ಬುಧವಾರ, ಕರ್ನಾಟಕ ಹೈಕೋರ್ಟ್ ಬೆಂಗಳೂರು ಪೊಲೀಸ್ ಆಯುಕ್ತರಿಗೆ ಬೇಗೂರು ಕೆರೆಯ ಕೃತಕ ದ್ವೀಪದಲ್ಲಿ ಶಿವ ಪ್ರತಿಮೆಯನ್ನು ಅನಾವರಣಗೊಳಿಸಿದ ಬಗ್ಗೆ ಬಲಪಂಥೀಯ ಗುಂಪುಗಳ ಕೈವಾಡವಿದೆ ಎಂಬ ಆರೋಪದ ಬಗ್ಗೆ ವೈಯಕ್ತಿತವಾಗಿ ತನಿಖೆ ನಡೆಸುವಂತೆ ಸೂಚಿಸಿದೆ. 2019ರಲ್ಲಿ ಬೇಗೂರು ಕೆರೆಯ ಕೃತಕ ದ್ವೀಪದಲ್ಲಿ ಶಿವ ಮೂರ್ತಿ ನಿರ್ಮಾಣಕ್ಕೆ ನ್ಯಾಯಾಲಯ ತಡೆ ನೀಡಿತ್ತು.
“ಹಗಲು ಹೊತ್ತಿನಲ್ಲಿ ನ್ಯಾಯಾಲಯದ ಆದೇಶಗಳನ್ನು ಧಿಕ್ಕರಿಸಲಾಗಿದೆ ಅಥಾವಾ ಉಲ್ಲಂಘಿಸಲಾಗಿದೆ, ಇದು ಸಂಪೂರ್ಣ ಕಾನೂನುಬಾಹಿರವಾಗಿದ್ದು ರಾಜ್ಯ ಸರ್ಕಾರವು ಇದರಲ್ಲಿ ಭಾಗಿಯಾಗಲು ಸಾಧ್ಯವಿಲ್ಲ ಹಾಗಾಗಿ ತಕ್ಷಣ ಕ್ರಮ ತೆಗೆದುಕೊಳ್ಳಬೇಕು” ಎಂದು ಹೈಕೋರ್ಟ್ ಸರ್ಕಾರಕ್ಕೆ ನಿರ್ದೇಶನ ನೀಡಿದೆ.
ನ್ಯಾಯಪೀಠವು ಅಭಿಪ್ರಾಯದ ಪ್ರಕಾರ, “ಈ ನ್ಯಾಯಾಲಯವು ಕಾಲಕಾಲಕ್ಕೆ ಹೊರಡಿಸಿದ ಆದೇಶಗಳು, ನಗರದೊಳಗಿರುವ ಕೆರೆಗಳನ್ನು ರಕ್ಷಿಸಲಾಗಿದೆ ಮತ್ತು ಕಾಲಾನಂತರದಲ್ಲಿ ಕಣ್ಮರೆಯಾದ ಸರೋವರಗಳನ್ನು ಪುನಃಸ್ಥಾಪಿಸಿ ಮತ್ತು ಪುನರುಜ್ಜೀವನಗೊಳಿಸುವುದನ್ನು ಖಾತರಿಪಡಿಸುವುದು. ಪ್ರತಿಮೆಗಳನ್ನು ಸ್ಥಾಪಿಸಲು ಕೃತಕ ದ್ವೀಪಗಳನ್ನು ರಚಿಸುವ ಬಿಬಿಎಂಪಿಯ ಕ್ರಮದ ಬಗ್ಗೆ ಸಮಸ್ಯೆಯಾಗಿದೆ. ಸರೋವರದ ಮಧ್ಯದಲ್ಲಿ ದ್ವೀಪವನ್ನು ನಿರ್ಮಿಸಬಹುದೇ ಎಂಬುದು ಕಾನೂನು ಸಮಸ್ಯೆಯಾಗಿದೆ. ಈ ಅರ್ಜಿಗಳ ಗುಂಪಿನಲ್ಲಿ ಯಾವುದೇ ಧಾರ್ಮಿಕ ಸಮಸ್ಯೆ ಇಲ್ಲ ಎಂಬುದನ್ನು ನ್ಯಾಯಾಲಯ ಸ್ಪಷ್ಟಪಡಿಸಿದೆ.
ಆಗಸ್ಟ್ 30, 2019 ರ ಆದೇಶದಂತೆ, ನ್ಯಾಯಾಲಯವು ಬೆಂಗಳೂರು ಮಹಾನಗರ ಪಾಲಿಕೆ (ಬಿಬಿಎಂಪಿ) ಯಿಂದ ಸರೋವರ ದ್ವೀಪದಲ್ಲಿ ಪ್ರತಿಮೆ ನಿರ್ಮಾಣವನ್ನು ತಡೆ ನೀಡಿತ್ತು.
ಪರಿಸರ ಬೆಂಬಲ ಸಮೂಹದ ಸಂಯೋಜಕರಾದ ಲಿಯೋ ಸಲ್ಡಾನ್ಹಾ ಅವರು ಸಲ್ಲಿಸಿದ ಅಫಿಡವಿಟ್ ಆಧರಿಸಿ ಕರ್ನಾಟಕ ಹೈಕೋರ್ಟ್ ತಡೆಯಾಜ್ಞೆ ನೀಡಿತ್ತು. ನಗರದ ಕೆರೆಗಳು ಮತ್ತು ಮಳೆನೀರು ಚರಂಡಿಗಳ ದುಸ್ಥಿತಿ ಕುರಿತು ಸಿಟಿಜನ್ಸ್ ಆಕ್ಷನ್ ಗ್ರೂಪ್ (ಸಿಎಜಿ) ಸಲ್ಲಿಸಿದ ಸಾರ್ವಜನಿಕ ಹಿತಾಸಕ್ತಿ ಮೊಕದ್ದಮೆಯಲ್ಲಿ ಮಧ್ಯಪ್ರವೇಶಿಸಲು ಅವರಿಗೆ ಅವಕಾಶ ನೀಡಿದ ನಂತರ ಇದು ಸಂಭವಿಸಿತು.
“ಪ್ರಾಥಮಿಕವಾಗಿ, ಬಿಬಿಎಂಪಿಗೆ ಕೆರೆಯ ವಿಸ್ತೀರ್ಣವನ್ನು ಕಡಿಮೆ ಮಾಡಲು ಮತ್ತು ಕೆರೆಯಲ್ಲಿ ದ್ವೀಪಗಳನ್ನು ಮಾಡಲು ಅಧಿಕಾರವಿದೆ. ಸಾರ್ವಜನಿಕ ನಂಬಿಕೆಯ ಸಿದ್ಧಾಂತದ ದೃಷ್ಟಿಯಿಂದ, ಬಿಬಿಎಂಪಿಯು ಕೆರೆಯ ವಿಸ್ತೀರ್ಣವನ್ನು ಕಡಿಮೆ ಮಾಡಲು ಸಾಧ್ಯವಿಲ್ಲ ಎಂದು ಹೈಕೋರ್ಟ್ ಹೇಳಿದೆ.
ಅದು ಸೇರಿಸಿದೆ, “ಬಿಬಿಎಂಪಿ ಈ ಅಫಿಡವಿಟ್‌ಗೆ ಪ್ರತಿಕ್ರಿಯಿಸುವವರೆಗೂ, 137.24 ಎಕರೆಗಳಷ್ಟು ಸರೋವರದೊಳಗೆ ದ್ವೀಪಗಳನ್ನು ನಿರ್ಮಿಸುವ ಯಾವುದೇ ಕೆಲಸವನ್ನು ಮಾಡದಂತೆ ನಾವು ಬಿಬಿಎಂಪಿಗೆ ನಿರ್ದೇಶನ ನೀಡುತ್ತೇವೆ. ನ್ಯಾಯಾಲಯದ ಅಪ್ಪಣೆ ಇಲ್ಲದೆ ಈಗಿರುವ ಕೆರೆಯ ಪ್ರದೇಶವನ್ನು ಕಡಿಮೆ ಮಾಡಲು ಯಾವುದೇ ಕೆಲಸವನ್ನು ಕೈಗೊಳ್ಳದಂತೆ ನಾವು ಬಿಬಿಎಂಪಿಗೆ ನಿರ್ದೇಶನ ನೀಡುತ್ತೇವೆ ಎಂದು ನ್ಯಾಯಾಲಯ ಬಿಬಿಎಂಪಿಗೆ ಖಡಕ್‌ ಎಚ್ಚರಿಕೆ ರವಾನಿಸಿದೆ.
5ನೇ ಮಾರ್ಚ್ 2021 ರಂತೆ, ನ್ಯಾಯಾಲಯವು ಮತ್ತಷ್ಟು ನಿರ್ದೇಶನ ನೀಡಿತು: “ಬಿಬಿಎಂಪಿ ಪರ ಹಾಜರಾದ ಹಿರಿಯ ವಕೀಲರಾದ ಶ್ರೀ ಡಿ.ಎನ್. ನಂಜುಂಡ ರೆಡ್ಡಿ ಅವರು ಸರೋವರದಲ್ಲಿ ದ್ವೀಪದಲ್ಲಿ ವಿಗ್ರಹ/ಪ್ರತಿಮೆಯನ್ನು ತೆರವುಗೊಳಿಸುವ ಬಗ್ಗೆ ಸ್ಪಷ್ಟ ನಿಲುವನ್ನು ತೆಗೆದುಕೊಳ್ಳಲು ಸಮಯ ಎರಡು ವಾರಗಳನ್ನು ಬಯಸಿತ್ತು. ದ್ವೀಪದಲ್ಲಿ ವಿಗ್ರಹವನ್ನು ಸ್ಥಾಪಿಸಬಾರದು ಎಂದು ನಾವು ಸ್ಪಷ್ಟಪಡಿಸಿದ್ದೇವೆ. ಈ ಹಿನ್ನೆಲೆಯಲ್ಲಿ ಬಿಬಿಎಂಪಿ ನಿರ್ಧಾರ ತೆಗೆದುಕೊಳ್ಳಬೇಕು ಎಂದು ತಿಳಿಸಿತ್ತು.
ಕಳೆದ ಎರಡು ವಾರಗಳ ಹಿಂದೆ, ಹಿಂದುತ್ವ ಪರ ಸಂಘಟನೆಗಳು ಪೋಸ್ಟರ್‌ಗಳು ಮತ್ತು ವಿಡಿಯೋಗಳನ್ನು ಪ್ರಸಾರ ಮಾಡಿ ಪ್ರತಿಮೆ ನಿರ್ಮಾಣ ತಡೆಯನ್ನು ಪ್ರಶ್ನಿಸಿದ್ದರು. ಇದು ಕ್ರಿಶ್ಚಿಯನ್ ಸಮುದಾಯದ ಆಕ್ಷೇಪಣೆಗಳಿಂದಾಗಿರು ಸಮಸ್ಯ ಎಂದು ಪ್ರಚಾರ ಮಾಡಿದರು.
ಇದಾದ ನಂತರ ನಂತರ, ‘ಕೋಮು ಅಂಶಗಳ ವಿರುದ್ಧ ಕಟ್ಟುನಿಟ್ಟಿನ ಕ್ರಮಕ್ಕೆ ಒತ್ತಾಯ ಮತ್ತು ಬೇಗೂರು ಸರೋವರವನ್ನು ರಕ್ಷಿಸಲು ಕೆಲಸ ಮಾಡುವವರಿಗೆ ನೇರ ಪರಿಣಾಮ ಬೀರುವ ಬೆದರಿಕೆ ಹಾಕುತ್ತಿರುವವರ ವಿರುದ್ದ ಕಟ್ಟುನಿಟ್ಟಿನ ಕ್ರಮಕ್ಕೆ ಸಿವಿಕ್ ಬೆಂಗಳೂರು, ಸಿಟಿಜನ್ಸ್ ಫಾರ್ ಬೆಂಗಳೂರು, ದ್ವೇಷದ ಭಾಷಣದ ವಿರುದ್ಧ ಅಭಿಯಾನ ಮತ್ತು 45 ಸಾಮಾಜಿಕ ಕಾರ್ಯಕರ್ತರು, ಪರಿಸರ ಮತ್ತು ನಾಗರಿಕ ಕಾರ್ಯಕರ್ತರು ಸಹಿ ಮಾಡಿ ಬಹಿರಂಗ ಹೇಳಿಕೆ ನೀಡಿದ್ದರು.
ನ್ಯಾಯಾಲಯದ ಸ್ಪಷ್ಟ ನಿರ್ದೇಶನಗಳನ್ನು ಸಂಪೂರ್ಣವಾಗಿ ಕಡೆಗಣಿಸಿ, ಸ್ಥಳೀಯ ಶಾಸಕ ಶ್ರೀ ಎಂ ಕೃಷ್ಣಪ್ಪ ಅವರು ಸ್ಥಳಕ್ಕೆ ಭೇಟಿ ನೀಡಿದರು ಮತ್ತು ಜೂನ್ 17 ಮತ್ತು 18 ರಂದು ವಿಜಯ ಕರ್ನಾಟಕದಲ್ಲಿ ವರದಿಯಾದಂತೆ ಕೆರೆಯ ಕೆಲಸವನ್ನು ತಕ್ಷಣವೇ ಪುನರಾರಂಭಿಸುವಂತೆ ಬಿಬಿಎಂಪಿ ಅಧಿಕಾರಿಗಳಿಗೆ ನಿರ್ದೇಶನ ನೀಡಿದರು ಎಂದು ಕಾರ್ಯಕರ್ತರು ಹೇಳುತ್ತಾರೆ. ಇದಾದ ನಂತರ 31 ಜುಲೈ 2021 ರಂದು, ಪುನೀತ್ ಕೆರೆಹಳ್ಳಿ ಎಂಬಾತ ಫೇಸ್‌ಬುಕ್‌ನಲ್ಲಿ ವೀಡಿಯೊವನ್ನು ಬಿಡುಗಡೆ ಮಾಡಿದ್ದು, ಇದರಲ್ಲಿ ಗೌರವಾನ್ವಿತ ನ್ಯಾಯಾಲಯದ ನಿರ್ದೇಶನಗಳನ್ನು ಉಲ್ಲಂಘಿಸಲು ಮತ್ತು ಪ್ರತಿಮೆಯನ್ನು ಪ್ರತಿಷ್ಠಾಪಿಸಲು ವ್ಯಾಪಕ ಸಾರ್ವಜನಿಕರಿಗೆ ಕಟುವಾಗಿ ಕರೆ ನೀಡಿದ್ದರು.
ಪುನೀತ್ ಕೆರೆಹಳ್ಳಿ ಎಂಬಾತ ಫೇಸ್‌ಬುಕ್‌ನಲ್ಲಿ ವೀಡಿಯೊವನ್ನು ಬಿಡುಗಡೆ ಮಾಡಿರುವ ಲಿಂಕ್‌ – https://www.facebook.com/100005366830064/videos/962236967680363/
ಅರ್ಜಿದಾರರ ವಿರುದ್ಧ, ವಿಶೇಷವಾಗಿ ಲಿಯೋ ಸಲ್ಡಾನ್ಹಾ ವಿರುದ್ಧ ವಿವಿಧ ಕೋಮು ಹೇಳಿಕೆಗಳನ್ನು ನೀಡಲಾಯಿತು. ಇದರ ನಂತರ ಇತರರಿಂದ ಹೆಚ್ಚಿನ ವೀಡಿಯೊಗಳು ಬಂದವು, ಮತ್ತು ಪೋಸ್ಟರ್‌ಗಳನ್ನು ಸಹ ಪ್ರಸಾರ ಮಾಡಲಾಯಿತು, ಇಂತಹ ಪೋಸ್ಟರ್ ಮತ್ತು ವಿಡಿಯೋಗಳಲ್ಲಿ ಹಿಂದುತ್ವ ಯೋಜನೆಯ ವಿರುದ್ದ ಯಾರೇ ಬಂದರೂ ಅವರ ವಿರುದ್ಧ ಗಂಭೀರ ಬೆದರಿಕೆಗಳನ್ನು ಹಾಕಲಾಗಿತ್ತು.
“ಕೆರೆಯಲ್ಲಿ ನೀರಿನ ಮಟ್ಟ ಕಡಿಮೆಯಾಗುತ್ತದೆ ಎಂದು ಹೇಳಿದ ಕ್ರಿಶ್ಚಿಯನ್ ಮಿಷನರಿಗಳು” ಪ್ರತಿಮೆಯನ್ನು ನಿರ್ಬಂಧಿಸಿದ ನಂತರ ಹಿಂದೂ ಸಂಘಟನೆಗಳು ಒಟ್ಟಾಗಿ ಪ್ರತಿಮೆಯನ್ನು ಅನಾವರಣಗೊಳಿಸಲು ಪೋಸ್ಟರ್‌ಗಳನ್ನು ಹಂಚಿಕೊಳ್ಳಲಾಗಿದೆ. ಈಗೆ ಹಂಚಿಕೊಂಡ ಪೋಸ್ಟರ್ ಪೋಸ್ಟ್ ಕಾರ್ಡ್ ನ್ಯೂಸ್ ಲೋಗೋವನ್ನು ಹೊಂದಿದ್ದು, ಅದರ ಸ್ಥಾಪಕ ಮಹೇಶ್ ವಿಕ್ರಮ್ ಹೆಗ್ಡೆ ಅವರನ್ನು 2018 ರಲ್ಲಿ ಜೈನ ಸನ್ಯಾಸಿಯೊಬ್ಬ ಮುಸ್ಲಿಂ ಯುವಕನ ಮೇಲೆ ಹಲ್ಲೆ ಮಾಡಿದ ಬಗ್ಗೆ ಸುಳ್ಳು ಸುದ್ದಿ ಹಬ್ಬಿಸಿದ್ದಕ್ಕಾಗಿ ಬಂಧಿಸಲಾಗಿತ್ತು.
