ಜರ್ಮನ್ ಮೂಲದ ಇನ್ಫ್ಲುಯೆನ್ಸರ್ ಹಾಗೂ ಮಾಡೆಲ್ ಲಿಜ್ಲಾಜ್ ಅವರು, ಭಾರತೀಯ ಕ್ರಿಕೆಟಿಗ ವಿರಾಟ ಕೊಹ್ಲಿ ತಮ್ಮ ಇನ್ಸ್ಟಾಗ್ರಾಮ್ ಪೋಸ್ಟ್ಗೆ ಲೈಕ್ ಮಾಡಿ ನಂತರ ಅನ್ಲೈಕ್ ಮಾಡಿದ ವಿಚಾರಕ್ಕೆ ಸಂಬಂಧಿಸಿದಂತೆ ಮೊದಲ ಬಾರಿಗೆ ಪ್ರತಿಕ್ರಿಯೆ ನೀಡಿದ್ದಾರೆ. ಈ ಘಟನೆ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿತ್ತು.
ಈ ಬಗ್ಗೆ ಮಾತನಾಡಿದ ಲಿಜ್ಲಾಜ್, ಕೊಹ್ಲಿ ತಮ್ಮ ಪೋಸ್ಟ್ಗೆ ಲೈಕ್ ಮಾಡಿದ ಸುದ್ದಿ ಕೇಳಿ ತಮಗೆ ಆಶ್ಚರ್ಯವಾಯಿತು ಎಂದು ತಿಳಿಸಿದ್ದಾರೆ. ಬಳಿಕ ಈ ವಿಷಯ ಅನಗತ್ಯವಾಗಿ ದೊಡ್ಡದಾಗಿ ಹರಿದಾಡಿದಾಗ ಪರಿಸ್ಥಿತಿ ನಿಯಂತ್ರಣ ತಪ್ಪಿದಂತಾಯಿತು ಎಂದು ಹೇಳಿದ್ದಾರೆ. ಕೊಹ್ಲಿ ಬಗ್ಗೆ ಸ್ವಲ್ಪ ಅಮಾಧಾನವೂ ಉಂಟಾಗಿದೆ ಎಂದು ಅವರು ತಿಳಿಸಿದರು.
“ನನ್ನ ಫೋಟೋಗೆ ಲೈಕ್ ಮಾಡಿದದ್ದು ಸಂತೋಷ ತಂದಿತು. ಆದರೆ ನಂತರ ಅನ್ಲೈಕ್ ಮಾಡಿದಾಗ ಸ್ವಲ್ಪ ಬೇಸರ ಆಯಿತು. ಇದು ಹೇಗೆ ಇಷ್ಟು ದೊಡ್ಡ ಸುದ್ದಿಯಾಯಿತೆಂದು ನನಗೆ ಅರ್ಥವಾಗುತ್ತಿಲ್ಲ,” ಎಂದು ಅವರು ಅಭಿಪ್ರಾಯಪಟ್ಟರು.ಜನರು ಈ ವಿಷಯವನ್ನು ಹೇಗೆ ಗಮನಿಸಿದರು ಎಂಬುದೇ ಆಶ್ಚರ್ಯ ಎಂದು ಹೇಳಿದ ಅವರು, ಕೊಹ್ಲಿಯ ಉದ್ದೇಶ ಬೇರೆ ಆಗಿರಬಹುದು ಎಂದೂ ಸೂಚಿಸಿದರು. ಆದರೂ, ಈ ಘಟನೆ ಮೂಲಕ ದೊರೆತ ಗಮನಕ್ಕೆ ಕೃತಜ್ಞತೆಯಿದೆ ಎಂದು ಹೇಳಿದರು. ಈ ವಿಷಯವನ್ನು ತಾವು ಸುದ್ದಿಗಳ ಮೂಲಕವೇ ತಿಳಿದುಕೊಂಡಿದ್ದು, ಅನೇಕರು ಡೈರೆಕ್ಟ್ ಮೆಸೇಜ್ಗಳ ಮೂಲಕ ಸಂಪರ್ಕಿಸಿದ್ದರು ಎಂದೂ ಅವರು ವಿವರಿಸಿದರು.
ಇದರ ನಡುವೆ, RCB ತಂಡಕ್ಕೆ ಲಿಜ್ಲಾಜ್ ನೀಡಿದ್ದ ಹಳೆಯ ಬೆಂಬಲದ ವಿಡಿಯೋ ಕೂಡ ಸಾಮಾಜಿಕ ಜಾಲತಾಣಗಳಲ್ಲಿ ಮತ್ತೆ ವೈರಲ್ ಆಗಿದೆ. ಕಳೆದ ಐಪಿಎಲ್ ವೇಳೆ ಬೆಂಗಳೂರಿನ ಸ್ನೇಹಿತರೊಂದಿಗೆ ಪಂದ್ಯ ವೀಕ್ಷಿಸುವಾಗ ತಂಡದೊಂದಿಗೆ ತನ್ನ ಸಂಪರ್ಕ ಬೆಳೆದಿದೆ ಎಂದು ಅವರು ಹೇಳಿಕೊಂಡಿದ್ದರು.
