಿರುವ ಹೇಳಿಕೆ ವಿರುದ್ಧ ಪ್ರತಿಭಟನೆ ಮಾಡುತ್ತಾರೆ ಎಂದರೆ ಏನು ಮಾಡಲು ಆಗುವುದಿಲ್ಲ. ಜನಸಾಮಾನ್ಯರ ಭಾವನೆಗಳನ್ನು ನಾನು ಹೇಳುವವನೇ. ಎಷ್ಟು ಪ್ರತಿಭಟನೆ ಮಾಡಿದರು ನಾನು ಎದುರಿಸಲು ಸಿದ್ಧ ಎಂದರು.
ಮೂಡಿಗೆರೆ ಕುಮಾರಸ್ವಾಮಿ ವಿರುದ್ಧ ಬಿಜೆಪಿ ಮುಖಂಡರ ಪ್ರತಿಭಟನೆ ಸಂಬಂಧ ಮಾತನಾಡಿ, ಪ್ರಜಾಪ್ರಭುತ್ವದಲ್ಲಿ ಚುನಾಯಿತ ಪ್ರತಿನಿಧಿಗಳ ವಿರುದ್ಧ ಪ್ರತಿಭಟನೆಗೆ ಅವಕಾಶವಿದೆ. ಇಲ್ಲ ಅಂತ ನಾನು ಹೇಳೋದಿಲ್ಲ. ಅವಕಾಶ ಇಲ್ಲ ಅಂದರೆ ಅದನ್ನು ಪ್ರಜಾಪ್ರಭುತ್ವ ಎಂದು ಹೇಳಲಾಗದು. ಪ್ರತಿಭಟನೆ ಮಾಡಿರೋದು ಸರಿಯೋ ತಪ್ಪು ಎಂದು ಪ್ರತಿಭಟನೆ ಮಾಡಿದವರು ಯೋಜನೆ ಮಾಡಬೇಕು. ಸರಿ ಎನ್ನುವ ಹಾಗಿದ್ದರೆ ನಾವು ಎದುರಿಸಬೇಕು. ಸರಿಯಲ್ಲ ಎಂದರೆ ತಿದ್ದಿಕೊಳ್ಳಬೇಕು. ಇದೇ ವ್ಯವಸ್ಥೆ.! ಜನ ಪ್ರತಿನಿಧಿಗಳು ಮಾಡಿರುವ ಕೆಲಸ ಅಸಮಾಧಾನವಿದ್ದರೆ, ಸಹಜವಾಗಿ ಈ ತರಹ ಆಗುತ್ತದೆ. ಆಗ ನಾವು ಬೇಸರ ಮಾಡದೇ ಜನಗಳ ಬಳಿ ಹೋಗಿ ಕೂತುಕೊಳ್ಳಬೇಕು. ಅದನ್ನು ಸರಿ ಮಾಡುವ ಕೆಲಸವನ್ನು ಮಾಡಬೇಕು. ಇಲ್ಲವಾದರೆ ಯಾರೋ ಏನೋ ಹೇಳಿಕೊಂಡು ಹೋಗುತ್ತಾರೆ ಅದು ಹಾಗೆ ನಡೆದುಕೊಂಡು ಹೋಗುತ್ತದೆ. ಇನ್ನು ಕೆಲವರು ಬೇಕು ಎಂದೇ ಪ್ರತಿಭಟನೆ ಮಾಡುತ್ತಾರೆ. ಅದನ್ನು ಕೂಡ ನಾವು ಒಪ್ಪೋದಿಲ್ಲ. ಅವರು ಹೇಳಿದ ಹಾಗೆ ನಾವು ಕೇಳಲು ಆಗುವುದಿಲ್ಲ. ಎಂದರು.
ಸಚಿವ ವಿ ಸೋಮಣ್ಣ ವಿಚಾರದಲ್ಲಿ ಪ್ರತಿಕ್ರಿಯೆ ನೀಡಲು ಈಶ್ವರಪ್ಪ ಹಿಂದೆ ಮುಂದೆ ನೋಡಿದರು. ದೆಹಲಿಗೆ ಹೋಗಿ ಬಂದ ಮೇಲೆ ಮತ್ತೆ ಯಾಕೆ ನೀವು ಅದನ್ನು ಹಿಡ್ಕೊಳ್ತೀರ..? ಸಮಾಧಾಮ ಆಗಿದೆ ಎಂದು ಸೋಮಣ್ಣನೇ ಹೇಳಿದ್ದಾರೆ. ಭಾರತೀಯ ಜನತಾ ಪಾರ್ಟಿಯಲ್ಲಿ ಒಂದು ವ್ಯವಸ್ಥೆ ಇದೆ. ಯಾರಿಗೆ ಅಸಮಾಧಾನ ಇರುತ್ತೋ ಅವರನ್ನ ದೆಹಲಿಗೆ ಕರೆದು ಮಾತನಾಡಿ ಕಳಿಸುವ ರೂಢಿ ಇದೆ. ಸೋಮಣ್ಣ ಅವರಿಗೆ ಈಗ ಸಮಾಧಾನ ಆಗಿದೆ. ಮತ್ತೆ ಯಾಕೆ ಹೇಳುತ್ತೀರಿ ಎಂದು ಈಶ್ವರಪ್ಪ ಹರಿಹಾಯ್ದರು. ಅವರಿಗೆ ಇವರಿಗೆ ಬೇಸರ ಆಗ್ತಾ ಇರುತ್ತೆ, ಅದು ಸಹಜ. ಕೇಂದ್ರ ನಾಯಕರು ಮಾತನಾಡಿದ್ದಾರೆ ಹಾಗಾಗಿ ಗೊಂದಲಗಳಿಲ್ಲ ಎಂದು ಈಶ್ವರಪ್ಪ ಹೇಳಿದರು.
