ಭಾರತದಲ್ಲಿ ಗಣನೀಯವಾಗಿ ಹೆಚ್ಚುತ್ತಿರುವ ಕರೋನಾ ವೈರಸ್ ಪ್ರಕರಣಗಳಿಂದ ಗಾಬರಿಗೊಂಡಿರುವ ಅಮೆರಿಕ ತನ್ನ ನಾಗರೀಕರಿಗೆ ಭಾರತಕ್ಕೆ ಪ್ರಯಾಣಿಸದಂತೆ ಮುನ್ನೆಚ್ಚರಿಕೆ ಸಲಹೆ ನೀಡಿದೆ.
ಭಾರತದಲ್ಲಿ ಎಲ್ಲೆಡೆ ಕರೊನ ಹರಡುತ್ತಿದ್ದು ಅಮೆರಿಕದ ಕಾಯಿಲೆ ನಿಯಂತ್ರಣ ಮಂಡಳಿ ಈ ರೋಗ ಹರಡುವುದನ್ನು ತಡೆಗಟ್ಟಲು ತನ್ನ ದೇಶವಾಸಿಗಳು ಭಾರತಕ್ಕೆ ಪ್ರಯಾಣಿಸುವುದನ್ನು ತಪ್ಪಿಸಲು ಸೂಚಿಸಲಾಗಿದೆ. ಭಾರತದಲ್ಲಿ ಕರೋನಾದ ಎರಡನೇ ತರಂಗದಿಂದಾಗಿ, ಸೋಂಕಿತರ ಸಂಖ್ಯೆ ನಿರಂತರವಾಗಿ ಹೆಚ್ಚುತ್ತಿದೆ. “ದಿ ಲ್ಯಾನ್ಸೆಟ್” ಎಂಬ ವೈದ್ಯಕೀಯ ಜರ್ನಲ್ ನಲ್ಲಿ ಪ್ರಕಟವಾದ ಅಧ್ಯಯನವು “ಮುಂದಿನ ದಿನಗಳಲ್ಲಿ ಭಾರತದಲ್ಲಿ ಸೋಂಕಿನ ವೇಗ ಇನ್ನೂ ಹೆಚ್ಚಾಗಲಿದೆ” ಎಂದು ತಿಳಿಸಿದೆ.
ಪೂರ್ಣಪ್ರಮಾಣದ ಲಸಿಕೆ ಪಡೆದುಕೊಂಡಿರುವವರಿಗೂ ಈ ಎರಡನೇ ಅಲೆ ತೊಂದರೆ ಉಂಟು ಮಾಡಬಹುದು ಆಗಾಗಿ ಸದ್ಯದ ಪರಿಸ್ಥಿತಿಯಲ್ಲಿ ಭಾರತಕ್ಕೆ ಹೋಗದೆ ಇರುವುದು ಸೂಕ್ತ ಎಂದು ಅಮೇರಿಕಾ ತನ್ನ ದೇಶವಾಸಿಗಳಿಗೆ ಸೂಚಿಸಿದೆ.
ಭಾರತಕ್ಕೆ ಹೋಗಲೇ ಬೇಕು, ನಾವು ಹೋಗುವುದು ಮುಖ್ಯ ಎನ್ನುವವರು ಸಂಪೂರ್ಣ ಕರೋನಾ ಲಸಿಕೆ ತೆಗೆದುಕೊಂಡು ತೆರಳಬೇಕಾಗಿ ಅಮೇರಿಕಾ ಸಿಡಿಸಿ ತಿಳಿಸಿದೆ. ಆದಷ್ಟು ಬೇಗ ದೇಶದ ಎಲ್ಲರಿಗೂ ಲಸಿಕೆ ನೀಡಲು ಅಮೇರಿಕಾ ಬಯಸಿದೆ.
ಈಗಾಗಲೇ ಇಂಗ್ಲೆಂಡ್ ಸಹಿತ ಹಲವು ರಾಷ್ಟ್ರಗಳು ಭಾರತಕ್ಕೆ ವಿಮಾನ ಸಂಚಾರ ನಿರ್ಬಂಧಿಸಿದ್ದು, ಪ್ರಯಾಣ ನಿಷೇಧಿಸಿವೆ. ಹಾಂಗ್ ಕಾಂಗ್ ಏಪ್ರಿಲ್ 20 ರಿಂದ ಮೇ 3 ರವರೆಗೆ ಭಾರತಕ್ಕೆ ಮತ್ತು ಹೊರಗಿನ ವಿಮಾನಗಳನ್ನು ರದ್ದುಗೊಳಿಸಿದೆ. ಭಾರತದಿಂದ ಪ್ರಯಾಣಿಕರ ಆಗಮನವನ್ನು ಎರಡು ವಾರಗಳವರೆಗೆ ನಿಷೇಧಿಸಲು ಪಾಕಿಸ್ತಾನ ನಿರ್ಧರಿಸಿದೆ. ಪ್ರಯಾಣಕ್ಕೆ ಸಂಬಂಧಿಸಿದಂತೆ ಬ್ರಿಟನ್ ಕೂಡ ಭಾರತವನ್ನು ಕೆಂಪು ಪಟ್ಟಿಗೆ ಸೇರಿಸಿದೆ. ಭಾರತಕ್ಕೆ ಎಲ್ಲ ರೀತಿಯ ಸಂಚಾರವನ್ನು ರದ್ದುಪಡಿಸಿದೆ. ಭಾರತದಿಂದ ಮರಳುವ ಬ್ರಿಟನ್ನ ಎಲ್ಲ ಪ್ರಯಾಣಿಕರಿಗೆ 10 ದಿನದ ಹೋಟೆಲ್ ನಲ್ಲಿ ಕ್ವಾರಂಟೈನ್ ಕಡ್ಡಾಯಗೊಳಿಸಿದೆ.