ಎಲ್ಲಾ ಇಲಾಖೆಯಂತೆಯೇ ಬೆಂಗಳೂರು ಜಲ ಮಂಡಳಿ (Bangalore Water Supply and Sevage Board) ಕೂಡ ಆದಾಯದಲ್ಲಿ ಇಳಿಮುಖವಾಗಿದೆ. ಕೊರೋನಾ ಕಾಲದಲ್ಲಿ ಜನರು ಬಿಲ್ ಕಟ್ಟಲು ಬಾಕಿ ಉಳಿಸಿಕೊಂಡಿದ್ದರು. ಆದರೆ ಪೊಲೀಸ್ ಇಲಾಖೆ (Police Department) ಹಾಗೂ ಬಿಬಿಎಂಪಿ ಸಹಯೋಗದೊಂದಿಗೆ ಶೇ. 90 ರಷ್ಟು ಶುಲ್ಕವನ್ನು BWSSB ವಸೂಲಿ ಮಾಡಿಕೊಂಡಿದೆ. ಆದರೀಗ ಅದೇ ಬಿಬಿಎಂಪಿ ಹಾಗೂ ಪೊಲೀಸ್ ಇಲಾಖೆಯಿಂದಲೇ ಜಲ ಮಂಡಳಿಗೆ ಕೋಟಿ ಕೋಟಿ ನೀರಿನ ಬಿಲ್ ಬರಬೇಕಿದೆ.
ಹೌದು, ಪೊಲೀಸ್ ಇಲಾಖೆ ಹಾಗೂ ಬಿಬಿಎಂಪಿಯಿಂದ ಜಲ ಮಂಡಳಿಗೆ ಕೋಟಿ ಕೋಟಿ ನೀರಿನ ಬಿಲ್ ಬಾಕಿ ಇದೆ. ನೀರಿನ ಬಿಲ್ ಕಟ್ಟದೆ ಪೊಲೀಸ್ ಇಲಾಖೆ ಹಾಗೂ ಬಿಬಿಎಂಪಿ ಕುಂಟು ನೆಪ ಹೇಳುತ್ತಿದೆ. ಬಿಬಿಎಂಪಿ ಹಾಗೂ ಪೊಲೀಸ್ ಇಲಾಖೆಯ ಈ ನಡೆಯಿಂದ ಜಲಮಂಡಳಿ ಬೊಕ್ಕಸಕ್ಕೆ ಹೊಡೆತ ಬೀಳುತ್ತಿದೆ. ಬಿಬಿಎಂಪಿ ಹಾಗೂ ಪೊಲೀಸ್ ಇಲಾಖೆಯ ಜೊತೆಗೆ BWSSB ಗೆ ಇತರೆ ಸರ್ಕಾರಿ ಸಂಸ್ಥೆಗಳಿಂದಲೂ ಕೋಟ್ಯಾಂತರ ರೂಪಾಯಿ ನೀರಿನ ಶುಲ್ಕ ಬರಬೇಕಿದೆ.
ಸಾರ್ವಜನಿಕರು ಎರಡು ತಿಂಗಳು ನೀರಿನ ಬಿಲ್ (Water Bill) ಕಟ್ಟಿಲ್ಲ ಅಂದ್ರೆ ನೀರಿನ ಕನೆಕ್ಷನ್ ಕಟ್ ಮಾಡಲಾಗುತ್ತದೆ. ಟ್ರಾಫಿಕ್ ನಿಯಮ ಅಂತ ಸಾರ್ವಜನಿಕರ ಜೇಬಿಗೆ ಪೊಲೀಸ್ ಇಲಾಖೆ ಕತ್ತರಿ ಹಾಕುತ್ತೆ. ಕಸ, ತೆರಿಗೆ ಅಂತ ಜನರಿಂದ ಹಣವನ್ನು ಬಿಬಿಎಂಪಿ ವಸೂಲಿ ಮಾಡುತ್ತೆ. ಆದರೆ ಇವರು ಮಾತ್ರ ನೀರಿನ ಬಿಲ್ ಕಟ್ಟದೆ ಕೋಟಿ ಕೋಟಿ ಉಳಿಸಿಕೊಂಡಿದ್ದಾರೆ. ಬಿಬಿಎಂಪಿ 19 ಕೋಟಿ 47 ಲಕ್ಷ ಹಾಗೂ ಪೊಲೀಸ್ ಇಲಾಖೆ 46 ಕೋಟಿ 73 ಲಕ್ಷ ನೀರಿನ ಬಿಲ್ ಬಾಕಿ ಉಳಿಸಿಕೊಂಡಿದೆ. ಕಳೆದ ಮೂರುನಾಲ್ಕು ವರ್ಷಗಳಿಂದ ಕೋಟ್ಯಾಂತರ ಹಣ ಬಾಕಿ ಊಳಿಸಿ ಕೊಂಡಿರುವ ಈ ಸರ್ಕಾರಿ ಸಂಸ್ಥೆಗಳ ಈ ನಡೆಯಿಂದಾಗಿ ಕೋಟಿ ಕೋಟಿ ನಷ್ಟವಾಗುತ್ತಿದೆ. ಕೇವಲ ಪೊಲೀಸ್ ಇಲಾಖೆ, ಬಿಬಿಎಂಪಿ ಮಾತ್ರವಲ್ಲ ಇನ್ನೂ ಹಲವಾರು ಸರ್ಕಾರಿ ಸಂಸ್ಥೆಗಳಿಂದ BWSSBಗೆ ಕೋಟಿ ಕೋಟಿ ಶುಲ್ಕ ಬಾಕಿ ಉಳಿದಿದೆ. ಒಟ್ಟು ಸುಮಾರು 135 ಕೋಟಿ ರೂಪಾಯಿ ಸಂದಬೇಕಿದೆ ವಿವಿಧ ಇಲಾಖೆಯಿಂದ ಜಲಮಂಡಳಿಗೆ.
BWSSBಗೆ ನೀರಿನ ಬಿಲ್ ಬಾಕಿ ಉಳಿಸಿಕೊಂಡಿರುವ ಸಂಸ್ಥೆಗಳ ವಿವರ!
ಬಿಬಿಎಂಪಿಯಿಂದ 497 ಕಟ್ಟಡಗಳ 19 ಕೋಟಿ 47 ಲಕ್ಷ ಬಾಕಿ ಇದೆ. ಪೊಲೀಸ್ ಇಲಾಖೆಯಿಂದ 163 ಕಟ್ಟಡಗಳ 46 ಕೋಟಿ 73 ಲಕ್ಷ ಶುಲ್ಕ ಬಾಕಿ ಇದೆ. ರಾಜ್ಯ ಸರ್ಕಾರಕ್ಕೆ ಸೇರಿದ 542 ಕಟ್ಟಡಗಳ 20 ಕೋಟಿ 82 ಲಕ್ಷ ನೀರಿನ ಬಿಲ್ ಬಾಕಿ ಉಳಿಸಿಕೊಳ್ಳಲಾಗಿದೆ. ಕೇಂದ್ರ ಸರ್ಕಾರಕ್ಕೆ ಸೇರಿದ 170 ಕಟ್ಟಡಗಳ 21 ಕೋಟಿ 79 ಲಕ್ಷ ಬಾಕಿ ಇದೆ. ರಕ್ಷಣ ಇಲಾಖೆಗೆ ಸೇರಿದ 49 ಕಟ್ಟಡಗಳ 21 ಕೋಟಿ 84 ಲಕ್ಷ ಹಣ ಬರಬೇಕಿದೆ. ರೈಲ್ವೇ ಇಲಾಖೆಯ ಅಧೀನದಲ್ಲಿರುವ 23 ಕಟ್ಟಡಗಳ 16 ಕೋಟಿ 52 ಲಕ್ಷ ಹಣ ಜಲ ಮಂಡಳಿಗೆ ಸಂಧಬೇಕಿದೆ. ಹೀಗೆ ಒಟ್ಟಾರೆ ಒಟ್ಟು 135 ಕೋಟಿಗೂ ಅಧಿಕ ಮೊತ್ತ ಜಲಂಡಳಿಗೆ ಬರಬೇಕಿದೆ. ಈಗಾಗಲೇ ಈ ಬಗ್ಗೆ ಆಯಾ ಸಂಸ್ಥೆಯ ಮುಖ್ಯಸ್ಥರ ಜೊತೆ ಹಲವು ಭಾರಿ ಮಾತುಕತೆ ನಡೆಸಲಾಗಿದೆಯಾದರೂ ಯಾವುದೇ ಪ್ರಯೋಜನವಾಗಿಲ್ಲ ಎನ್ನುತ್ತಾರೆ ಜಲ ಮಂಡಳಿ ಅಪರ ಮುಖ್ಯ ಅಭಿಯಂತರ ದೇವರಾಜು.
