ಶಾಲೆಗೆ ಬಾಂಬ್ ಬೆದರಿಕೆ: ಹಣಕ್ಕೆ ಬೇಡಿಕೆ

ಬೆಂಗಳೂರು: ನಗರದ ಖಾಸಗಿ ಶಾಲೆಗೆ ಬಾಂಬ್ ಬೆದರಿಕೆ ಇಮೇಲ್ ಮಾಡಿ ಹಣಕ್ಕೆ ಬೇಡಿಕೆ ಇಡಲಾಗಿದೆ.

ಶಾಲೆಯಲ್ಲಿ ನಾಲ್ಕು ಬಾಂಬ್ ಇಡಲಾಗಿದೆ ಎಂದು ಜಯನಗರ 4ನೇ ಬ್ಲಾಕ್ ನಲ್ಲಿರುವ ನ್ಯಾಷನಲ್ ಪಬ್ಲಿಕ್ ಸ್ಕೂಲ್ ಗೆ ಮೊಹಮ್ಮದ್ ಇಕ್ಬಾಲ್ ಎಂಬಾತನಿಂದ ಇಮೇಲ್ ಬಂದಿದೆ.
ಶಾಲೆಯಲ್ಲಿ ನಾಲ್ಕು ಕಡೆ ಬಾಂಬ್ ಇಡಲಾಗಿದೆ,
ಫೆಬ್ರುವರಿ 25ರೊಳಗೆ 50 ಲಕ್ಷ ಮೌಲ್ಯದ 60 ಸಾವಿರ ಡಾಲರ್ ಕೊಡಬೇಕು. ಇಲ್ಲವಾದರೆ ಬಾಂಬ್ ಸ್ಪೋಟಿಸುವುದಾಗಿ ಬೆದರಿಕೆ ಹಾಕಿದ್ದಾನೆ.

ಹೊಸ ವರ್ಷದ ದಿನವೇ ಈ ಇ ಮೇಲ್ ಬಂದಿದ್ದು, ತಡವಾಗಿ ಮೇಲ್ ಪರಿಶೀಲನೆ ಮಾಡಿದಾಗ ಪ್ರಿನ್ಸಿಪಾಲ್ ಶಾಕ್ ಆಗಿದ್ದಾರೆ. ಬಳಿಕ ತಿಲಕ ನಗರ ಠಾಣೆಗೆ ದೂರು ನೀಡಿದ್ದು, ಪೊಲೀಸರು ಡಾಗ್ ಸ್ಕ್ವಾಡ್, ಬಾಂಬ್ ಸ್ಕ್ವಾಡ್ ನೊಂದಿಗೆ ಪರಿಶೀಲನೆ ನಡೆಸಿದ್ದಾರೆ. ಆದರೆ ಈವರೆಗೆ ಯಾವುದೇ ಸ್ಫೋಟಕ ವಸ್ತು ಪತ್ತೆಯಾಗಿಲ್ಲ.