ಬೆಂಗಳೂರು: ಶಾಸಕರ ಉಪಸ್ಥಿತಿಯಲ್ಲೇ ಜನರಿಗೆ ಸಾರಾಯಿ ಹಂಚಿಕೆ ಮಾಡಿರುವ ಪ್ರಸಂಗ ನಡೆದಿದೆ. ಬೆಂಗಳೂರಿನ ಆರ್.ಆರ್. ನಗರ ಶಾಸಕ ಮುನಿರತ್ನ ಕ್ಷೇತ್ರದಲ್ಲಿ ಬಹಿರಂಗವಾಗಿ ಸಾರಾಯಿ ಹಂಚಿಕೆ ಮಾಡಲಾಗಿದ್ದು, ಮಕರ ಸಂಕ್ರಾಂತಿ ಹಬ್ಬಕ್ಕೆ ಮುನಿರತ್ನ ಬೆಂಬಲಿಗರು ಸಾರಾಯಿ ಹಂಚಿಕೆ ಮಾಡಿದ್ದಾರೆ ಎನ್ನಲಾಗಿದೆ.
![](https://pratidhvani.com/wp-content/uploads/2024/01/Muni-1024x591.png)
ಸಂಕ್ರಾಂತಿ ಹಬ್ಬದ ಪ್ರಯುಕ್ತ ಲಕ್ಷ್ಮೀ ದೇವಿ ನಗರ ವಾರ್ಡ್ ನಲ್ಲಿ ಬಿಜೆಪಿ ಮುಖಂಡರು ಸಾರಾಯಿ ಹಂಚಿದ್ದು, ಮಾಜಿ ಸಚಿವ ಮುನಿರತ್ನ ಅವರ ಸಹಚರ ವಸಂತ್ ಎಂಬಾತನಿಂದ ಸಾರಾಯಿ ಹಂಚಿಕೆ ಮಾಡಿದ್ದಾರೆ ಎನ್ನಲಾಗಿದ್ದು, ಈ ಹಿಂದೆ ಸೀರೆ-ಕುಕ್ಕರ್ಗೆ ಫೇಮಸ್ ಆಗಿದ್ದ ಆರ್.ಆರ್ ನಗರದಲ್ಲಿ ಇದೀಗ ಸಾರಾಯಿ ಸುರಿಮಳೆ ನಡೆದಿದ್ದು, ಸಾರಾಯಿ ಹಂಚುವ ವೇಳೆ ಶಾಸಕ ಮುನಿರತ್ನ ಕೂಡ ಸ್ಥಳದಲ್ಲೇ ಇದ್ದರು ಎನ್ನಲಾಗಿದೆ.