ಕರ್ನಾಟಕ ವಿಧಾನಸಭಾ ಉಪಚುನಾವಣೆ ಫಲಿತಾಂಶಕ್ಕೆ ಮೂರು ದಿನ ಬಾಕಿ ಇರುವಾಗ ಚುನಾವಣೋತ್ತರ ಸಮೀಕ್ಷೆ ಹೊರಬಿದ್ದಿದ್ದು, ಯಾರೂ ನಾನು ಮೇಲು ನೀನು ಕೀಳು ಎನ್ನುವಂತಹ ಫಲಿತಾಂಶ ಬರಲ್ಲ ಅನ್ನೋದು ಕನ್ಫರ್ಮ್‌ ಆಗಿದೆ.
ಕಾಂಗ್ರೆಸ್ 01 ಸ್ಥಾನ, ಬಿಜೆಪಿ 01 ಸ್ಥಾನ ಹಾಗು ಜೆಡಿಎಸ್‌ 01 ಸ್ಥಾನದಲ್ಲಿ ಗೆಲುವು ಸಾಧಿಸಲಿದೆ ಎಂದು ಚುನಾವಣೋತ್ತರ ಸಮೀಕ್ಷೆಗಳು ಮಾಹಿತಿ ಹೊರ ಹಾಕಿವೆ.
ಬಳ್ಳಾರಿಯ ಸಂಡೂರು ವಿಧಾನಸಭಾ ಕ್ಷೇತ್ರದಲ್ಲಿ ಈ ಹಿಂದೆ ಕಾಂಗ್ರೆಸ್ ಗೆಲುವು ಕಂಡಿತ್ತು.ಇದೀಗ ಮತ್ತೆ ಅನ್ನಪೂರ್ಣ ತುಕಾರಾಂ ಗೆಲುವು ಸಾಧಿಸಲಿದ್ದಾರೆ ಎನ್ನಲಾಗಿದ್ದು, ಶಿಗ್ಗಾವಿಯಲ್ಲಿ ಅಪ್ಪ ಬಸವರಾಜ ಬೊಮ್ಮಾಯಿ ಕ್ಷೇತ್ರವನ್ನು ಮಗ ಉಳಿಸಿಕೊಳ್ತಾರೆ ಎನ್ನುವ ವರದಿಗಳು ಹೊರ ಬಿದ್ದಿವೆ.
ಇನ್ನು ಚನ್ನಪಟ್ಟಣದಲ್ಲಿ ಮಾಜಿ ಸಿಎಂ ಆಗಿರುವ ಹಾಲಿ ಕೇಂದ್ರ ಸಚಿವ ಕುಮಾರಸ್ವಾಮಿ ಕ್ಷೇತ್ರವನ್ನು ಸ್ವತಃ ಮಗ ನಿಖಿಲ್‌ ಕುಮಾರಸ್ವಾಮಿ ಗೆಲ್ತಾರೆ ಎನ್ನುವ ವರದಿ ಬಂದಿದೆ. ಒಟ್ಟಾರೆ ಮೂರು ಕ್ಷೇತ್ರದಲ್ಲಿ ಮೂರೂ ಪಕ್ಷಗಳು ಒಂದೊಂದು ಕ್ಷೇತ್ರವನ್ನು ಗೆಲ್ಲಲಿವೆ ಅನ್ನೋದು ಮತದಾನೋತ್ತರ ಸಮೀಕ್ಷೆ ಲೆಕ್ಕಾಚಾರ.
