ಬೆಂಗಳೂರು: ನಗರದಲ್ಲಿ ಸೀರೆ ಕದಿಯುತ್ತಿದ್ದ ಮಹಿಳೆಯರ ಗ್ಯಾಂಗ್ ಬಂಧನ ಮಾಡಲಾಗಿದೆ. ಜೆಪಿ ನಗರ ಪೊಲೀಸರು ನಾಲ್ವರು ಮಹಿಳೆಯರನ್ನು ಬಂಧನ ಮಾಡಿದ್ದಾರೆ. ಪೊನ್ನೂರು ಮಲ್ಲಿ, ವೆಂಕಟೇಶ್ವರಮ್ಮ, ಮಾಧುಗನಿ ಜಾನಕಿ ಹಾಗೂ ಮೇಧ ರಜನಿ ಬಂಧಿತ ಆರೋಪಿಗಳು.
ADVERTISEMENT
ಬೆಂಗಳೂರು ನಗರದ ಪ್ರತಿಷ್ಠಿತ ಸೀರೆ ಅಂಗಡಿಗಳಲ್ಲಿ ಸೀರೆ ಕಳ್ಳತನ ಮಾಡುತ್ತಿದ್ದ ಆರೋಪ ಕೇಳಿ ಬಂದಿತ್ತು. ಗ್ಯಾಂಗ್ ಬೆನ್ನತ್ತಿದ ಜೆಪಿ ನಗರ ಪೊಲೀಸ್ರು, ಆಂಧ್ರಪ್ರದೇಶ ಮೂಲದ ಮಹಿಳಾ ಗ್ಯಾಂಗ್ ಬಂಧಿಸಿದ್ದಾರೆ. ಶ್ರೀಮಂತ ಮಹಿಳೆಯರ ರೀತಿ ರೆಡಿಯಾಗಿ ಅಂಗಡಿಗೆ ಬರ್ತಿದ್ದ ಗ್ಯಾಂಗ್, ಖರೀದಿ ನೆಪದಲ್ಲಿ ಗಮನ ಬೇರೆಡೆ ಸೆಳೆದು ಸೀರೆ ಕಳ್ಳತನ ಮಾಡುತ್ತಿತ್ತು.
ಸಣ್ಣ ಪುಟ್ಟ ಸೀರೆಗಳನ್ನ ಬಿಟ್ಟು ಕೇವಲ ದುಬಾರಿ ಬೆಲೆಯ ಸೀರೆಗಳನ್ನೇ ಇವರು ಟಾರ್ಗೆಟ್ ಮಾಡುತ್ತಿದ್ದರು. ಲಕ್ಷಕ್ಕೂ ಅಧಿಕ ಬೆಲೆಯ ಸೀರೆಗಳನ್ನಷ್ಟೇ ಕದಿಯುತ್ತಿದ್ದ ಮಹಿಳೆಯರನ್ನು ಬಂಧಿಸಿದ್ದು, ಬಂಧಿತರಿಂದ ಬರೋಬ್ಬರಿ 17.5 ಲಕ್ಷ ಮೌಲ್ಯದ 38 ಸೀರೆಗಳು ವಶಪಡಿಸಿಕೊಳ್ಳಲಾಗಿದೆ.
