ಆಧುನಿಕ ಜಗತ್ತಿನ ಅತ್ಯಾಧುನಿಕ ಆವಿಷ್ಕಾರಗಳಲ್ಲಿ ಡ್ರೋನ್ ತಂತ್ರಜ್ಞಾನ ಬಹುಮುಖ್ಯವಾದದ್ದು, ಕಳೆದ ಒಂದು ದಶಕಗಳಿಂದ ಡ್ರೋನ್ ತಂತ್ರಜ್ಞಾನದ ಕುರಿತು ವಿವಿಧ ರೀತಿಯ ಅಧ್ಯಯನಗಳು ಸಂಶೋಧನೆಗಳು ನಡೆಯುತ್ತಲೇ ಇವೆ. ಅದರಲ್ಲಿ ಬಹುದೊಡ್ಡ ಯಶಸ್ಸನ್ನ ಜಾಗತಿಕ ವಿಜ್ಞಾನ ಸಮೂಹ ಗಳಿಸಿಕೊಂಡಿದೆ, ಈ ಯಶಸ್ಸು ಕೇವಲ ಯಾವುದೋ ಒಂದು ದೇಶಕ್ಕೆ ಸೀಮಿತವಾಗದೆ ಇಡೀ ಜಗತ್ತಿನಾದ್ಯಂತ ಪಸರಿಸಿಕೊಂಡು ಬಂದಿದೆ.
ಮೊದಮೊದಲು ಕೇವಲ ರಕ್ಷಣಾ ವ್ಯವಸ್ಥೆಗೆ ಮಾತ್ರ ಡ್ರೋನ್ ಬಳಕೆಯಾಗುತ್ತಿತ್ತು ಆದರೆ ದಿನಗಳಂತೆ ವಿವಿಧ ವಲಯಗಳಲ್ಲೂ ಕೂಡ ಡ್ರೋನ್ ವ್ಯವಸ್ಥೆಯನ್ನು ಅಭಿವೃದ್ಧಿಪಡಿಸಲಾಗಿದೆ, ಅದರಲ್ಲೂ ಕಳೆದ ಐದು ವರ್ಷಗಳಲ್ಲಿ ಸಾರ್ವಜನಿಕ ಸೇವೆಗೆ ಯಾವ ರೀತಿಯಲ್ಲಿ ಡ್ರೋನ್ಗಳನ್ನ ಬಳಕೆ ಮಾಡಬಹುದು ಎಂಬ ವಿಚಾರದ ಕುರಿತು ಕೂಡ ಸಾಕಷ್ಟು ಪ್ರಯೋಗಗಳು ನಡೆದಿವೆ ಈ ಪ್ರಯೋಗಗಳಲ್ಲಿ ಬಹು ಪಾಲು ಯಶಸ್ಸು ಕೂಡ ಸಿಕ್ಕಿದೆ ಇದೀಗ ಇಂತಹದ್ದೇ ಪ್ರಯೋಗವನ್ನ ಇಸ್ರೇಲ್ ನಡೆಸಿ ಬಹುದೊಡ್ಡ ಯಶಸ್ಸನ್ನ ಸಾಧಿಸಿದೆ
ಹೌದು..ಇಸ್ರೇಲಿ ಮ್ಯಾಂಡ್ರಾನ್ನ ಹಾರುವ ಟ್ಯಾಕ್ಸಿ ಡ್ರೋನ್ ಪರೀಕ್ಷೆಯನ್ನ ಯಶಸ್ವಿಯಾಗಿ ನಡೆಸಿದೆ. ಮಂಗಳವಾರ, ಡ್ರೋನ್ ಇಬ್ಬರು ಪ್ರಯಾಣಿಕರನ್ನು ಹೊತ್ತು ಸುಮಾರು 30 ಕಿಲೋಮೀಟರ್ ವರೆಗೆ ಡ್ರೋನ್ ಹಾರಾಟ ನಡೆಸಿದೆ. ಇದರೊಂದಿಗೆ ಫ್ಲೈಯಿಂಗ್ ಡ್ರೋನ್ ಟ್ಯಾಕ್ಸಿಯಲ್ಲಿ 220 ಕೆಜಿ ಹೆಚ್ಚುವರಿ ತೂಕವೂ ಇತ್ತು ಎನ್ನಲಾಗುತ್ತಿದೆ.
![](https://pratidhvani.com/wp-content/uploads/2023/06/3_1686063892.png)
ಜಗತ್ತಿಗೆ ಈಗ ಅತಿ ದೊಡ್ಡ ತಲೆನೋವಾಗಿ ಕಾಡುತ್ತಿರುವ ಸಮಸ್ಯೆ ಅಂದ್ರೆ ಅದು ಟ್ರಾಫಿಕ್. ಈಗ ಈ ಟ್ರಾಫಿಕ್ ದಟ್ಟಣೆಯನ್ನು ಕಡಿಮೆ ಮಾಡುವ ಗುರಿಯನ್ನು ಹೊಂದಿರುವ ಇಸ್ರೇಲ್, ಮನುಷ್ಯರು ಮತ್ತು ಸರಕುಗಳನ್ನು ಸಾಗಿಸಲು ವಿನ್ಯಾಸಗೊಳಿಸಲಾದ ಸ್ವಾಯತ್ತ ಡ್ರೋನ್ ಅನ್ನು ಯಶಸ್ವಿಯಾಗಿ ಪರೀಕ್ಷಿಸಿದೆ. ಇಂತಹ ಡ್ರೋನ್ಗಳ ಸರಣಿಯ ಮೊದಲ ಹಾರಾಟ ಇದಾಗಿದೆ ಅನ್ನು ವರದಿಯನ್ನು ಇಸ್ರೇಲಿ ಮಾಧ್ಯಮಗಳು ಹೊರಹಾಕಿವೆ.
ಇನ್ನು ಈಗಾಗಲೇ ಇಸ್ತ್ರಿಲ್ ಸರ್ಕಾರ ಡ್ರೋನ್ ಗಳನ್ನು ಎಲ್ಲಾ ಕ್ಷೇತ್ರಗಳಲ್ಲೂ ಬಳಸಲು ಸಾಧ್ಯವಿದೆಯೇ ಎಂಬ ಸಂಶೋಧನೆಯ ಕೂಡ ನಡೆಸುತ್ತಿದೆ ಇದಕ್ಕಾಗಿ ಇಸ್ರೇಲ್ ಸರ್ಕಾರವು ಇಸ್ರೇಲ್ ನ್ಯಾಷನಲ್ ಡ್ರೋನ್ ಇನಿಶಿಯೇಟಿವ್ (INDI) ಅನ್ನು ಪ್ರಾರಂಭಿಸಿದೆ. ಇದು ಮಹತ್ವಾಕಾಂಕ್ಷೆಯ ಪ್ರಾಯೋಗಿಕ ಯೋಜನೆಯಾಗಿದ್ದು, ಸಮಗ್ರ ರಾಷ್ಟ್ರೀಯ ಡ್ರೋನ್ ನೆಟ್ವರ್ಕ್ ಅನ್ನು ಸ್ಥಾಪಿಸುವ ಮತ್ತು ದೇಶದ ವಿತರಣಾ ವ್ಯವಸ್ಥೆಯನ್ನು ಕ್ರಾಂತಿಕಾರಕ ರೀತಿಯಲ್ಲಿ ಪರಿವರ್ತನೆ ಮಾಡುವ ಗುರಿಯನ್ನು ಇಸ್ರೇಲ್ ಹೊಂದಿದೆ.
ಈಗ ಇಸ್ರೇಲ್ ಡ್ರೋನ್ ಟ್ಯಾಕ್ಸಿಯಲ್ಲಿ ಕಂಡಿರುವ ಯಶಸ್ಸನ್ನ ಜಗತ್ತಿನ ವಿವಿಧ ದೇಶಗಳು ಕೂಡ ಗಮನಿಸಿವೆ ಹೀಗಾಗಿ ಡ್ರೋನ್ ಟ್ಯಾಕ್ಸಿ ಜಗತ್ತಿನಾದ್ಯಂತ ಹೊಸ ಕ್ರಾಂತಿಯನ್ನ ಸೃಷ್ಟಿ ಮಾಡುವ ಸಾಧ್ಯತೆ ಇದೆ. ಆದರೆ ಇದು ಜಗತ್ತಿನ ಸಾರಿಗೆ ವ್ಯವಸ್ಥೆಯಲ್ಲಿ ಯಾವ ರೀತಿಯಾದ ಕ್ರಾಂತಿಯನ್ನು ಮಾಡಲಿದೆ ಅನ್ನೋದನ್ನ ಕಾದು ನೋಡಬೇಕಾಗಿದೆ