ಪಾಕ್ ನ್ಯೂಸ್ ಚಾನೆಲ್ ಗಳು & ಯೂಟ್ಯೂಬ್ ಚಾನೆಲ್ ಗಳು ಭಾರತದಲ್ಲಿ ಬಂದ್..! ಕೇಂದ್ರದಿಂದ ಮತ್ತೊಂದು ಮಹತ್ವದ ಹೆಜ್ಜೆ

ಕಾಶ್ಮೀರದ ಪಹಲ್ಗಾಮ್ ನಲ್ಲಿ ಭಾರತೀಯರನ್ನು ಗುಂಡಿಕ್ಕಿ ಉಗ್ರರು ಕೊಂದ ಬೆನ್ನಲ್ಲೇ (Pahalgam terror attack) ಭಾರತ (India) ಪಾಕಿಸ್ತಾನದ (Pakistan) ವಿರುದ್ಧ ಕೆರಳಿ ಕೆಂಡವಾಗಿದೆ.ಈಗಾಗಲೇ ಹಲವು ರಾಜ ತಾಂತ್ರಿಕ ಕ್ರಮಗಳ ಮೂಲಕ ಭಾರತ ಪಾಕಿಸ್ತಾನಕ್ಕೆ ನಡುಕ ಹುಟ್ಟಿಸಿದೆ.

ಇದೀಗ ಕೇಂದ್ರ ಸರ್ಕಾರ ಮತ್ತೊಂದು ಕ್ರಮಕ್ಕೆ ಮುಂದಾಗಿದ್ದು, ಭಾರತದಲ್ಲಿ ಪಾಕಿಸ್ತಾನದ ನ್ಯೂಸ್ ಚಾನಲ್ ಗಳು (Pakistan News channels) ಮತ್ತು ಯೂ ಟ್ಯೂಬ್ ಚಾನಲ್ ಗಳನ್ನು (YouTube channels) ಬ್ಯಾನ್ ಮಾಡಲಾಗಿದೆ. ಹೌದು ಕೇಂದ್ರ ಸರ್ಕಾರದಿಂದ ಪಾಕ್ ನ್ಯೂಸ್ ಚಾನಲ್, ಯೂ ಟ್ಯೂಬ್ ಚಾನಲ್ ಬ್ಯಾನ್ ಮಾಡಿ ಎಂದು ಆದೇಶ ಹೊರಡಿಸಲಾಗಿದೆ.

ಕಾಶ್ಮೀರದ ಉಗ್ರರ ದಾಳಿಯ ನಂತರ ಪಾಕಿಸ್ತಾನದ ಮಾಧ್ಯಮಗಳು ತಪ್ಪು ಹಾಗೂ ಸುಳ್ಳು ಮಾಹಿತಿಗಳನ್ನು ಪ್ರಸಾರ ಮಾಡುತ್ತಿರುವ ಹಿನ್ನಲೆ ದಾರಿ ತಪ್ಪಿಸುವ ಕೆಲಸ ಮಾಡುತ್ತಿದೆ. ಹೀಗಾಗಿ ಪಾಕ್ ಚಾನಲ್ ಗಳ ಪ್ರಸಾರವನ್ನು ಬ್ಯಾನ್ ಮಾಡಿ ಆದೇಶಿಸಲಾಗಿದೆ.