ಪೋಷಕರು ತಮ್ಮ ಮಗುವನ್ನು ನೋಡಿಕೊಳ್ಳಲು ಸಾಧ್ಯವಾಗದ ಸಂದರ್ಭದಲ್ಲಿ ಅದನ್ನು ನಿಭಾಯಿಸಲು ಕರ್ನಾಟಕ ಹೈಕೋರ್ಟ್ ಮಕ್ಕಳ ಕಲ್ಯಾಣ ಸಮಿತಿಗಳಿಗೆ (ಸಿಡಬ್ಲ್ಯೂಸಿ) ಮಾರ್ಗಸೂಚಿಯನ್ನು ನೀಡಿದೆ.
ಮೈಸೂರಿನಲ್ಲಿ ಒಟ್ಟಿಗೆ ವಾಸಿಸುತ್ತಿದ್ದ ಅವಿವಾಹಿತ ದಂಪತಿಗಳು ತಮ್ಮ ಮಗುವನ್ನು ನೋಡಿಕೊಳ್ಳಲು ಸಾಧ್ಯವಿಲ್ಲ ಹಿನ್ನೆಲೆಯಲ್ಲಿ ಮುಖ್ಯ ನ್ಯಾಯಮೂರ್ತಿ ಅಭಯ್ ಶ್ರೀನಿವಾಸ್ ಓಕಾ ಮತ್ತು ನ್ಯಾಯಮೂರ್ತಿ ಎನ್.ಎಸ್. ಸಂಜಯ್ ಗೌಡ ಪೀಠವು ಇತ್ತೀಚೆಗೆ ಮಾರ್ಗಸೂಚಿಗಳನ್ನು ಹೊರಡಿಸಿದ್ದರು.
ಎರಡು ವರ್ಷಗಳ ಕಾಲ ಲಿವ್ ಇನ್ ಸಂಬಂಧದಲ್ಲಿದ್ದ ದಂಪತಿಗಳಿಗೆ (ಇಬ್ಬರೂ ೨೧ ವರ್ಷ ವಯಸ್ಸಿನವರು) ೨೦೨೧ ಜೂನ್ ನಲ್ಲಿ ಮಗು ಜನಿಸಿತು. ತಮ್ಮ ಕಾಲೇಜು ದಿನಗಳಲ್ಲಿ, ವೈಯಕ್ತಿಕ ಬೇರೆ ಬೇರೆ ವಸತಿಗಳನ್ನು ಬಾಡಿಗೆಗೆ ಪಡೆಯಲು ಸಾಧ್ಯವಾಗದ ಕಾರಣ ಮೈಸೂರಿನ ಸರಸ್ವತಿಪುರಂನಲ್ಲಿ ಇಬ್ಬರೂ ಒಂದೇ ಬಾಡಿಗೆ ಮನೆಯನ್ನು ತೆಗೆದುಕೊಂಡಿದ್ದರು.
ಮನೆಯನ್ನು ಬಾಡಿಗೆಗೆ ತೆಗೆದುಕೊಳ್ಳುವ ಸಮಯದಲ್ಲಿ, ದಂಪತಿಗಳು ತಾವು ಮದುವೆಯಾಗಿದ್ದೇವೆ ಎಂದು ಮನೆಯ ಮಾಲಿಕರಿಗೆ ಹೇಳಿದ್ದಾರೆ. ನೆರೆಹೊರೆಯವರು ಕೂಡ ಅವರು ಗಂಡ ಮತ್ತು ಹೆಂಡತಿ ಎಂದು ಭಾವಿಸಿದ್ದರು. ನಂತರ, ಹುಡುಗಿ ಗರ್ಭಿಣಿಯಾಗಿರುವ ವಿಷಯವನ್ನು ಮತ್ತು ಇವರಿಬ್ಬರ ಸಂಬಂಧದ ಬಗ್ಗೆ ಎರಡೂ ಕುಟುಂಬಗಳು ತಿಳಿದುಕೊಂಡರು ಮತ್ತು ಜಮೀನುದಾರನ ದೂರಿನ ಮೇರೆಗೆ ಈ ಸಮಸ್ಯೆ ಪೊಲೀಸ್ ಠಾಣೆಗೆ ತಲುಪಿದೆ.
ಮಗು ಬೆಂಗಳೂರಿನ ಆಸ್ಪತ್ರೆಯಲ್ಲಿ ಜನಿಸಿತು. ಆದರೆ ದಂಪತಿಗಳು ಮತ್ತು ಇಬ್ಬರ ಕುಟುಂಬಸ್ತರು ಸಾಮಾಜಕ್ಕೆ ಹೆದರಿ ಮಗುವನ್ನು ಸ್ವೀಕರಿಸಲು ನಿರಾಕರಿಸಿದ್ದಾರೆ. ಪೊಲೀಸ್, ಹೈಕೋರ್ಟ್ ಮತ್ತು ಸಿಡಬ್ಲ್ಯೂಸಿ ಕ್ಯಾಮರಾ ಪ್ರಕ್ರಿಯೆಯಲ್ಲಿ ಅವರನ್ನು ಮನವೊಲಿಸಲು ಪ್ರಯತ್ನಿಸಿದ ನಂತರವೂ ಅವಿವಾಹಿತ ಪೋಷಕರು ಮಗುವನ್ನು ನೋಡಿಕೊಳ್ಳಲು ನಿರಾಕರಿಸಿದ್ದಾರೆ. ಈಗ ಮಗುವನ್ನು ತಮ್ಮ ಸ್ನೇಹಿತರ ಮನೆಯಲ್ಲಿ ಬಿಟ್ಟಿದ್ದರು.
ಅವರು ತಮ್ಮ ಓದಿನ ಮೇಲೆ ಗಮನಹರಿಸಬೇಕು ಮತ್ತು ಮಗುವನ್ನು ಬೆಳೆಸಲು ನಮ್ಮಿಂದ ಸಾಧ್ಯವಿಲ್ಲ ಎಂದು ಅವರು ನ್ಯಾಯಾಲಯಕ್ಕೆ ತಿಳಿಸಿದ್ದಾರೆ. ಆದರೆ ಅವರು ಮಗುವನ್ನು ದತ್ತು ನೀಡುವುದಕ್ಕೆ ಒಪ್ಪಿದ್ದಾರೆ. ಮಗುವನ್ನು ಈಗ NGO ನಲ್ಲಿ ನೋಡಿಕೊಳ್ಳಲಾಗುತ್ತಿದ್ದು ಸಿಡಬ್ಲೂಸಿ ಕಾನೂನು ಪ್ರಕ್ರಿಯೆ ಮುಗಿದ ನಂತರ, ಮಗುವನ್ನು ದತ್ತು ತೆಗೆದುಕೊಳ್ಳಬಹುದು ಎಂದು ಪ್ರಮಾಣಪತ್ರವನ್ನೂ ನೀಡಿದೆ.
ಮೈಸೂರಿನ ಪ್ರಕರಣದ ಕುರಿತು ಪತ್ರಿಕೆಗಳಲ್ಲಿ ಬಂದ ವರದಿಗಳ ಆಧಾರದ ಮೇಲೆ ನವಜಾತ ಶಿಶುವನ್ನು ರಕ್ಷಿಸುವ ಅಗತ್ಯವನ್ನು ನ್ಯಾಯಾಲಯದ ಗಮನಕ್ಕೆ ತಂದ ಬೆಂಗಳೂರಿನ ಲೆಟ್ಜ್‌ಕಿಟ್ ಪ್ರತಿಷ್ಠಾನವು ಸಾರ್ವಜನಿಕ ಹಿತಾಸಕ್ತಿ ಅರ್ಜಿ (ಪಿಐಎಲ್) ಅನ್ನು ಹೈಕೋರ್ಟ್ ಗೆ ಸಲ್ಲಿಸಿತು.
CWC ಗೆ ಮಾರ್ಗ‌ಸೂಚಿ ನೀಡಿದ ಹೈಕೋರ್ಟ್
ಹೈಕೋರ್ಟ್ ನೀಡಿರುವ ಮಾರ್ಗಸೂಚಿಗಳ ಪ್ರಕಾರ, ಸಿಡಬ್ಲ್ಯೂಸಿಗಳು ಅಂತಹ ಮಕ್ಕಳ ಪೋಷಕರನ್ನು ಸರಿಯಾಗಿ ಗುರುತಿಸಬೇಕು. ಸಿಡಬ್ಲ್ಯೂಸಿಗಳು ಶರಣಾಗತಿಗೆ ಸಂಬಂಧಿಸಿದ ಸತ್ಯಾಸತ್ಯತೆಗಳನ್ನು ಕಂಡುಕೊಳ್ಳಲು ಪ್ರತ್ಯೇಕವಾಗಿ ಮತ್ತು ಸಾಮೂಹಿಕವಾಗಿ ಪೋಷಕರನ್ನು ಭೇಟಿಯಾಗುವುದನ್ನು ಖಚಿತಪಡಿಸಿಕೊಳ್ಳಬೇಕು ಎಂದಿದೆ.
ಮುಂದೆ, ಅವರು ಮಗುವಿಗೆ ಜೈವಿಕ ಪೋಷಕರಾಗಿದ್ದರೆ ಪೋಷಕರು ಗುರುತಿಸಬೇಕು. ಮಕ್ಕಳನ್ನು ನೋಡಿಕೊಳ್ಳಲು ಪೋಷಕರ ನಿಯಂತ್ರಣಕ್ಕೆ ಮೀರಿದ ದೈಹಿಕ, ಭಾವನಾತ್ಮಕ ಮತ್ತು ಸಾಮಾಜಿಕ ಅಂಶಗಳು ಮುಖ್ಯವಾಗಿದ್ದರೂ, ಅದನ್ನು ನರ್ಧಾರಿಸಲು ನೇರ-ಜಾಕೆಟ್ ಸೂತ್ರವನ್ನು ಬಳಸಲಾಗುವುದಿಲ್ಲ ಎಂದು ಹೇಳಿದ್ದಾರೆ.
ಇದಲ್ಲದೆ, ಸರ್ಕಾರಿ ವೈದ್ಯಕೀಯ ಸಂಸ್ಥೆಗಳಲ್ಲಿ ಮಕ್ಕಳ ಮನಶ್ಶಾಸ್ತ್ರಜ್ಞರಿಂದ ಪೋಷಕರು ಸಮಾಲೋಚನೆಗೆ ಹಾಜರಾಗಬೇಕು ಎಂದು ಮಾರ್ಗಸೂಚಿಗಳಲ್ಲಿ ಉಲ್ಲೇಖಿಸಲಾಗಿದೆ. ಸಮಾಲೋಚನೆಯ ಫಲಿತಾಂಶದ ಆಧಾರದ ಮೇಲೆ ಮಗುವನ್ನು ಒಪ್ಪಿಸುವ ಕುರಿತು ಅಂತಿಮ ನಿರ್ಧಾರ ತೆಗೆದುಕೊಳ್ಳಬೇಕು ಎಂದು ಹೈಕೋರ್ಟ್ ಹೇಳಿದೆ. ಇದು ಶರಣಾಗತಿಯು ದತ್ತು ಏಜೆನ್ಸಿಗಳಿಗೆ ಪ್ರಯೋಜನವನ್ನು ನೀಡುವ ಉದ್ದೇಶವನ್ನು ಹೊಂದಿಲ್ಲ ಎಂದು ದೃಢೀಕರಿಸಲು ಸಿಡಬ್ಲ್ಯೂಸಿಗಳನ್ನು ಕೇಳಲಾಗಿದೆ ಎಂದು ಕೋರ್ಟ್ ಹೇಳಿದೆ.
ಮೂರು ತಿಂಗಳ ಸಮಯ
ರಾಜ್ಯ ಸರ್ಕಾರವು ನಿಯಮಗಳನ್ನು ರೂಪಿಸುವಲ್ಲಿ ವಿಫಲವಾಗಿದ್ದರಿಂದ ಬಾಲ ನ್ಯಾಯ (ಸೆಕ್ಷನ್ ೩೫ ಮತ್ತು ಮಕ್ಕಳ ರಕ್ಷಣೆ) ಕಾಯ್ದೆ, ಸೆಕ್ಷನ್ ೩೫ ರ ಅಡಿಯಲ್ಲಿ ವಿಚಾರಣೆ ಮತ್ತು ಸಮಾಲೋಚನೆ ನಡೆಸುವುದು ಹೇಗೆ ಎಂದು ಸಿಡಬ್ಲ್ಯೂಸಿಗಳಿಗೆ ಮಾರ್ಗದರ್ಶಿ ಸೂತ್ರಗಳನ್ನು ನೀಡುವುದು ಅಗತ್ಯವೆಂದು ಪೀಠವು ಅಭಿಪ್ರಾಯ ಪಟ್ಟಿದೆ . ನಿಯಮಗಳ ಅನುಪಸ್ಥಿತಿಯಲ್ಲಿ ಮರ್ಗ್ಸೂಚಿಗಳು ಜಾರಿಯಲ್ಲಿರುತ್ತವೆ ಎಂದು ತಿಳಿಸಿದ ಪೀಠವು ಮೂರು ತಿಂಗಳಲ್ಲಿ ನಿಯಮಗಳನ್ನು ರೂಪಿಸುವಂತೆ ಸರ್ಕಾರಕ್ಕೆ ಸೂಚಿಸಿದೆ.
ಇಂತಹ ಸನ್ನಿವೇಶಗಳಿಂದ ಲಾಭ ಪಡೆಯುವ ದತ್ತು ಪಡೆಯುವ ಅಕ್ರಮ ಪ್ರಕ್ರಿಯೆಯಲ್ಲಿ ತೊಡಗಿರುವ ಸಂಸ್ಥೆಗಳ ಕಡೆಗೆ ಪಿಐಎಲ್ ನ್ಯಾಯಾಲಯದ ಗಮನ ಸೆಳೆಯಿತು. ಸಿಡಬ್ಲ್ಯೂಸಿಗಳು ಮಗುವಿನ ಪೋಷಕರ ಶರಣಾಗತಿಯ ಅರ್ಜಿ ನಿಜವಾದದ್ದೇ ಎಂದು ಖಚಿತಪಡಿಸಿಕೊಳ್ಳಬೇಕು ಮತ್ತು ವಿಶೇಷವಾಗಿ ದತ್ತು ಏಜೆನ್ಸಿಗಳಿಗೆ ಪ್ರಯೋಜನವಾಗಲು ಉದ್ದೇಶಿಸಿಲ್ಲ ಎಂದು ಪೀಠ ಹೇಳಿದೆ. ಮಗುವನ್ನು ಮಾನ್ಯವಾಗಿ ದತ್ತು ತೆಗೆದುಕೊಳ್ಳುವವರೆಗೂ ಅರ್ಜಿ ಬಾಕಿಯಿದೆ ಎಂದು ಪೀಠ ಸ್ಪಷ್ಟವಾಗಿ ಹೇಳಿದೆ.
