ವಕ್ಫ್ ಬೋರ್ಡ್ ವಿಚಾರವಾಗಿ ರಾಜ್ಯದಲ್ಲಿ ರಾಜ್ಯಾಧ್ಯಕ್ಷ ವಿಜಯೇಂದ್ರ ಅವರು ಮೂರು ತಂಡಗಳನ್ನು ರಚನೆ ಮಾಡಿದ್ದಾರೆ. ಇವತ್ತು ಅದರ ಅಂತಿಮ ಸ್ವರೂಪ ಗೊತ್ತಾಗುತ್ತದೆ. ದಿನದಿಂದ ದಿನಕ್ಕೆ ವಕ್ಫ್ ಆಸ್ತಿ ಪ್ರಕರಣ ಜಾಸ್ತಿ ಆಗುತ್ತಿದೆ. ಮಠ-ಮಂದಿರಗಳನ್ನು ಬಿಡದೆ ಎಲ್ಲದನ್ನೂ ಕೂಡ ವಕ್ಫ್ ಆಸ್ತಿ ಎಂದು ಘೋಷಣೆ ಮಾಡುತ್ತಿರುವುದು ಆಘಾತಕಾರಿಯಾದ ಸಂಗತಿ ಆಗಿದೆ ಎಂದು ಹಾಸನದಲ್ಲಿ ಮಾಜಿ ಸಚಿವ ಹಾಗೂ ಶಾಸಕ ಸುನೀಲ್ಕುಮಾರ್ ಸರ್ಕಾರದ ವಿರುದ್ಧ ಕಿಡಿಕಾರಿದ್ದಾರೆ.
ಇಷ್ಟು ದೊಡ್ಡ ಮಟ್ಟದಲ್ಲಿ ವಕ್ಫ್ ತನ್ನ ಕದಂಬ ಬಾಹುಗಳನ್ನು ಚಾಚುತ್ತಿದ್ದರು ರಾಜ್ಯ ಸರ್ಕಾರ ಇನ್ನೂ ಮೌನವಹಿಸಿದೆ. ಮಠ-ಮಂದಿರಗಳಿಗೆ ರಕ್ಷಣೆ ಕೊಡದೆ ಹಿಂದೂಗಳಿಗೆ ಬಿಡುತ್ತೇವೆ ಎಂದು ಒಂದು ಶಬ್ದ ಕೂಡ ಹೇಳದೆ ಪರೋಕ್ಷವಾಗಿ ವಕ್ಫ್ ಪರವಾಗಿ ಸರ್ಕಾರ ವಕಾಲತ್ತು ವಹಿಸುತ್ತಿದೆ ಎಂದಿರುವ ಸುನೀಲ್ ಕುಮಾರ್, ಇದು ರಾಜ್ಯದಲ್ಲಿ ಆಘಾತಕಾರಿಯಾದ ಬೆಳವಣಿಗೆ ಎಂದಿದ್ದಾರೆ.
ಪ್ರತಿದಿನ ರೈತರು, ಸಂಘ-ಸಂಸ್ಥೆಗಳು ತಮ್ಮ ತಮ್ಮ ಪಹಣಿಯನ್ನ, ಆರ್ಟಿಸಿಯನ್ನು ನೋಡುವ ದುಸ್ಥಿತಿ ಬಂದಿದೆ. ಈ ಹಿನ್ನೆಲೆಯಲ್ಲಿ ರಾಜ್ಯಾದ್ಯಂತ ಮೂರು ತಂಡಗಳಲ್ಲಿ 75 ಕ್ಕೂ ಹೆಚ್ಚು ನಾಯಕರ ತಂಡ ಮುಂದಿನ ವಾರ ರಾಜ್ಯ ಪ್ರವಾಸ ಮಾಡುತ್ತೇವೆ. ಜನರ ಅಹವಾಲುಗಳನ್ನು ಸ್ವೀಕರಿಸುತ್ತೇವೆ. ದೊಡ್ಡ ಪ್ರಮಾಣದಲ್ಲಿ ಹೋರಾಟ ರೂಪಿಸಬೇಕೆಂದು ಬಿಜೆಪಿಯಲ್ಲಿ ನಾವು ತೀರ್ಮಾನ ತೆಗೆದುಕೊಂಡಿದ್ದೇವೆ ಅಂತಾನೂ ತಿಳಿಸಿದ್ದಾರೆ.
