ಸುದೀಪ್​ ಬಳಿಕ ರಿಷಬ್​ ಶೆಟ್ಟಿಗೆ ಸಿಎಂ ಗಾಳ ..? : ಕೊಲ್ಲೂರಿನಲ್ಲಿ ಒಟ್ಟಾಗಿ ಕಾಣಿಸಿಕೊಂಡ ರಿಷಭ್​ – ಬೊಮ್ಮಾಯಿ

ಉಡುಪಿ : ಸಿಎಂ ಬಸವರಾಜ ಬೊಮ್ಮಾಯಿ ಚುನಾವಣೆ ಟೈಮ್​​ನಲ್ಲಿ ಸಿನಿಮಾ ರಂಗದ ಜೊತೆಯಲ್ಲಿ ಸಖತ್​ ಕ್ಲೋಸ್​ ಆಗಿರುವಂತೆ ಕಾಣ್ತಿದೆ. ಕಳೆದ ವಾರ ಸುದೀಪ್​ರನ್ನು ತಮ್ಮ ಸ್ಟಾರ್​ ಪ್ರಚಾರಕರನ್ನಾಗಿ ಮಾಡಿಕೊಂಡ ಬೆನ್ನಲ್ಲೇ ಇದೀಗ ಸಿಎಂ ಬೊಮ್ಮಾಯಿ ಡಿವೈನ್​ ಸ್ಟಾರ್​ ರಿಷಭ್​ ಶೆಟ್ಟಿಗೆ ಗಾಳ ಹಾಕಿದ್ರಾ ಎಂಬ ಅನುಮಾನ ಮೂಡಿದೆ.

ADVERTISEMENT

ಇಂದು ಕೊಲ್ಲೂರು ಶ್ರೀ ಮೂಕಾಂಬಿಕಾ ದೇಗುಲಕ್ಕೆ ಸಿಎಂ ಬೊಮ್ಮಾಯಿ ಭೇಟಿ ನೀಡಿದ್ದು ಈ ವೇಳೆ ಕಾಂತಾರ ನಟ ರಿಷಭ್​ ಶೆಟ್ಟಿಯನ್ನು ಭೇಟಿಯಾಗಿದ್ದಾರೆ. ಸಿಎಂ ಬೊಮ್ಮಾಯಿಯನ್ನು ಕಂಡೊಡನೆಯೇ ರಿಷಭ್​ ಶೆಟ್ಟಿ ಅವರ ಪಾದಕ್ಕೆರಗಿ ನಮಸ್ಕಾರ ಮಾಡುವ ಮೂಲಕ ಆಶೀರ್ವಾದ ಪಡೆದರು .

ಕಳೆದ ವಾರವಷ್ಟೇ ನಟ ಸುದೀಪ್​ ಬೊಮ್ಮಾಯಿ ಪರ ಈ ಬಾರಿಯ ಚುನಾವಣೆಯಲ್ಲಿ ಸ್ಪರ್ಧೆ ಮಾಡುತ್ತೇನೆ ಎಂದು ಹೇಳಿದ್ದರು. ಇದೀಗ ನಟ ರಿಷಭ್​ ಶೆಟ್ಟಿ ಕೂಡ ಸಿಎಂ ಜೊತೆ ಕಾಣಿಸಿಕೊಂಡಿದ್ದು ಸಾಕಷ್ಟು ಅನುಮಾನಗಳಿಗೆ ದಾರಿ ಮಾಡಿದೆ .