ಬೆಂಗಳೂರು: ರಾಜ್ಯ ಸರ್ಕಾರವು (State Government) ನಾಗರಿಕರಿಗೆ ಸರ್ಕಾರಿ ಸೇವೆಗಳನ್ನು ತ್ವರಿತವಾಗಿ ಮತ್ತು ಸುಲಭವಾಗಿ ಒದಗಿಸುವ ನಿಟ್ಟಿನಲ್ಲಿ ‘ಸಕಾಲ’ (Sakala) ಯೋಜನೆಗೆ ಹೊಸ ಕಾಯಕಲ್ಪ ನೀಡಿದೆ. ಸರ್ಕಾರಿ ಸೇವೆಗಳಲ್ಲಿ ಪಾರದರ್ಶಕತೆ ಹೆಚ್ಚಿಸಲು ಹಾಗೂ ಸಾರ್ವಜನಿಕರ ಸಮಯ ಉಳಿಸಲು ಹಲವು ಮಹತ್ವದ ಸುಧಾರಣೆಗಳನ್ನು ಜಾರಿಗೆ ತರಲಾಗಿದೆ.
ಕಾಲಮಿತಿ ಕಡಿತ ಮತ್ತು ತಕ್ಷಣ ಪ್ರಮಾಣಪತ್ರ: ಸಕಾಲ ಸೇವೆಗಳ ವಿಲೇವಾರಿ ಕಾಲಮಿತಿಯನ್ನು ಕಡಿತಗೊಳಿಸಲಾಗಿದ್ದು, ಸಾರ್ವಜನಿಕರು ಕೌಂಟರ್‌ನಲ್ಲೇ ಪ್ರಮಾಣಪತ್ರಗಳನ್ನು ಪಡೆದುಕೊಳ್ಳಲು ಅಗತ್ಯ ಕ್ರಮ ಕೈಗೊಳ್ಳಲಾಗಿದೆ.
ಎಲ್ಲ ಸೇವೆಗಳು ಸಕಾಲದಡಿ ಲಭ್ಯ: ವಿವಿಧ ಸರ್ಕಾರಿ ಇಲಾಖೆಗಳು ನೀಡುವ ಪರವಾನಗಿ ಮತ್ತು ಪ್ರಮಾಣಪತ್ರಗಳು ಸೇರಿದಂತೆ ಎಲ್ಲಾ ಸೇವೆಗಳನ್ನು ‘ಸಕಾಲ’ ಯೋಜನೆಗೆ ಸೇರ್ಪಡೆಗೊಳಿಸಲಾಗಿದೆ.
ಸಕಾಲ ಸೇವೆಗೆ ಇನ್ಮುಂದೆ ಮತ್ತಷ್ಟು ವೇಗ ಮತ್ತು ಪಾರದರ್ಶಕ!
ರಾಜ್ಯ ಸರ್ಕಾರದ ಎಲ್ಲ ಪರವಾನಗಿ ಮತ್ತು ಪ್ರಮಾಣಪತ್ರ ಸೇವೆಗಳು ಈಗ ‘ಸಕಾಲ’ ಯೋಜನೆಯಲ್ಲಿ ಲಭ್ಯ. ಅರ್ಜಿಗಳ ಕಾಲಮಿತಿ ಕಡಿತಗೊಳಿಸಲಾಗಿದ್ದು, ಕೌಂಟರ್‌ನಲ್ಲೇ ಪ್ರಮಾಣಪತ್ರಗಳನ್ನು ಪಡೆದುಕೊಳ್ಳಬಹುದು.
ಯುಪಿಐ ಮೂಲಕ ಸುಲಭವಾಗಿ ಶುಲ್ಕ ಪಾವತಿಸಿ, ವಾಟ್ಸ್‌ಆ್ಯಪ್ ಮತ್ತು ಎಸ್‌ಎಂಎಸ್ ಮೂಲಕ ಅರ್ಜಿ ಸ್ಥಿತಿಗತಿಯನ್ನು ತಿಳಿದುಕೊಳ್ಳಿ. ನಿಮ್ಮ ಎಲ್ಲ ಪ್ರಮಾಣಪತ್ರಗಳು ಡಿಜಿಲಾಕರ್‌ನಲ್ಲಿ ಭದ್ರವಾಗಿರಲಿವೆ. ಕನ್ನಡದಲ್ಲೂ ಅರ್ಜಿಗಳು ಲಭ್ಯವಿದ್ದು, ಸಾರ್ವಜನಿಕರ ಸುಲಭ ಲಭ್ಯತೆಗಾಗಿ ಈ ಹೊಸ ವ್ಯವಸ್ಥೆ ಜಾರಿಗೆ ತರಲಾಗಿದೆ.
— DIPR Karnataka (@KarnatakaVarthe) October 21, 2026
ಡಿಜಿಲಾಕರ್‌ನಲ್ಲಿ ಭದ್ರ ಸಂಗ್ರಹ: ಸರ್ಕಾರ ನೀಡುವ ಎಲ್ಲಾ ಪ್ರಮಾಣಪತ್ರಗಳು ಹಾಗೂ ಪರವಾನಗಿಗಳು ಡಿಜಿಲಾಕರ್‌ನಲ್ಲಿ ಲಭ್ಯವಾಗಲಿದ್ದು, ನಾಗರಿಕರು ಎಲ್ಲಿಂದಲಾದರೂ ಸುರಕ್ಷಿತವಾಗಿ ಪಡೆದುಕೊಳ್ಳಬಹುದು.
ಯುಪಿಐ ಮೂಲಕ ಶುಲ್ಕ ಪಾವತಿ: ಅರ್ಜಿ ಶುಲ್ಕ ಪಾವತಿಗೆ ಯುಪಿಐ (UPI) ಸೇರಿದಂತೆ ವಿವಿಧ ಆನ್‌ಲೈನ್ ಪಾವತಿ ವಿಧಾನಗಳನ್ನು ಅಳವಡಿಸಲಾಗಿದೆ.
ವಾಟ್ಸ್‌ಆ್ಯಪ್, ಎಸ್‌ಎಂಎಸ್ ಅಪ್‌ಡೇಟ್: ಅರ್ಜಿಯ ಸ್ಥಿತಿಗತಿಯನ್ನು (Status) ಸಾರ್ವಜನಿಕರು ಎಸ್‌ಎಂಎಸ್ ಮತ್ತು ವಾಟ್ಸ್‌ಆ್ಯಪ್ ಮೂಲಕ ಸುಲಭವಾಗಿ ತಿಳಿದುಕೊಳ್ಳಬಹುದು.
ಕನ್ನಡದಲ್ಲೂ ಅರ್ಜಿ ಲಭ್ಯ: ಸಾರ್ವಜನಿಕರ ಅನುಕೂಲಕ್ಕಾಗಿ ಅರ್ಜಿಗಳು ಕನ್ನಡ ಭಾಷೆಯಲ್ಲೂ ಲಭ್ಯವಿರಲಿವೆ.
ಈ ಹೊಸ ವ್ಯವಸ್ಥೆಯು ಸಾರ್ವಜನಿಕರಿಗೆ ಸರ್ಕಾರಿ ಕಚೇರಿಗಳಿಗೆ ಪದೇಪದೇ ಅಲೆಯುವುದನ್ನು ತಪ್ಪಿಸಿ, ಸೇವೆಗಳು ನಿಗದಿತ ಸಮಯದಲ್ಲಿ ಕೈಸೇರುವಂತೆ ಮಾಡಲಿದೆ.
ಜಂಬೂ ಸವಾರಿಗೂ ಮುನ್ನ ಸುತ್ತೂರು ಶಾಖಾ ಮಠಕ್ಕೆ ಸಿಎಂ ಡಿ.ಕೆ. ಶಿವಕುಮಾರ್ ಭೇಟಿ : ವಿಶೇಷ ಪ್ರಾರ್ಥನೆ
