![](https://pratidhvani.com/wp-content/uploads/2024/07/WhatsApp-Image-2024-07-02-at-08.42.28.jpeg)
ಕೃತಕ ಬುದ್ಧಿಮತ್ತೆ (AI) ಮೂಲಕ ಪುರುಷ ಧ್ವನಿಯನ್ನು ಬಳಸಿಕೊಂಡು ತನ್ನ ನೆರೆಹೊರೆಯವರಿಗೆ ಸುಮಾರು 7 ಲಕ್ಷ ರೂಪಾಯಿಗಳನ್ನು ವಂಚಿಸಿದ 37 ವರ್ಷದ ಮಹಿಳೆಯನ್ನು ಪೊಲೀಸರು ಬಂಧಿಸಿದ್ದಾರೆ. ರಶ್ಮಿ ಕರ್ ಎಂಬ ಆರೋಪಿಯು ನವಿ ಮುಂಬೈ ಕಾಲ್ ಸೆಂಟರ್ನಲ್ಲಿ ಕೆಲಸ ಮಾಡುತ್ತಿದ್ದಾಳೆ. ಆಕೆ ತನ್ನ ಪತಿಯೊಂದಿಗೆ ಸೇರಿಕೊಂಡು ಈ ವಂಚನೆ ಎಸಗಿದ್ದು ಪತಿ ಅವರು ಈಗ ಓಡಿಹೋಗಿದ್ದಾನೆ.
ಆರೋಪಿಯು ತನ್ನ ಗುರುತನ್ನು ಮುಚ್ಚಿಟ್ಟು ತಾನು 34 ವರ್ಷದ ವಿಧವೆ ಆಗಿದ್ದು ತಾನು ಉತ್ತಮ ಉದ್ಯೋಗಾವಕಾಶಕ್ಕಾಗಿ ಎದುರು ನೋಡುತ್ತಿರುವುದಾಗಿ ಏಳು ತಿಂಗಳ ಹಿಂದೆ ನೆರೆಯನೆಯ ಅಭಿಮನ್ಯು ಮೆಹ್ರಾ ಅವರನ್ನು ಆನ್ಲೈನ್ ಮೂಲಕವೇ ಸಂಪರ್ಕಿಸಿ ಕೇಳಿಕೊಂಡಳು. ಇದಕ್ಕೆ ಸ್ಪಂದಿಸಿದ ಅಭಿಮನ್ಯು ಮೆಹ್ರಾ ಅವರು ಉತ್ತಮ ಉದ್ಯೋಗವನ್ನು ಹುಡುಕಲು ತಾವು ಸಹಾಯ ಮಾಡುವುದಾಗಿ ಹೇಳಿಕೊಂಡರು.
ಸಂತ್ರಸ್ತೆ ಮತ್ತು ಮೆಹ್ರಾ ಫೋನ್ನಲ್ಲಿ ಚಾಟ್ ಮಾಡಲು ಪ್ರಾರಂಭಿಸಿದರು. ಶೀಘ್ರದಲ್ಲೇ, ಅವರು ಅನ್ ಲೈನ್ ನಲ್ಲೇ ಪ್ರಣಯ ಸಂಬಂಧವನ್ನು ಬೆಳೆಸಿಕೊಂಡರು. ಮೆಹ್ರಾ ಅವರನ್ನು ವೈಯಕ್ತಿಕವಾಗಿ ಭೇಟಿಯಾಗದಿದ್ದರೂ, ಮಹಿಳೆ ತನಗೆ ಕ್ಷವಿದೆ ಎಂದು ಹಂತ ಹಂತವಾಗಿ 6.6 ಲಕ್ಷ ರೂಪಾಯಿ ಪಡೆದುಕೊಂಡಿದ್ದಳು.
ಮೆಹ್ರಾ ಅವರನ್ನು ವೈಯಕ್ತಿಕವಾಗಿ ಭೇಟಿಯಾಗುವಂತೆ ಮನವೊಲಿಸಲು ಪ್ರಯತ್ನಿಸಿದಾಗಲೆಲ್ಲಾ ಆಕೆ ವಿಷಯವನ್ನು ಬದಲಾಯಿಸುತ್ತಿದ್ದರು ಎಂದು ಸಂತ್ರಸ್ತ ಪೊಲೀಸರಿಗೆ ತಿಳಿಸಿದ್ದಾರೆ. ಮೆಹ್ರಾ, ಆಕೆಗೆ ರಗ್ ಒಂದನ್ನು ಉಡುಗೊರೆಯಾಗಿ ನೀಡಿದ್ದು, ಇದು ಅಮೂಲ್ಯ ಉಡುಗೊರೆ ಆಗಿದ್ದು ತಾನು ‘ನಿದ್ರಿಸುವಾಗ ಅವನಿಗೆ ಹತ್ತಿರವಾಗಲು ಇದನ್ನು ಸದಾ ಬಳಸುತ್ತೇನೆ ವಂಚಕಿ ಹೇಳುತಿದ್ದಳು ಎಂದು ಕಾಶಿಗಾಂವ್ ಪೊಲೀಸ್ ಹಿರಿಯ ಇನ್ಸ್ಪೆಕ್ಟರ್ ರಾಹುಲ್ ಪಾಟೀಲ್ ಹೇಳಿದ್ದಾರೆ.
ಆದರೆ ಏನು ಮಾಡಿದರೂ ಈಕೆ ಭೆಟಿಗೆ ಒಪ್ಪದಿದ್ದಾಗ ಅನುಮಾನಗೊಂಡು ಮೆಹ್ರಾ ಪೊಲೀಸರಿಗೆ ದೂರು ನೀಡಿದ್ದರು. ತನಿಖೆಯ ಸಮಯದಲ್ಲಿ, ಮೆಹ್ರಾ ಗೆ ಕರೆ ಮಾಡಲು ತಾನು ಅಪ್ಲಿಕೇಶನ್-ರಚಿತ ಧ್ವನಿಯನ್ನು ಬಳಸಿದ್ದೇನೆ ಎಂದು ಕರ್ ಒಪ್ಪಿಕೊಂಡಿದ್ದಾಳೆ. ಅವಳು ಧ್ವನಿ ಬದಲಾಯಿಸುವ ಅಪ್ಲಿಕೇಶನ್ ಅನ್ನು ಡೌನ್ಲೋಡ್ ಮಾಡಿದ್ದಾಳೆ ಮತ್ತು ಕರೆ ಮಾಡುವ ಉದ್ದೇಶಕ್ಕಾಗಿ ವಿಶೇಷವಾಗಿ ಪಡೆದ ಸಂಖ್ಯೆಯನ್ನು ಬಳಸಿಕೊಂಡು ಆತನೊಂದಿಗೆ ಸಂವಹನ ನಡೆಸುತ್ತಿದ್ದಳು ಎಂದು ಅವಳು ಬಹಿರಂಗಪಡಿಸಿದಳು. ಕರ್ ಪತಿ ದೀಪಾಂಜಲ್ ಬಿಸ್ವಾಸ್ ಗೆ ಪತ್ನಿ ಧ್ವನಿ ಸೋಗು ಹಾಕುವ ಬಗ್ಗೆ ತಿಳಿದಿತ್ತು ಮತ್ತು ಆಕೆಯ ಕೃತ್ಯಕ್ಕೆ ಬೆಂಬಲಾವಗಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ.
ಮಾನವ-ತರಹದ ಧ್ವನಿಗಳನ್ನು ಪುನರಾವರ್ತಿಸಲು AI ಅನ್ನು ಬಳಸಿಕೊಳ್ಳುವ ತಂತ್ರ ವಂಚಕರ ಹೊಸ ತಂತ್ರವಾಗಿದೆ. ಹೆಚ್ಚಿನ ಸಂದರ್ಭಗಳಲ್ಲಿ, ಸ್ಕ್ಯಾಮರ್ಗಳು ಕುಟುಂಬದ ಸದಸ್ಯ, ಸ್ನೇಹಿತ ಅಥವಾ ಗ್ರಾಹಕ ಸೇವಾ ಪ್ರತಿನಿಧಿಯಂತೆ ನಟಿಸಿ ವಂಚಿಸುತ್ತಾರೆ , ಇದನ್ನು ಬಳಸಿಕೊಂಡು ಸ್ವತಃ ನಿಮ್ಮ ಪತ್ನಿಯ ಅಥವಾ ಸಹೋದರನ ದ್ವನಿಯಂತೆಯೇ ಮಾತಾಡಬಹುದಾಗಿದೆ.