ನಟ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಸದ್ಯ ಪೊಲೀಸ್ ಕಸ್ಟಡಿಯಲ್ಲಿದ್ದಾರೆ. ಪವಿತ್ರಾ ಗೌಡ ಜೊತೆ ತನಿಖೆ ಎದುರಿಸುತ್ತಿದ್ದಾರೆ. ಇತ್ತ ಮೈಸೂರಲ್ಲಿ ಆಡಿ ಬೆಳೆದ ನಟ ದರ್ಶನ್ ಮನೆಯಲ್ಲಿ ಮೌನ ಆವರಿಸಿದೆ.
ತಾಯಿ ಮೀನಾ ತೂಗುದೀಪ ಮೈಸೂರಿನ ‘ಮುಪಾ’ ಕೃಪ ಮನೆಯಲ್ಲೇ ಇದ್ದಾರೆ. ಮಾಧ್ಯಮಗಳ ಜೊತೆ ಮಾತಾಡಲು ನಿರಾಕರಿಸಿದ್ದಾರೆ. ಮೈಸೂರಿನ ಸಿದ್ದಾರ್ಥ ನಗರ ತೂಗುದೀಪ ಶ್ರೀನಿವಾಸ್ ಅವರ ಮನೆಯಿದೆ.
30 ವರ್ಷಗಳ ಹಿಂದೆ ಡಾ. ರಾಜ್ ಕುಮಾರ್ ಹಾಗೂ ಪಾರ್ವತಮ್ಮ ರಾಜ್ ಕುಮಾರ್ ಸಹಾಯ ಮಾಡಿದ ಪರಿಣಾಮ ನಟ ತೂಗುದೀಪ ಶ್ರೀನಿವಾಸ್ ಮನೆ ನಿರ್ಮಿಸಿದ್ರು.
ಇದಕ್ಕೆ ಕೃತಜ್ಞತೆ ಸಲ್ಲಿಸುವ ಸಲುವಾಗಿ ಮನೆಗೆ ಮುಪ ನಿಲಯ ಅಂತ ಹೆಸರಿಟ್ಟಿದ್ರು. ಸದ್ಯ ದರ್ಶನ್ ರಿಂದ ಅಂತರ ಕಾಯ್ದುಕೊಂಡಿರುವ ತಾಯಿ ಮೀನಾ ತೂಗುದೀಪ ಇದೇ ಮನೆಯಲ್ಲೇ ವಾಸವಾಗಿದ್ದಾರೆ.