ರೇಣುಕಾಸ್ವಾಮಿ ಹತ್ಯೆ ಕೇಸ್‌ನಲ್ಲಿ (renuka swamy murder case) ಜೈಲುಪಾಲಾಗಿರೋ ನಟ ದರ್ಶನ್ (Actor darshan) ಸದ್ಯಕ್ಕೆ ಜೈಲಿನಿಂದ ಬಿಡುಗಡೆಯಾಗುವ ಸಾಧ್ಯತೆಯಂತೂ ಕಂಡು ಬರ್ತಿಲ್ಲ. ತಮ್ಮ ಪತಿಯನ್ನ ಈ ಸಂಕಷ್ಟದಿಂದ ಪಾರು ಮಾಡಲು ಪತ್ನಿ ವಿಜಯಲಕ್ಷ್ಮೀ (Vijaya lakshmi) ಉಡುಪಿಯ ಕೊಲ್ಲೂರು ಮೂಕಾಂಬಿಕಾ (Kolluru mookambike) ತಾಯಿ ಮೊರೆ ಹೋಗಿದ್ದಾರೆ.
ಶಕ್ತಿ ದೇವತೆ ಮುಕಾಂಬಿಕೆಯ ಸನ್ನಿಧಿಯಲ್ಲಿ ವಿಜಯಲಕ್ಷ್ಮೀ ವಿಶೇಷ ಸಂಕಲ್ಪ ಮಾಡಿ, ನವ ಚಂಡಿಕಾಯಾಗ ನೆರವೇರಿಸಿ ವಿಶೇಷ ಪೂಜೆ ಸಲ್ಲಿಸಿದ್ದಾರೆ. ಕೊಲ್ಲೂರು ನರಸಿಂಹ ಅಡಿಗ ನೇತೃತ್ವದಲ್ಲಿ ನವ ಚಂಡಿಕಾಯಾಗ ನಡೆದಿದ್ದು, ಪತಿ ದರ್ಶನ್ ಬೇಗ ಜೈಲಿನಿಂದ ಬಿಡುಗಡೆಯಾಗಲಿ ಅಂತಾ ಪ್ರಾರ್ಥನೆ ಸಲ್ಲಿಸಿದ್ದಾರೆ.
ದಕ್ಷಿಣ ಭಾರತ (South India) ಪ್ರಮುಖ ಶಕ್ತಿ ಪೀಠಗಳಲ್ಲಿ ಒಂದಾಗಿರುವ ಕೊಲ್ಲೂರು ಮೂಕಾಂಬಿಕೆಯ ಸನ್ನಿಧಾನದಲ್ಲಿ ನಡೆಸಲಾಗುವ ಈ ನವ ಚಂಡಿಕಾ ಯಾಗ ಬಹಳ ಮಹತ್ವ ಪಡೆದಿದ್ದು, ನಕಾರಾತ್ಮಕ ಶಕ್ತಿಗಳನ್ನು ತೊಡೆದು ಹಾಜಿ ಸಕಾರಾತ್ಮಕ ಶಕ್ತಿ ಪ್ರಾಪ್ತವಾಗುತ್ತದೆ ಎಂಬ ನಂಬಿಕೆಯಿದೆ.ಈ ಹಿಂದೆ ಡಿಕೆ ಶಿವಕುಮಾರ್ (Dk Shivakumar) ಕೂಡ ಇದೇ ಯಾಗ ಮಾಡಿಸಿದ್ದರು.
